عمران خان کو کون سی آفرز دی گئیں؟ علیمہ خان نے بتادیا
اشاعت کی تاریخ: 8th, April 2025 GMT
راولپنڈی(نیوز ڈیسک)بانی چیئرمین پی ٹی آئی کی بہن علیمہ خان نے بتایا ہے کہ عمران خان کو کون کون سی آفرز دی گئیں۔میڈیا کے نمائندوں سے بات کرتے ہوئے علیمہ خان نے بتایا کہ آج ہمارے 2 کیسز تھے، 9 مئی کا ایک کیس اور 5 اکتوبر احتجاج کا کیس۔ 9 مئی کے کیس میں ریکارڈ سپریم کورٹ کے سامنے ہے جب کہ 5 اکتوبر کے کیس میں ہم 5 بار پیش ہوئے، مگر تفتیشی افسر پیش نہیں ہوتا۔
انہوں نے کہا کہ آج جج صاحب نے کہا ہے کہ اگر تفتیشی افسر ریکارڈ پیش نہیں کرتا تو اس کی الماری توڑ کر ریکارڈ پیش کریں ۔ جج صاحب کو میں نے کہا کہ اگر ہمیں انصاف نہیں ملنا تو ہم اپنی درخواست ضمانت واپس لینا چاہتے ہیں ۔ جج صاحب بھی بے بس ہیں۔
علیمہ خان کا کہنا تھا کہ ہمیں اپنی پولیس اور ججز کی آزادی کے لیے تحریک چلانی چاہیے ۔ 2 بجے ہماری اپنے بھائی بانی پی ٹی آئی سے ملاقات ہونی چاہیے ۔ 3 ہفتے ہو گئے ہیں مگر ہمیں بانی پی ٹی آئی سے ملاقات نہیں کرائی جا رہی ۔
انہوں نے کہا کہ پی ٹی آئی کو میرا مشورہ یہ ہے کہ اگر آپ نے سپورٹ کرنا ہے تو جمعرات کو آپ اپنے سیاسی لیڈرز کے ساتھ جا کر کھڑے ہوں ۔ اگر آپ کے سیاسی لیڈرز کو بانی پی ٹی آئی سے ملاقات نہیں کرنے دی جاتی اپنے لیڈرز کے ساتھ کھڑے ہوں ۔ گزشتہ دو تین دنوں سے ہمیں بہت لوگوں نے کہا ہے کہ بانی پی ٹی آئی کا کوئی پیغام پہنچائیں ۔
علیمہ خان کا کہنا تھا کہ کے پی کے میں مائنز اینڈ منرلز ایکٹ کو عملدرآمد روک دینا چاہیے ۔ بانی پی ٹی آئی رہا ہوں، اس ایکٹ کو سمجھیں اور اس ایکٹ کو اسمبلی میں پیش کریں۔
انہوں نے بتایا کہ بانی پی ٹی آئی کو بہت پہلے سے آفرز آرہی تھیں کہ ملک چھوڑ کر چلے جائیں یا 2 سال کے لیے خاموش ہو جائیں ۔ اگر آج بانی پی ٹی آئی سے ملاقات نہیں کرائی جاتی تو وہاں دھرنا دیں گے ۔
عمران خان کی بہن کا کہنا تھا کہ امریکی وفد اپنی مرضی سے پاکستان آ رہا ہے، ہمیں اس بارے میں کچھ معلوم نہیں ۔ بانی پی ٹی آئی نے پوچھا کہ کیا آپ نے باہر جا کر میری بات پہنچا دی ہے ۔ ہم تو وہی بات کرتے ہیں جو بانی پی ٹی آئی ہمیں بناتے ہیں ۔ ہمیں بانی پی ٹی آئی نے کہا تھا کہ میں کوئی پریشر نہیں لوں گا، پیچھے نہیں ہٹوں گا۔
عید الاضحیٰ 2025کے حوالے سے پیشگوئی سامنے آگئی ہے
.ذریعہ: Daily Ausaf
کلیدی لفظ: بانی پی ٹی ا ئی سے ملاقات علیمہ خان نے کہا تھا کہ
پڑھیں:
پی ٹی آئی بانی کے بیٹے آ رہے ہیں، جس نے گرفتار کرنا ہے کر لیں، علیمہ خان
راولپنڈی:تحریک انصاف کے بانی چیئرمین کے دونوں بیٹے قاسم خان اور سلمان خان دونوں کے پاکستان آنے کی علیمہ خان ،سلمان اکرم راجا اور بیرسٹر علی ظفر نے تصدیق کر دی۔
تینوں رہنمائوں نے بتایا کہ دونوں بیٹوں کی جیل میں قید والد سے ملاقات ان کا آئینی و قانونی حق ہے، اس حوالے سے ہفتہ رواں اسلام آباد ہائیکورٹ میں دونوں بیٹوں کی بانی سے ملاقات کیلئے باقاعدہ آئینی پٹیشن دائر کی جا رہی ہے۔
علیمہ خان نے کہا کے جس نے گرفتار کرنا ہے کر لیں وہ آرہے ہیں اور وہ کتنا عرصہ پاکستان میں رہیں گے یا احتجاجی تحریک کی قیادت کریں گے یا نہیں فوری کچھ نہیں کہہ سکتے، یہ فیصلہ انہوں نے ہی کرنا ہے۔
سلمان اکرم راجہ نے کہا کہ اسلام آباد بھی جیل ہے ، بانی چیئرمین کی تینوں بہنوں علیمہ خان، نورین خان اور نے سپرنٹڈنٹ جیل اڈیالہ پر تنقید کرتے کہا کے ہم اس غفور انجم کو کبھی نہیں بھولیں گے اس نے ہمارے بھائی کو شدید ترین تکالیف پہنچائی ہیں، وقت آنے پر حساب لیں گے۔
سلمان اکرم راجہ ، علیمہ خان اور بیرسٹر علی ظفر نے کہا ہے کہ توشہ خانہ ٹو کا ٹرائل کالعدم قرار دے دینا چاہئے، یہ صرف مفروضہ ہے کہ شاہ محمود قریشی پارٹی کو لیڈ کریں گے، پی ٹی آئی کے لیڈر صرف اور صرف عمران خان ہی ہیں۔
بیرسٹر نے کہا کہ بھرپور تحریک چلائیں گے، پی ٹی آئی رہنما شاندانہ گلزار نے ایک انٹرویو میں کہا ہے کہ پانچ اگست کو بھر پور احتجاج ہوگا اور خیبر پختون خوا کے لوگ مایوس نہیں کریں گے۔
فیصل چوہدری نے کہا ہے کہ بانی پی ٹی آئی عمران خان اپنی بہن علیمہ خان سے ناراض ہیں یا نہیں، یہ ان کا خاندانی معاملہ ہے۔
اسد قیصر نے ایکس پر کہا ہے کہ پریس کانفرنس کرنے والوں کو9مئی مقدمات میں معاف کرنا انصاف کے دوہرے معیار کی واضح مثال ہے ۔
بلوچستان: پنجاب کے نو مسافروں کو اغوا کر کے قتل کر دیا گیا