فلسطین میں جاری انسانی سوز مظالم عالمی ضمیر کو جھنجھوڑ رہے ہیں،ایاز صادق
اشاعت کی تاریخ: 18th, April 2025 GMT
استنبول: سپیکر قومی اسمبلی سردار ایاز صادق نے کہاہے کہ فلسطین کی تشویش ناک صورتحال اور جاری انسانیت سوز مظالم انسانیت کے منہ پر تمانچہ ہے۔
وہ استنبول میں ترکیہ کے ،سپیکر کی زیر صدارت فلسطین کی نازک صورت حال پر منعقدہ کانفرنس سے خطاب کررہے تھے۔
ایاز صادق نے کہاکہ فلسطین پر اسرائیلی قبضہ عالمی ضمیر کے لیے لمحہ فکریہ ہے، فلسطین میں جاری انسانی سوز مظالم عالمی ضمیر کو جھنجھوڑ رہے ہیں، اسپیکر قومی اسمبلی نے کہاکہ فلسطین میں نسل کشی انسانیت کا بحران بن چکی ہے، پاکستان فلسطینی عوام کے ساتھ مکمل یکجہتی کا اظہار کرتا ہے،قائداعظم نے اسرائیل کو تسلیم نہ کرنے کا فیصلہ کیا، جو آج تک برقرار ہے۔
سپیکر قومی اسمبلی نےکہاکہ پاکستان تمام علاقائی اور عالمی سطح پر فلسطین کی حمایت جاری رکھے گا، اسرائیلی مظالم انسانی تاریخ پر بدنما داغ ہیں،غزہ میں خواتین، بچوں اور طبی اہلکاروں کا قتل ناقابل برداشت ہے۔
سردار ایاز صادق نے کہاکہ مورگ کوریڈور پر اسرائیلی قبضہ بین الاقوامی قوانین کی کھلی خلاف ورزی ہے،جبالیہ میں اقوامِ متحدہ کے کلینک پر حملہ سب سے بڑا جنگی جرم ہے، عالمی عدالت انصاف میں اسرائیل کے خلاف مقدمہ تاریخ ساز ہے۔
سپیکر قومی اسمبلی نے کہاکہ اسرائیل عالمی اداروں کو چیلنج کر رہا ہے، اسرائیل عالمی قوانین کی کھل کر دہجیاں آڑا رہا ہے۔
انہوں نے کہاکہ 7 اکتوبر 2024 کے بعد اسرائیلی حملوں میں 42 ہزار سے زائد فلسطینی شہید ہو چکے ہیں، عید الفطر کے موقع پر مسجد اقصیٰ پر حملہ مسلم اُمہ کی توہین ہے، 1967 سے پہلے کی سرحدوں پر فلسطینی ریاست کا قیام ہی مستقل حل ہے۔
انہوںنے کہاکہ کشمیر اور فلسطین، دونوں مقامات پر نوآبادیاتی قبضہ جاری ہے، پاکستانی پارلیمنٹ نے فلسطین کی حمایت میں متعدد قراردادیں منظور کیں فلسطینی مسئلہ تاریخی، سیاسی، انسانی اور قانونی پہلوؤں کا حامل ہے،بین الاقوامی برادری کو عملی اقدامات کرنا ہوں گے۔
سپیکر قومی اسمبلی نے کہاکہ غزہ میں معصوم بچوں کا خون اقوام عالمی کی خاموشی کا نتیجہ ہے، مسلم ممالک متحد ہوں تو دنیا ہماری آواز نظر انداز نہیں کر سکتی،ظلم پر خاموشی درحقیقت ظلم کی حمایت ہے، یہ فورم صرف مذمت پر نہ رکے، عملی اقدامات کرے۔
انہوں نے کہاکہ پاکستان ہر فورم پر فلسطین کی حمایت کرتا رہے گا،فلسطین میں امن، انصاف اور فلسطینی عوام کی آزادی کیلئے دعا گو ہوں۔
ذریعہ: Daily Mumtaz
کلیدی لفظ: سپیکر قومی اسمبلی نے فلسطین میں ایاز صادق فلسطین کی نے کہاکہ کی حمایت
پڑھیں:
قومی اسمبلی: ارکان کو 3 سال میں 1ارب 16کروڑ روپے کے فری سفری واؤچرز جاری
---فائل فوٹواراکینِ قومی اسمبلی کو 3 سال کے دوران 1 ارب 16 کروڑ روپے کے فری سفری واؤچرز جاری کیے گئے جن میں سے 16 کروڑ 10 لاکھ روپے کے واؤچرز اور بیان کردہ اخراجات میں فرق سامنے آیا ہے۔
’جنگ‘ اور ’دی نیوز‘ کے ایڈیٹر انویسٹی گیشن کی رپورٹ کے مطابق آڈیٹر جنرل آف پاکستان نے مالی سال 2022ء سے 24-2023ء کے دوران ہوئے ان اخراجات کو غیر مجاز اور بے ضابطہ قرار دیا ہے۔
رپورٹ کے مطابق اسمبلی سیکریٹریٹ Reconciled Statement بنانے میں ناکام رہا ہے۔
دوسری جانب ایک عہدیدار نے نام ظاہر نہ کرنے کی شرط پر ’دی نیوز‘ کو بتایا ہے کہ Reconciled Statement تیار کرنے کا عمل جاری ہے، زیادہ تر کیسز سندھ اور بلوچستان کے ارکان قومی اسمبلی کے ہیں۔
حکومت نے ایک سال میں پاور سیکٹر میں نقصان کم کرکے ٹیکس پیئر کے 151 ارب روپے بچائے، وزیرتوانائی