اولوں سے متاثرہ گاڑیوں کی مرمت: ہیول کے بعد اب ہونڈا اور چنگان بھی میدان میں
اشاعت کی تاریخ: 17th, April 2025 GMT
راولپنڈی و اسلام آباد پر بدھ کو اچانک ہی غیض و غضب سے بھرے اولے برس پڑے جنہوں نے خاصی دیر تک سڑکوں اور بازاروں میں لوگوں کو جائے پناہ لینے پر مجبور کردیا تھا لیکن ایسے میں کھلے آسمان تلے کھڑی گاڑیوں کی بے بسی دیدنی تھی جن میں سے ایک بڑی تعداد کو تباہی کا سامنا کرنا پڑا۔
یہ بھی پڑھیں: اسلام آباد میں شدید ژالہ باری سے نقصان: ’ ایسا لگ رہا تھا جیسے کوئی نشانے لے کر مار رہا ہو‘
بڑے بڑے اولے کاروں سے ٹکراتے رہے اور ان کی ونڈ شیلڈز و باڈی کے مختلف حصوں کو نشانہ بناکر توڑ پھوڑ کر رکھ دیا۔ ایسے میں بدھ کو ہی ہیول کمپنی سامنے آگئی تاکہ وہ ہیول فیملی (یعنی ہیول گاڑیاں رکھنے والے افراد) کی کچھ اشک شوئی کر سکے۔ کمپنی کے اعلان کے بعد ہونڈا اور چنگان بھی میدان میں آگئیں اور انہوں نے بھی اہم اعلانات کردیے۔
یاد رہے کہ ہیول نے گاڑیوں کی ونڈ اسکرین و کچھ دیگر نقصان کی مرمت کر کے دینے پر 40 فیصد رعایت کا اعلان کیا تھا۔
اب چنگان کمپنی بھی میدان میں اتر آئی ہے تاکہ اس کی گاڑیاں جن افراد کے پاس ہیں ان کا نقصان کچھ کم کیا جاسکے۔
مزید پڑھیے: شدید ژالہ باری کے بعد عمر گل کی گھر سے اولے ہٹانے کی ویڈیو وائرل
چنگان پاکستان نے راولپنڈی اور اسلام آباد میں چنگان اور دیپال گاڑیوں کے مالکان کو پیشکش کی ہے کہ ژالہ باری سے متعلق تمام مرمتوں پر آنے والے لیبر چارجز پر ان کو 50 فیصد رعایت دی جائے گی۔
کمپنی کا کہنا ہے کہ اگر آپ کی گاڑی کو حالیہ طوفان میں نقصان پہنچا ہے تو آپ کسی بھی مجاز ڈیلر کے پاس جا سکتے ہیں اور اپنی گاڑی 50 فیصد رعایت پر ٹھیک کروا سکتے ہیں۔ یہ پیشکش 20 اپریل 2025 تک کارآمد ہے۔
کمپنی کا یہ بھی کہنا ہے کہ اپنی نقصان زدہ گاڑی کو دوبارہ اصلی شکل میں لانے کا یہ موقع ضائع نہ کریں۔
ہیول اور چنگان ہی نہیں بلکہ ہونڈا کمپنی بھی اب اپنے گاہکوں کی مدد کے لیے آگے آگئی ہے۔
مزید پڑھیں: اسلام آباد: ژالہ باری سے متاثر ہونے والی ہیول گاڑیوں کے مالکان کے لیے خوشخبری
ہونڈا کا کہنا ہے کہ راولپنڈی اسلام آباد میں جن لوگوں کی گاڑیاں بدھ کے روز ژالہ باری سے متاثر ہوئیں ہونڈا کے ماہرین ان گاڑیوں کی درست طور پر مرمت اور انہیں پہلے جیسی حالت میں لانے کے لیے حاضر ہیں۔ کمپنی کا کہنا ہے کہ مذکورہ قدرتی آزمائش میں متاثر ہونے والی ہونڈا گاڑیوں کی مرمت پر 20 فیصد رعایت دی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد اولے چنگان راولپنڈی ژالہ باری ہونڈا ہیول پاکستان.ذریعہ: WE News
کلیدی لفظ: اسلام اباد اولے چنگان راولپنڈی ژالہ باری ہونڈا ژالہ باری سے اسلام ا باد فیصد رعایت کہنا ہے کہ گاڑیوں کی کے لیے
پڑھیں:
پولیس کا اصل امتحان میدانِ عمل میں ہوگا، عام آدمی کو انصاف فراہم کرنا ہے:وزیراعظم
