رتیش دیشمکھ نے اپنی 22 سالہ کامیاب شادی کا رازکھول دیا
اشاعت کی تاریخ: 7th, April 2025 GMT
ممبئی(شوبز ڈیسک)بالی ووڈ کے معروف اداکار رتیش دیشمکھ نے اپنی اہلیہ جینیلیا ڈسوزا کے ساتھ اپنے 22 سالہ رشتہ کی کامیابی اور شادی کے راز سے پردہ اٹھایا۔
دونوں کو بالی ووڈ کی سب سے پسندیدہ اور کامیاب جوڑی سمجھا جاتا ہے اور ان کا رشتہ کبھی بھی کسی افواہ یا تنازعے کا شکار نہیں ہوا۔
حال ہی میں اپنی شادی اور جینیلیا کے ساتھ گزاری گئی بہترین زندگی کے بارے میں بات کرتے ہوئے رتیش دیشمکھ نے کہا کہ ان کے درمیان کبھی بھی بحث یا لڑائی نہیں ہوتی۔ اگرچہ بعض اوقات کچھ مسائل پر اختلاف رائے ضرور ہوتا ہے، مگر دونوں میں کبھی کسی بات پر تلخ کلامی یا لڑائی نہیں ہوتی ۔
ان کا کہنا تھا کہ اس کی وجہ یہ ہے کہ ایسی صورت میں ہم میں سے جو بھی غلطی پر ہوتا ہے وہ اپنی انا کو پس پشت ڈال کر پہل کے لیے آگے بڑھ جاتا ہے۔
رتیش نے وضاحت کی کہ اس 22 سالہ تعلق میں ان کی پالیسی یہ ہے کہ کسی بھی بحث کو اگلے دن تک نہیں بڑھنے دیتے۔ ان کا کہنا تھا کہ جب جینیلیا ناراض ہوتی ہیں تو وہ خاموشی سے ان کی بات سنتے ہیں اور اگلے دن تک سب کچھ ٹھیک ہو جاتا ہے، اس کے بعد وہ گزرے ہوئے دن کی باتوں کو بھول کر آگے بڑھتے ہیں۔
اداکار نے مزید کہا کہ زیادہ تر معاملات میں وہ خود غلطی کرتے ہیں، اس لئے معافی میں پہل کرنے کو ترجیح دیتے ہیں۔ ان کا ماننا ہے کہ شادی کو کامیابی سے چلانے کا بہترین طریقہ یہ ہے کہ آپ اپنی غلطی تسلیم کریں، معافی مانگیں اور آگے بڑھ جائیں۔
یاد رہے کہ رتیش دیشمکھ اور جینیلیا ڈسوزا نے 2012 میں شادی کی تھی اور ان کا تعلق 2003 میں فلم کے سیٹ پر شروع ہوا تھا۔ یہ جوڑی دوستی سے محبت میں بدل گئی اور آج ان کے دو بیٹے ہیں۔ اور وہ ایک مثالی اور خوشگوار زندگی بسر کر رہے ہیں۔
مزیدپڑھیں:چین کے 6th جنریشن لڑاکا طیارے جے 50 ’‘ خدائی سایہ’’ کی دھوم
ذریعہ: Daily Ausaf
کلیدی لفظ: رتیش دیشمکھ
پڑھیں:
اب تک شادی کیوں نہیں کی؟ فیصل رحمان نے دلچسپ وجہ بتادی
فیصل رحمان نے نوجوانی میں ہی فلم انڈسٹری میں اپنی جگہ بنالی تھی اور شبنم سمیت عمر میں بڑی کئی سینیئر اداکاراؤں کے ہیرو بھی بنے۔
ہیرو اور ہیروئن کے عمر میں اتنے بڑے خلا کو فیصل رحمان نے اپنی جاندار اور برجستہ اداکاری سے پُر کیا کہ وہ کردار امر ہوگئے۔
نجی چینل کو دیئے گئے انٹرویو میں 58 سالہ فیصل رحمان نے اب تک شادی نہ کرنے کی حیران کن اور دلچسپ وجہ بتادی۔
فیصل رحمان نے کہا کہ شادی نہ کرنے پر ملال نہیں، مجھے آج تک کسی سہارے کی ضرورت محسوس نہیں ہوئی اور مستقبل میں بھی خود کفیل رہنا چاہتا ہوں۔
محبت میں ناکامی کے باعث شادی نہ کرنے کے تاثر کو مسترد کرتے ہوئے اداکار فیصل رحمان نے کہا کہ شادی نہ کرنے کی ایک وجہ میرا آزاد خیال ہونا بھی ہے اور نہ ہی میرا دل ٹوٹا ہے۔
اداکار نے حال ہی میں ایک ویب شو میں بطور مہمان شرکت کے دوران اب تک شادی نہ کرنے کی وجہ بتائی ہے۔
فیصل نے بتایا کہ میں زندگی میں کئی لوگوں کے قریب ہوا اور شادی کرنے کا فیصلہ بھی کیا لیکن شادی نہ ہوسکی۔
یاد رہے کہ دو ماہ قبل ایک اور انٹرویو میں شادی نہ ہونے کے راز سے پردہ اٹھاتے ہوئے انھوں نے انکشاف کیا تھا کہ مجھے وعدے کرنے سے ڈر لگتا ہے اس لیے میں ہر بار شادی کرنے کا ارادہ ترک کردیتا ہوں۔
فیصل رحمان نے کہا کہ میرے خیال میں سارے مرد ہی اس طرح کے وعدے کرنے سے ڈرتے ہیں لیکن معاشرے کے دباؤ اور اپنے عدم تحفظ کی وجہ سے شادی کرلیتے ہیں کیونکہ انہیں لگتا ہے کہ زندگی میں کسی ساتھی کی ضرورت ہے۔
انہوں نے مزید کہا کہ میرا خیال ہے کہ اگر ہم اچھی طرح خود کو پہچان لیں تو ہمیں زندگی میں کسی کے ساتھ کی ضرورت نہیں ہے۔
اداکار نے یہ بھی کہا کہ دو لوگ صرف اس صورت میں ایک دوسرے کے ساتھ چل سکتے ہیں اگر وہ ایک دوسرے کو اچھی طرح سمجھ جائیں اور دونوں ایک ہی جیسی خصوصیات کے حامل ہوں۔
آرمی ایکٹ میں اگر سویلینز کو لانا ہوتا تو اس میں الگ سے لکھا جاتا: آئینی بنچ