ارشد چائے والا کا شناختی کارڈ اور پاسپورٹ بلاک، وجہ کیا بنی؟
اشاعت کی تاریخ: 9th, April 2025 GMT
لاہور ہائیکورٹ راولپنڈی بینچ نے ارشد خان چائے والا کا قومی شناختی کارڈ اور پاسپورٹ بلاک کیے جانے کے معاملے پر نیشنل ڈیٹابیس اینڈ رجسٹریشن اتھارٹی (نادرا) اور امیگریشن ڈیپارٹمنٹ سے رپورٹ طلب کر لی ہے۔
جسٹس جواد حسن کی سربراہی میں عدالت نے کیس کی سماعت کے بعد تحریری حکم جاری کرتے ہوئے متعلقہ حکام کو 17 اپریل کے لیے نوٹس جاری کردیا۔ عدالت نے سرکاری وکیل کو بھی ہدایت کی کہ وہ متعلقہ محکموں سے ہدایات لے کر آئندہ سماعت سے قبل جواب جمع کروادیں۔
سماعت کے دوران درخواست گزار کے وکیل عمر اعجاز گیلانی نے مؤقف اپنایا کہ ارشد خان ایک پاکستانی شہری ہیں اور ایک جعلی خبر کی بنیاد پر متعلقہ حکام نے ان کا شناختی کارڈ اور پاسپورٹ بلاک کردیا، جس سے ان کا مستقبل، کیریئر اور کاروبار خطرے میں پڑ گیا ہے۔
مزید پڑھیں: ارشد خان چائے والا نے ایک کروڑ روپے کا آئیڈیا کیسے بیچا؟
سرکاری وکیل نے درخواست کی قابل سماعت ہونے پر اعتراض اٹھاتے ہوئے کہا کہ ارشد خان اپنی پاکستانی شہریت سے متعلق کوئی مستند دستاویز عدالت میں پیش نہیں کرسکے، اس لیے نادرا اور امیگریشن حکام نے ان کا شناختی کارڈ اور پاسپورٹ درست طور پر بلاک کیا۔
اس پر وکیل صفائی نے مؤقف اپنایا کہ ارشد خان کے خاندان کی پاکستان میں شہریت کی دستاویزات موجود ہیں، لہٰذا نادرا کی جانب سے 1978 سے قبل کی رہائش کا مطالبہ بدنیتی پر مبنی ہے، جس سے نہ صرف ان کی روزگار کے مواقع بلکہ ان کی شہرت کو بھی ناقابلِ تلافی نقصان پہنچا ہے۔
وکیل نے مزید کہا کہ آئینِ پاکستان کے آرٹیکل 9 کے تحت ہر شہری کے روزگار کا بنیادی حق تسلیم کیا گیا ہے، جبکہ آرٹیکل 18 ہر شہری کو کاروبار کا حق دیتا ہے۔ اس کے علاوہ، آرٹیکل 14 انسانی عظمت اور نجی زندگی کے تحفظ کی ضمانت دیتا ہے، اور آرٹیکل 4 کے تحت ہر شہری کو قانون کے مطابق سلوک کا حق حاصل ہے۔
درخواست گزار کے وکیل نے مؤقف اختیار کیا کہ نادرا کی جانب سے ارشد خان کا شناختی کارڈ بلاک کرنا نادرا آرڈیننس 2000 کے سیکشن 18 کی صریح خلاف ورزی ہے، کیونکہ یہ اقدام بغیر کسی قانونی جواز اور نوٹس کے کیا گیا۔
مزید پڑھیں: ارشد چائے والا کی شارک ٹینک پاکستان میں انٹری، کاروبار شروع کرنے کے لیے کتنے کروڑ حاصل کرلیے؟
عدالت نے تمام دلائل سننے کے بعد نادرا اور امیگریشن حکام کو آئندہ سماعت پر تحریری جواب اور ریکارڈ سمیت عدالت میں پیش ہونے کا حکم دیا ہے۔
واضح رہے کہ جولائی 2017 میں بھی نادرا نے یہ مؤقف اختیار کیا تھا کہ ارشد خان پاکستانی نہیں بلکہ افغان شہری ہیں اور اپنی پاکستانی شہریت کو ثابت کرنے میں وہ ناکام رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: شناختی کارڈ اور پاسپورٹ کا شناختی کارڈ کہ ارشد خان چائے والا
پڑھیں:
بنگلہ دیش کی عدالت نے اظہر الاسلام کی سزائے موت کے خلاف اپیل سماعت کے لیے مقررکردی
ڈھاکہ(اردوپوائنٹ اخبارتازہ ترین-انٹرنیشنل پریس ایجنسی۔22 اپریل ۔2025 )بنگلہ دیش کی ایک عدالت نے 1971 میں ”انسانیت کے خلاف جرائم“ سے متعلق مقدمے میں جماعت اسلامی کے سابق نائب سیکرٹری جنرل اظہر الاسلام کو دی جانے والی سزائے موت کے خلاف اپیل کی سماعت کے لیے 6 مئی کی تاریخ مقرر کی ہے اپیل پر سماعت اپیلٹ ڈویژن کا فل بنچ کرے گا. اظہر الاسلام کو دی جانے والے سزائے موت کے خلاف اپیل پر 6 مئی کو سماعت کرنے کا فیصلہ چیف جسٹس ڈاکٹر سید رفعت احمد کی سربراہی میں چار ±کنی اپیلٹ بنچ نے منگل کو دیا تھااس موقع پر اظہر الاسلام کی نمائندگی بیرسٹر احسان عبداللہ صدیقی نے کی.(جاری ہے)
بنگلہ دیش کے انٹرنیشنل کرائمز ٹریبونل نے اظہر الاسلام کو30 دسمبر 2014 کو انسانیت کے خلاف جرائم کا ارتکاب کرنے کے جرم میں موت کی سزا سنائی تھی ان پر الزام تھا کہ جنگ کے دوران انہوں نے پاکستان کی طرف جھکاﺅرکھنے والے ملیشیا گروپ کے ایک رکن کے طور پر وسیع پیمانے پر قتلِ عام میں حصہ لیا تھا. یاد رہے کہ جماعتِ اسلامی بنگلہ دیش کا کہنا ہے کہ یہ تمام مقدمات سیاسی بنیادوں پر قائم کیے گئے تھے بنگلہ دیش میں ماضی میں ان عدالتی کارروائیوں کے ناقدین کا بھی یہی کہنا تھا کہ شیخ حسینہ واجد کی حکومت جنگی جرائم کے ٹرائبیونل کو اپنے سیاسی مخالفین کو نشانہ بنانے کے لیے استعمال کر رہی تھی اس فیصلے کے خلاف ابتدائی اپیل 2019 میں کی گئی تھی تاہم اس وقت اپیلٹ ڈویژن نے سزائے موت کو برقرار رکھا تھا بعد ازاں 19 جولائی 2020 کو اس فیصلے کے خلاف نظرثانی کی درخواست دائر کی گئی تھی جسے سماعت کے لیے مقررنہیں کیا گیا تھا.
وزارت مذہبی امور کا پرائیویٹ حج کرنے والوں کے لئے بڑا اعلان