وزیراعظم محمد شہبازشریف نے کہا کہ پولیس افسروں اور اہلکاروں کا اصل امتحان میدانِ عمل میں ہوگا جہاں انہیں عام آدمی کو انصاف فراہم کرنا ہے۔وزیراعظم نے نیشنل پولیس اکیڈمی سے خطاب کرتے ہوئے پولیس اصلاحات، تربیت اور سہولیات کی فراہمی سے متعلق اہم اعلانات کیے، فائرنگ رینج اور ہاسٹل کی تعمیرکے منصوبوں کا سنگ بنیادرکھا، ماسٹرز ڈگری کے اجرا کا بھی اعلان کیا، بہترین کارکردگی دکھانے والے افسران کو لیپ ٹاپ دیے گئے۔وزیراعظم نے پولیس فورس کو مخاطب کرتے ہوئے کہاکہ تربیت کے بعد میدان عمل میں آپ نے عام آدمی کو انصاف دینا ہے اور عوام کی جان و مال کا تحفظ یقینی بنانا ہے، آپ نے شہروں اور دیہات میں امن قائم کرنا ہے، اہداف کا حصول تبھی ممکن ہے جب بہترین تربیت اور سہولتوں کویقینی بنایا جائے۔انہوں نے کہا کہ اس ملک میں دوبارہ دہشتگردی نے سر اٹھایا ہے، دہشتگردی کا قلع قمع کرنے کیلئے ہماری بہادرافواج سرگرم ہیں، رینجرز، ایف سی، پولیس اور دیگر سکیورٹی ادارے روز دہشتگردوں کا مقابلہ کررہے ہیں۔ان کا پولیس افسران سے یہ بھی کہنا تھا کہ عوام کے جان ومال کی حفاظت اورانصاف مہیا کرنا آپ کی ترجیح ہونی چاہئے، آج نیشنل پولیس اکیڈمی میں آکر بہت خوشی ہوئی۔محمد شہباز شریف نے بتایا کہ بطور وزیراعلیٰ پنجاب ایلیٹ فورس کا قیام عمل میں لایا جس کا مقصد ایلیٹ کا تحفظ نہیں بلکہ معاشرتی برائیوں کوختم کرنا ہے، انسداد دہشت گردی ڈیپارٹمنٹ کا قیام عمل میں لائے اور لاہور میں فرانزک لیب قائم کی، پنجاب پولیس میں 100 فیصد میرٹ پر بھرتیاں کیں جس کے بعد سب اداروں نے مل کردہشت گردی کے خاتمے میں کردار ادا کیا۔وزیراعظم نے پولیس اہلکاروں کی قربانیوں کو خراج تحسین پیش کرتے ہوئے کہا کہ دریائے جہلم میں ایک پولیس جوان نے شہریوں کی جان بچاتے ہوئے شہادت پائی، وطن کی آبیاری اور فرض کی ادائیگی کے لیے پولیس کے جوان اپنی جانوں کا نذرانہ دے رہے ہیں۔قبل ازیں وزیر داخلہ محسن نقوی نے پاسنگ آؤٹ پریڈ سے خطاب کرتے ہوئے کہاکہ ایک سال پہلے اکیڈمی کی حالت بہت خستہ تھی، اکیڈمی میں کوئی سٹاف ممبرنہیں تھا اور یہ ڈمپنگ سٹیشن بن چکی تھی، وزیراعظم سے اکیڈمی کی تزئین و آرائش سے متعلق بات کی ہے۔وزیر داخلہ نے کہا کہ پاکستان ملٹری اکیڈمی کی طرز پر پولیس اکیڈمی اور تربیت کا معیار بہتر بنائیں گے، اس اکیڈمی میں دوسرے ممالک کے لوگ تربیت کے لیے آتے تھے، اکیڈمی میں اقوام متحدہ اپنا پروگرام شروع کرے گی، سائبرکرائم، کریمنالوجی جیسے جدید کورسز متعارف کرائے جائیں گے، تربیت دینے والے افسران کو مناسب تنخواہیں دی جائیں گے۔نیشنل پولیس اکیڈمی میں 52ویں کامن بیچ کی پاسنگ آؤٹ پریڈ ہوئی، جس میں 43 افسران نے تربیت مکمل کی، جن میں 9 خواتین افسران بھی شامل ہیں، تقریب میں وفاقی وزیر اطلاعات عطا اللہ تارڑ اور وزیر مملکت داخلہ طلال چوہدری بھی شریک ہوئے۔
ملک بھر میں ووٹر کی تعداد کتنی ہوگئی؟ رپورٹ سامنے آگئی