مصر نے فلسطینیوں کی جبری یا رضاکارانہ نقل مکانی کی مخالفت کردی
اشاعت کی تاریخ: 9th, April 2025 GMT
فرانسوی وزیر داخلہ کیساتھ اپنی ایک مشترکہ پریس کانفرنس میں بدر عبد العاطی کا کہنا تھا کہ غزہ کی پٹی میں انسانی امداد کی ترسیل کو مسلسل روکنا، فلسطینی عوام کو اپنی زمین چھوڑنے پر مجبور کرنے کی کوشش کے مترادف ہے۔ اسلام ٹائمز۔ آج مصر کے وزیر خارجہ "بدر عبد العاطی" نے کہا کہ قاہرہ واضح طور پر فلسطینی عوام کی جبری یا رضاکارانہ بے دخلی کے ہر منصوبے کی مخالفت کرتا ہے۔ انہوں نے کہا کہ ہمارے لئے فلسطینیوں کی نقل مکانی کا منصوبہ ناقابل قبول ہے۔ بدر عبد العاطی نے مزید کہا کہ غزہ کی پٹی میں انسانی امداد کی ترسیل کو مسلسل روکنا، فلسطینی عوام کو اپنی زمین چھوڑنے پر مجبور کرنے کی کوشش کے مترادف ہے۔ نیز یہ اقدام بین الاقوامی قوانین کی بھی کھلی خلاف ورزی ہے۔ انہوں نے کہا کہ فلسطینی عوام کو اپنی سرزمین پر زندگی گزارنے کا مکمل حق حاصل ہے۔ اس حق سے دستبردار ہونا یا اس پر سمجھوتہ کرنا ممکن نہیں۔ واضح رہے کہ بدر عبد العاطی نے ان خیالات کا اظہار اس وقت کیا جب وہ مصر کی صدارت میں ہونے والے دوسرے خرطوم اجلاس کے موقع پر فرانسوی وزیر داخلہ "فرانسوا نوئل بووه" اور جرمن وزیر "کاٹیا کوئل" کے ساتھ مشترکہ کانفرنس کر رہے تھے۔
انہوں نے گزشتہ روز بھی امریکی نمائندہ برائے امور مشرق وسطیٰ "مورگن اورٹیگس" سے ملاقات میں کہا کہ مصر، فلسطینیوں کی اپنی سرزمین سے بےدخلی کا مخالف ہے۔ دوسری جانب گزشتہ روز ہی فرانسوی صدر کے دورہ قاھرہ کے موقع پر ہزاروں مصری شہریوں نے العریش ائیر پورٹ پر مظاہرہ کیا اور فلسطینیوں کی اپنی سرزمین سے جبری نقل مکانی کے منصوبے کی مخالفت کا اعلان کیا۔ یاد رہے کہ گزشتہ کئی ہفتوں سے صیہونی رژیم نے غزہ جانے والی تمام سرحدی راہداریوں کو بند کر دیا ہے اور اس پٹی میں کسی بھی قسم کی انسانی امداد نہیں جانے دے رہی۔ جس سے اس علاقے میں قحط اور بھوک کا بحران پیدا ہو چکا ہے۔
ذریعہ: Islam Times
کلیدی لفظ: بدر عبد العاطی فلسطینی عوام فلسطینیوں کی کہا کہ
پڑھیں:
پاک بھارت باکسنگ ٹاکراآج، عثمان وزیر بھارتی حریف سے ٹکرائیں گے
تھائی لینڈ (نیوزڈیسک)پاک بھارت باکسنگ ٹاکرا آج سہہ پہر 3 بجے تھائی لینڈ میںہہوگا۔ پاکستانی انٹرنیشنل باکسر عثمان وزیر کل بھارتی حریف سے ٹکرائیں گے۔
پاکستان کے عثمان وزیر کی یہ 16ویں انٹرنیشنل فائٹ ہوگی، عثمان وزیر 16/0 کے اسکور کے ساتھ ابھی تک ناقابل شکست ہیں۔
پاک بھارت باکسنگ ٹاکرا پاکستانی وقت کے مطابق آج دن تین بجے ہوگا۔
پاکستانی باکسر عثمان وزیر بھارتی باکسر کو ہرانے کےلیے پرعزم ہیں۔ عثمان وزیر اس سے قبل بھی بھارتی باکسر کو ناک آؤٹ کر چکے ہیں۔
عثمان وزیر نے اپنے ویڈیو پیغام میں قوم سے اپنی فتح کےلیے دعاؤں کی درخواست کی ہے۔ انکا کہنا تھا کہ پہلے کی طرح اس بار بھی اپنی انٹرنیشنل رینکنگ فائٹ جیت پاکستان کے نام کروں گا۔
https://dailyausaf.com/wp-content/uploads/2025/04/whatsapp-video-2025-04-23-at-6.41.03-pm.mp4
طورخم بارڈر سے مزید 2258 افراد واپس افغانستان چلے گئے
پاکستان بھر میں کے ایف سی پر حملوں کے واقعات، 178 افراد گرفتار