کشمیر مذاکرات سے حاصل نہیں ہوگا، آزادی کیلیے جدوجہد کرنی ہوگی، حافظ نعیم الرحمٰن
اشاعت کی تاریخ: 26th, April 2025 GMT
لاہور:
امیر جماعت اسلامی پاکستان حافظ نعیم الرحمن نے کہا ہے کہ کشمیر مذاکرات سےحاصل نہیں ہوگا، آزادی کے لیے جدوجہدکرنی ہوگی۔
منصورہ میں پریس کانفرنس کرتے ہوئے حافظ نعیم الرحمن نے کہا کہ آج ملک بھر میں جماعت اسلامی کی کال پر زبردست ہڑتال کی گئی، جس کا مقصد اسرائیلی مظالم کے خلاف آواز بلند کرنا ہے۔ انہوں نے کہا کہ پوری قوم نے ہڑتال میں بھرپور شرکت کر کے ثابت کر دیا کہ پاکستانی عوام اسرائیل کے خلاف اور فلسطینی عوام کے ساتھ ہیں۔
حافظ نعیم الرحمن نے کہا کہ بھارت نے اپنے حالیہ اقدامات سے عملاً جنگ کا اعلان کر دیا ہے۔ کشمیر کی خصوصی حیثیت کا خاتمہ، اقوام متحدہ کی قراردادوں کی خلاف ورزی اور سندھ طاس معاہدے کی معطلی کی دھمکی جیسے اقدامات بھارتی جارحیت کا واضح اظہار ہیں۔
انہوں نے کہا کہ بھارت کی جانب سے بارہا خود ساختہ ڈرامے رچائے گئے ہیں، جیسے پہلگام واقعہ، جس میں سیاحوں کی ہلاکت کا الزام پاکستان پر ڈالنے کی کوشش کی گئی۔
انہوں نے غزہ میں اسرائیلی جارحیت کا ذکر کرتے ہوئے کہا کہ اسرائیل نسل کشی کا مرتکب ہو رہا ہے اور گزشتہ سو سال سے فلسطینیوں کو ان کے گھروں سے بے دخل اور قتل کیا جا رہا ہے۔ بدقسمتی سے عالمی طاقتیں جو انسانی حقوق کی دعویدار ہیں، اسرائیل کی حمایت کر رہی ہیں۔ حماس بین الاقوامی قوانین کے تحت اپنی سرزمین کا دفاع کر رہی ہے۔
امیر جماعت اسلامی نے کہا کہ بھارت اور اسرائیل کا گٹھ جوڑ دنیا میں دہشت گردی کے فروغ کا سبب بن رہا ہے اور امریکا ان کا سرپرست ہے۔ انہوں نے اس بات پر زور دیا کہ پاکستانی حکومت کو کشمیریوں کی حمایت کے لیے مؤثر اقدامات کرنے چاہییں اور آل پارٹیز کانفرنس بلا کر قومی اتفاق رائے پیدا کرنا چاہیے۔
حافظ نعیم الرحمن نے بلوچستان کے عوام کا خصوصی طور پر ذکر کرتے ہوئے کہا کہ آج بلوچستان کے عوام نے بھی ہڑتال میں بھرپور شرکت کر کے یہ پیغام دیا ہے کہ وہ اسرائیل اور بھارت کے خلاف پاکستانی قوم کے ساتھ کھڑے ہیں۔ انہوں نے کہا کہ بلوچ عوام کا اعتماد حاصل کرنے کے لیے ان کے مسائل سننا ہوں گے۔
انہوں نے کہا کہ بھارت میں اس وقت سکھوں سمیت کئی اقوام آزادی کی جدوجہد کر رہی ہیں، آسام، ناگالینڈ اور ہماچل پردیش کی ریاستیں بھارت سے نجات چاہتی ہیں۔ انہوں نے خبردار کیا کہ اگر بھارت کی طرف سے کوئی جارحیت ہوئی تو پوری قوم اور افواج پاکستان بھرپور جواب دیں گی۔
