تم لوگوں کو صرف پیسہ چاہیے، جسٹن بیبر پاپرازی پر بھڑک اُٹھے، ویڈیو وائرل
اشاعت کی تاریخ: 10th, April 2025 GMT
جسٹن بیبر کافی شاپ کے باہر ان کی تصاویر کیلئے انتظار کرنے والے پاپرازی پر برہم ہوگئے جس کی وجہ سے مداحوں میں تشویش کی لہر دوڑ اُٹھی ہے۔
غیر ملکی میڈیا رپورٹ کے مطابق کوچیلا فیسٹیول سے چند روز قبل معروف گلوکار جسٹن بیبر پاپرازی پر غصے کا اظہار کرتے ہوئے نظر آئے ہیں جس کی ویڈیو سوشل میڈٰیا پر تیزی سے وائرل ہو رہی ہے۔
رپورٹ کے مطابق، 31 سالہ بیبر ایک کافی شاپ پر اپنے دوستوں کے ساتھ پہنچے تو وہاں پہلے سے موجود فوٹوگرافرز کو دیکھ کر برہم ہو گئے۔ ایک فوٹوگرافر نے انہیں ’گڈ مارننگ‘ کہا، جس پر بیبر نے برہمی سے جواب دیا، ’نہیں! گڈ مارننگ نہیں! تمہیں پتا ہے تم کیوں آئے ہو‘۔
View this post on InstagramA post shared by Tellychakkar Official ® (@tellychakkar)
گلوکار نے بار بار ’پیسہ، پیسہ، پیسہ‘ کہتے ہوئے غصے سے کہا کہ ’تم لوگوں کو صرف پیسہ چاہیے، انسانیت کی کوئی پرواہ نہیں۔‘
بیبر نے سوشل میڈیا پر سب کی توجہ سمیٹ لی ہے جہاں ان کے رویے اور حالیہ کیفیت پر مداح تشویش کا اظہار کر رہے ہیں۔ کیونکہ ان دنوں ان کے بارے میں منشیات کے استعمال اور ازدواجی مسائل کی افواہیں بھی گردش کر رہی ہیں تاہم ان کے نمائندے کی جانب سے ان افواہوں کی سختی سے تردید کی گئی ہے۔
یاد رہے کہ فروری میں بھی جسٹن اپنی اہلیہ ہیلی بیبر کے برانڈ کے ایونٹ میں بے چینی کا شکار دکھائی دیے تھے، جس پر قریبی ذرائع نے بتایا تھا کہ ہیلی ان کے لیے فکرمند ہیں تاہم واضح نہیں ہوسکا کہ جسٹن کیوں عجیب انداز میں دکھائی دے رہے ہیں۔
Post Views: 4.ذریعہ: Daily Mumtaz
پڑھیں:
علی ظفر کی بیدری سے قتل کی گئی ٹک ٹاکر ثنا کے نام جذباتی نظم وائرل
معروف گلوکار، اداکار اور مصور علی ظفر نے اسلام آباد میں قتل ہونے والی 17 سالہ ٹک ٹاکر ثنا یوسف کے نام دل دہلا دینے والی ایک نظم تحریر کی ہے۔
سوشل میڈیا پر گلوکار علی ظفر نے اپنے جذباتی پیغام میں لکھا کہ ثنا یوسف کے بہیمانہ قتل سے میرے دل پر ایک ایسا بوجھ بن گیا ہے جو ہلکا ہونے کا نام نہیں لیتا۔
انھوں نے کہا کہ لیکن یہ غم نیا نہیں ہے۔ قندیل بلوچ سے نور مقدم تک بس نام بدلتے ہیں، زخم وہی رہتا ہے۔
علی ظفر نے مزید لکھا کہ یہ ذمہ داری ہماری ہے کہ ہم اپنے گھر میں مردوں کی تربیت کریں۔ جب تک ہم اپنے بیٹوں کو نرمی، ہمدردی، احترام اور عزت دینے کی تعلیم نہیں دیں گے، ہم اپنی بیٹیاں کھوتے رہیں گے۔
اپنے ویڈیو پیغام میں علی ظفر نے اس سانحہ پر اپنی لکھی ہوئی نظم ’’محبت‘‘ سنائی۔
محبت ملکیت نہیں، احساس ہے، یقین ہے
عورت کوئی شے نہیں — وہ مکمل ہے، مکمل ذات
مرد وہی ہے جو عورت کو بلند پرواز میں دیکھ کر مسکرائے
جس کی روح اُس کے آنسو سن کر بے قرار ہو جائے
عزت اُس کے لباس میں نہیں
بلکہ مرد کی نگاہ کی خاموش شائستگی میں ہوتی ہے
محبت فرمانبرداری کی بنیاد پر نہیں
بلکہ برابری، عزت اور باہمی رضامندی پر قائم ہوتی ہے
خوبصورتی کی فانی چمک پر فیصلہ نہ کرو
بلکہ اُس کے نام کی سچائی کو تلاش کرو
کیسا مرد ہے جو عورت کے انکار سے
اپنی انا زخمی محسوس کرے؟
حقیقی مرد دل جیتتا ہے، مانگ کر نہیں، حکم سے نہیں
بلکہ شائستگی کی طاقت اور آزادی دینے والے دل سے
یاد رہے کہ اسلام آباد میں ایک نوجوان نے دوستی سے انکار اور ملنے سے منع کرنے پر ٹک ٹاکر ثنا یوسف کو گھر میں گھس کر گولیاں مار کر قتل کردیا تھا۔
بعد ازاں ملزم فرار ہوگیا تھا جسے پولیس نے فیصل آباد سے حراست میں لے لیا۔ وہ بھی ٹک ٹاکر تھا اور ثنا کی مقبولیت سے حسد کرتا تھا۔
مون سون کی تباہی: بھارت میں سیلاب اور لینڈ سلائیڈنگ سے 5 ہلاکتیں