’چیز از فنٹاسٹک‘، اضافی پنیر نہ ملنے پر مہمان نے شادی ہال میں بس گھسیڑ دی
اشاعت کی تاریخ: 29th, April 2025 GMT
اتر پردیش کے حامد پور گاؤں میں شادی کی تقریب میں اضافی پنیر نہ ملنے پر آگ بگولا ہوجانے والے ایک مہمان نے خطرناک قدم اٹھا کر فنکشن کا سیاناس کردیا۔
بھارتی میڈیا کے مطابق شادی میں شریک ایک شخص نے مطلوبہ مقدار میں پنیر نہ ملنے پر طیش میں آکر منی بس گھسیڑ کر شادی کا منڈپ تباہ کردیا جس کے باعث دلہا دلہن کے 5 قریبی رشتے دار زخمی ہوگئے۔
آخر ہوا کیا تھا؟خطرناک حد تک پنیر کے شوقین اس مہمان کی شناخت دھرمیندر یادو عرف بمبو کے طور پر کی گئی ہے جو باراتیوں کو بس میں شادی ہال لایا تھا۔
کھانا کھلنے پر اس کو دیگر مہمانوں کی طرح پنیر بھی دیا گیا جو اس کو بہت پسند آیا جس پر اس نے مزید پنیر مانگ لیا لیکن کھانا دینے والوں نے معذرت کرلی۔
اس انکار پر بمبو غصے سے لال پیلا ہوگیا اور سب کو سبق سکھانے کے لیے باہر کھڑی اپنی منی بس لاکر ہال میں گھسا دی۔
اس ناگہانی حملے کے سبب نہ صرف منڈپ (اسٹیج) تباہ و برباد ہوا بلکہ وہاں اطمینان سے بیٹھے دلہا کے والد، دلہن کے چچا اور دیگر 4
افراد شدید زخمی بھی ہوگئے۔
تمام زخمی افراد کو فوری طور پر طبی علاج کے لیے قریبی اسپتال لے جایا گیا لیکن حالت تشویشناک ہونے کے سبب ان میں سے 2 کو ٹراما سینٹر میں داخل کرادیا گیا۔
تقریب کا سیاناسہفتے کو پیش آنے والے اس واقعے نے شادی کے جشن کو ماتم میں تبدیل کر دیا۔ تاہم شادی کی تقریب کسی نہ کسی طرح اتوار کو منعقعد کردی گئی۔
شادی کی تقریب کو ٹھکانے لگانے کے بعد بمبو بھاگ نکلا تھا تاہم پولیس نے اس کی گرفتاری کے لیے ٹیم تشکیل دے دی ہے۔
پولیس نے بمبو کے خلاف اقدام قتل، اندھادھند ڈرائیونگ سے انسانی جان کو خطرے میں ڈالنے سمیت دیگر دفعات کے تحت مقدمہ درج کرلیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اترپردیش بھارت چیز یز فنٹاسٹک شادی کا منڈپ بس سے تباہ.ذریعہ: WE News
کلیدی لفظ: اترپردیش بھارت چیز یز فنٹاسٹک کے لیے
پڑھیں:
اوورسیز پاکستانیز کمیشن پنجاب کے زیر اہتمام یومِ تشکر تقریب کا انعقاد آج
— جنگ فوٹواوورسیز پاکستانیز کمیشن پنجاب کے وائس چیئرمین بیرسٹر امجد ملک کی میزبانی میں آج بروز بدھ 11 جون 2025 کو ایک پُروقار یومِ تشکر کی تقریب کا انعقاد کیا جا رہا ہے۔
یہ خصوصی تقریب افواجِ پاکستان کے جری سپاہیوں کو خراجِ تحسین پیش کرنے اور وطن کے لیے جانوں کا نذرانہ دینے والے شہداء کی لازوال قربانیوں کو یاد کرنے کےلیے منعقد کی جا رہی ہے۔
تقریب شام 7:30 بجے لاہور کے مقامی ہوٹل میں منعقد ہو گی، جہاں ملک کی ممتاز شخصیات، سول و عسکری نمائندگان، اوورسیز پاکستانی اور دیگر معزز مہمانوں کی شرکت متوقع ہے۔
بیرسٹر امجد ملک کا کہنا ہے کہ یہ تقریب محض اظہارِ تشکر نہیں بلکہ ایک عہد کی تجدید ہے کہ ہم اپنے وطن کے محافظوں کو کبھی فراموش نہیں کریں گے۔ ہماری افواج اور شہداء نے جو قربانیاں دی ہیں، وہ ہمارے قومی وقار کی اساس ہیں۔
یومِ تشکر کے اس یادگار موقع پر مختلف مقررین شہداء کی عظمت کو سلام پیش کریں گے جبکہ افواجِ پاکستان کے ساتھ عوامی یکجہتی کا اظہار بھی کیا جائے گا۔
غزہ میں اسرائیلی فوج کے 5 اہلکار ہلاک اور 4 زخمی