امیر جماعت اسلامی نے کہا کہ ہمیں اپنی سفارتی سرگرمیوں کو تیز کرنا ہوگا اور عالمی سطح پر فلسطین و کشمیر کا مقدمہ مؤثر انداز میں پیش کرنا ہوگا۔ امریکا نے ہمیشہ ظالموں کا ساتھ دیا ہے اور ہمیں اپنی خودمختاری اور قومی سلامتی کے لیے ہر فورم پر مضبوط مؤقف اپنانا ہوگا۔
انہوں نے پاکستان کے ایٹمی پروگرام کے خالق ڈاکٹر عبدالقدیر خان کو خراج تحسین پیش کرتے ہوئے کہا کہ ان کی وفات پر وزیراعظم اور آرمی چیف کی عدم شرکت افسوسناک تھی۔ ڈاکٹر عبدالقدیر خان نے پاکستان کو ناقابل تسخیر بنایا اور آج ہمیں ان کی قربانیوں کو یاد رکھنا چاہیے۔
حافظ نعیم الرحمن نے کہا کہ کشمیر مذاکرات سے حاصل نہیں ہوگا، آزادی کے لیے جدوجہد کرنا پڑے گی اور پوری قوم کو اس مقصد کے لیے ایک صف میں کھڑا ہونا ہوگا۔
.ذریعہ: Express News
کلیدی لفظ: حافظ نعیم الرحمن نے کہا انہوں نے کہا کہ نے کہا کہ بھارت جماعت اسلامی کرتے ہوئے کے لیے
پڑھیں:
اگر بھارت کیطرف سے کوئی جارحیت ہوتی ہے تو پوری قوم و فوج ردعمل دے گی؛ حافظ نعیم الرحمان
سٹی 42 : جماعت اسلامی کے امیر حافظ نعیم الرحمان نے کہا ہے کہ بھارت نے عملا جنگ کا اعلان کیا ہے مختلف اقدامات کرکے، ایسی صورتحال میں قوم متحد ہوکر ایسی جارحیت کا مقابلہ کرے۔
حافظ نعیم الرحمان نے دیگر رہنماؤں کے ہمراہ پریس کانفرنس میں ان خیالات کا اظہار کیا، پریس کانفرنس میں جماعت اسلامی کے مرکزی نائب امیر لیاقت بلوچ، جنرل سیکرٹری امیر العظیم، شکیل ترابی سمیت دیگر موجود تھے ۔
امیر جماعت اسلامی کا کہنا تھا کہ آج پورے ملک میں زبردست ہڑتال جاری ہے، ہڑتال کی کال اسرائیلی مظالم کے حوالے سے ہے، بھارت نے عملا جنگ کا اعلان کیا ہے مختلف اقدامات کرکے، ایسی صورتحال میں قوم متحد ہوکر ایسی جارحیت کا مقابلہ کرے۔ انہوں نے کہا کہ غزہ کا معاملہ غیرت ایمانی کا معاملہ ہے غزہ میں بربریت کو دنیا نے تسلیم بھی کیا ہے، اسرائیل نسل کشی کررہا ہے گزشتہ سو سال سے فلسطینیوں کو گھروں سے بے دخل کرنا اور قتل کرنا کیا جاتا رہا ہے اس وقت عروج پر ہے، بدقسمتی جو قوتیں انسانیت کا دم بھرتی ہیں وہ فلسطین کا ساتھ دینے کی بجائے اسرائیل کے ساتھ کھڑے ہیں، حماس عالمی قوانین کے تحت مزاحمت کررہا ہے۔
گلیڈئیٹرز vs کے کے؛ روسو حسن علی کا تیسرا شکار بن گئے
حافظ نعیم الرحمان نے کہا ہے کہ پاکستانی عوام ساری صورتحال کو دیکھ رہی ہے قوم فلسطین کے ساتھ ہے، ہڑتال نے ثابت کردیا قوم اسرائیل کے خلاف ہے۔ انہوں نے کہا کہ دنیا میں دہشت گردی کی جتنی بھی اقسام ہیں اس میں بھارت اور اسرائیل کا گٹھ جوڑ ہے اور انکا سرپرست امریکہ ہے، بھارے اقوام متحدہ کی قراردادوں پر عمل درامد نہیں کرتا، بھارت نے کشمیر کی خصوصی حیثیت بھی ختم کی ہے، ایک لاکھ سے زائد کشمیری شہید ہوچکے ہیں لیکن کوئی بھی زمہ داری کے لیے تیار نہیں۔
