دل کی دھڑکن معمول پر لانے کے لیے چاول کے دانے سے بھی چھوٹا پیس میکر تیار
اشاعت کی تاریخ: 26th, April 2025 GMT
لاہور:
امریکی نارتھ ویسٹ یونیورسٹی کے سائنسدانوں نے ایک انقلابی پیس میکر تیار کر لیا ہے جو چاول کے دانے سے بھی چھوٹا ہے اور دل کی دھڑکن معمول پر لانے کے لیے استعمال کیا جا سکے گا۔
ماہرین کے مطابق اس جدید پیس میکر کی خاص بات یہ ہے کہ اسے جسم میں داخل کرنے کے لیے کسی بڑے آپریشن کی ضرورت نہیں ہو گی، بلکہ اسے صرف ایک سرنج کے ذریعے انجیکٹ کیا جا سکے گا۔ یہ پیس میکر فوری طور پر دل کی بے ترتیب دھڑکن کو قابو میں لا کر مریض کی جان بچا سکتا ہے۔
نارتھ ویسٹ یونیورسٹی کے ماہرین کا کہنا ہے کہ یہ پیس میکر قدرتی اور جسم دوست مادّوں سے بنایا گیا ہے، جس کا ایک اور بڑا فائدہ یہ ہے کہ اگر جسم کو اس کی مزید ضرورت نہ رہے تو یہ آہستہ آہستہ خود بخود جسم میں جذب ہو جائے گا اور اس کے لیے دوبارہ آپریشن کر کے نکالنے کی ضرورت نہیں ہو گی۔
سائنسدانوں کا کہنا ہے کہ یہ ٹیکنالوجی دل کے مریضوں کے علاج میں ایک بڑی پیش رفت ثابت ہو سکتی ہے اور توقع ہے کہ یہ پیس میکر جلد عام دستیاب ہو گا۔
.ذریعہ: Express News
پڑھیں:
’ندا یاسر نے وہی کیا جس کی ضرورت تھی‘، دانش نواز کو روسٹ کرنے پر اداکارہ درفشاں بھی خوش
معروف اداکار و ہدایت کار دانش نواز جو اپنی خوش مزاجی کے سبب شوبز حلقوں کے ساتھ ساتھ مداحوں میں بھی بے انتہا مقبول ہیں اور اکثر اپنی ویڈیوز سے چاہنے والوں کو محظوظ کرتے نظر آتے ہیں۔ ان کی ندا یاسر اور کی سفینہ کے ساتھ ایک ویڈیو سوشل میڈیا پر وائرل ہو رہی ہے جس میں ندا کو اپنے دیور دانش نواز کو روسٹ کرتے ہوئے دیکھا جا سکتا ہے۔
دانش نواز کی جانب سے انسٹاگرام پر شیئر کردہ ایک ویڈیو میں دانش نواز مارننگ شو ہوسٹ بننے کی ایکٹنگ کرتے نظر آتے ہیں اور علی سفینہ سے مختلف سوالات پوچھتے ہیں لیکن انہیں کسی ایک کا بھی جواب دینے کا موقع نہیں دیتے اور خود ہی ان کی جگہ ہر سوال کا جواب دیتے نظر آئے۔
یہ بھی پڑھیں: بھابھی غلط فہمی دور کرلیں، وہ ایشوریا رائے جیسی بالکل نہیں دکھتیں، دانش نواز نے ایسا کیوں کہا؟
اسی ویڈیو میں اچانک ندا یاسر کیمرہ پکڑ کر سامنے آتی ہیں اور کہتی ہیں دانش ایسے ہوسٹنگ نہیں کرتے مجھ سے کچھ سیکھ لیں، اس سے پہلے کے دانش کوئی جواب دیتے ندا یاسر نے خود ہی بولنا شروع کر دیا اور کہا کہ ہوسٹنگ کے لیے مہمانوں کی بھی سننی پڑتی ہے لیکن آپ خود بولنے لگ جاتے ہیں اور انہیں کسی سوال کا جواب نہیں دینے دیا۔
View this post on Instagram
A post shared by Danish Nawaz (@danishnawazofficial)
مذکورہ ویڈیو نے جہاں سوشل میڈیا صارفین کے چہروں پر مسکراہٹ بکھیر دی وہیں کچھ افراد نے کمنٹس سیکشن میں یہ بھی کہا کہ ندا نے دیور دانش کو روسٹ کر دیا ہے۔
دانش نواز نے ویڈیو شیئر کرتے ہوئے کہا کہ بھابھی کے آگے کوئی بول سکتا ہے کیا؟ اداکارہ درفشاں نے ندا یاسر کی حمایت کرتے ہوئے کہا کہ انہوں نے وہی کیا جو کرنے کی ضرورت تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
دانش نواز مارننگ شو ہوسٹ ندا یاسر یاسر نواز
ابھی جنگ جاری ہے، ہم اسرائیل کے ساتھ کھڑے ہیں: امریکا