قذافی سٹیڈیم میں کوئٹہ گلیڈئیٹرز اور کراچی کنگز کے میچ میں ڈرامائی آغاز
انہوں نے کہا کہ بھارت ہر چند ماہ بعد ڈرامہ کرتا ہے انہوں نے خود ہی پہلگام کا واقعہ کروایا سیاحوں کو قتل کروایا پھر چند منٹ بھی ایف آئی آر درج کروادی گئی، بھارت کا یہ ڈرامہ بھی بری طرح پٹ گیا ہے۔ انہوں نے کہا کہ ان دنوں نائب صدر امریکہ کا وہاں آیا تو اس نے ہمدردی کے لیے کام کیا لیکن بھارے پہلے کی طرح پھر ایکسپوز ہوگیا ، اس سے قبل بھی بھارت جب کوئی دوسرے ملک کا رہنما آتا تھا تو ایسے ڈرامے کیے جاتے رہے ہیں۔
وفاقی کابینہ نے نیشنل سائبر کرائم انوسٹیگیشن ایجنسی تشکیل دیدی
حافظ نعیم الرحمان بھارت پاکستان کے خلاف کچھ نہ کچھ کرتا رہتا ہے، اب اس نے سندھ طاس معاہدے کو معطل کرنے کا کہا ہے یہ اسکا بچپنا ہے، معاہدہ ختم کرنا ہوگا تو حتمی فیصلہ دونوں فریق طے کریں گے اکیلے بھارت کچھ نہیں کرسکتا۔ انہوں نے کہا کہ حکومت پاکستان کو جس طرح ردعمل دینا چاہیے اس میں کمی ہے، آل پارٹیز کانفرنس بلانی چاہیے پوری قوم کو کشمیریوں کا ساتھ دینا چاہیے ایک بہترین پیٍغام دینا چاہیے، آج خوشی ہے پوری قوم ہڑتال کررہی ہے، بلوچستان کے لوگ بھی اس ہڑتال میں شامل ہیں، آپ سوچ سکتے ہیں کہ بلوچستان کے عوام اسرائیل اور بھارت کے خلاف ہیں، ہمیں بلوچوں کو اعتماد دینا ہوگا انکے مسائل کو سننا ہوگا۔ پوری قوم نے جماعت اسلامی کی کال پر ہڑتال کی ہے ہر تاجر اور دکاندار کو سراہتا ہوں۔
صدر مملکت سے وزیر داخلہ محسن نقوی کی اہم ملاقات
انہوں نے کہا کہ کل ایک اسرائیلی وفد بھارے پہنچا ہے یہ مل کر انسانیت دشمن کرتے ہیں، سکھوں کا برا حال ہے، آسام،ناگا لینڈ،ہماچل پردیش سمیت دیگر ریاستیں بھارے سے نجات چاہتی ہیں۔ امیر جماعت اسلامی نے کہا کہ اس وقت ہمیں اتحاد کا ثبوت دینا چاہیے ہمارے بہت سارے اختلافات ہوسکتے ہیں لیکن اس وقت سب کو ایک پیج پر ہونا چاہیے، اسکے لیے حکومت اور فوج کو بھی سنجیدہ اقدام اٹھانے ہونگے، ہم اپنے سکیورٹی کونسل کے فیصلوں کو سراہتے ہیں۔
تمام نجی تعلیمی ادارے کل بند رہیں گے
حافظ نعیم الرحمان نے کہا کہ ہم ایک نیوکلئیر پاور ہیں ہمیں اس موقع پر ڈاکٹر عبدالقدیر کو نہیں بھولنا چاہیے، آج ڈاکٹر عبدالقدیر خان کو خراج تحسین پیش کرتے ہیں۔ ہمیں دنیا میں سفارتی محاز پر تیزی لانی ہوگی، امریکہ نے ہمیشہ ظالموں کا ساتھ دیا ہے۔ انہوں نے کہا کہ ہمیں سمجھنا ہوگا کہ اس مسئلے کے لیے ہر طرح کی چیزوں کو استعمال کرنا ہوگا، کبھی یہ برہمن سامراج مزاکرات کے ذریعے کشمیر نہیں دے رہے، لڑے بغیر کشمیر حاصل نہیں ہوگا۔
کانگو؛ کشتی میں آگ لگنے سے 148 افراد ہلاک