پاکستانی فوج دشمن کے ہر وار کے مقابلے کی صلاحیت رکھتی ہے، مریم نواز
اشاعت کی تاریخ: 29th, April 2025 GMT
وزیراعلیٰ پنجاب مریم نواز نے کہا ہے کہ پاکستانی فوج دشمن کے ہر وار کا مقابلہ کرنے کی صلاحیت رکھتی ہے۔
ایک تقریب سے خطاب میں مریم نواز نے کہا کہ ہم ایٹمی قوت ہیں، آج اگر پاکستان کا دفاع ناقابل تسخیر ہے تو اس میں غازیوں اور شہدا کی قربانیاں اور نواز شریف کی حقیر سی کوشش ہے۔
انہوں نے کہا کہ ہمارا تعلق کسی بھی سیاسی جماعت سے ہو، کوئی بھی سیاسی نظریہ ہو اگر ہم پاکستانی ہیں تو اس وقت ہمیں اپنی افواج کے ساتھ کھڑا ہونا ہے تاکہ وہ سیسہ پلائی دیوار کی طرح ہوں۔
وزیراعلیٰ پنجاب نے مزید کہا کہ اللہ تعالی نے پاکستانی قوم اور افواج کو اتنی طاقت دی ہے کہ ہم دشمن کا مقابلہ کر سکتے ہیں، پاکستان ایک ایٹمی قوت ہے جس کی وجہ سے دشمن پاکستان پر حملہ کرنے سے پہلے سو مرتبہ سوچے گا۔
اُن کا کہنا تھا کہ اگر پاکستان کو کسی نے ترقی دینے کا سوچا تو نواز شریف نے سوچا، ن لیگی قائد ہی نے سڑکوں کا جال بچھایا اور ملک کو ایٹمی طاقت کی بنانے کی کوشش کی۔
مریم نواز نے یہ بھی کہا کہ ملک کی ترقی میں محنت کشوں کا ہاتھ ہے، مزدوروں کو راشن کارڈ دینے جا رہے ہیں جس سے محنت کشوں کو ہر مہینے 3 ہزار روپے ملیں گے۔
انہوں نے کہا کہ راشن کارڈ کا منصوبہ سالانہ 50 ارب روپے سے شروع کر رہے ہیں، جو محنت کشوں کےلیے ہے، رمضان پیکیج لوگوں کو گھر پر دیا گیا۔
وزیراعلیٰ پنجاب نے کہا کہ اللہ تعالی نے جو ہمیں موقع دیا ہے وہ پیسہ بنانے کے لیے نہیں ہے لوگوں کی خدمت کےلیے ہے، پورے پنجاب میں سڑکوں کا جال بچھ رہا ہے۔
اُن کا کہنا تھا کہ 30 ہزار گھر بن چکے ہیں، اس سال ایک لاکھ گھر بنا کر دیں گے، یونیورسٹی کے 50 ہزار طلباء کو اسکالرشپ دے رہے ہیں، کل سے طلباء کو لیپ ٹاپ دینے جا رہے ہیں۔
مریم نواز نےکہا کہ لاہور کی سڑکوں پر چلنے والی الیکٹرک بسوں کا کرایہ صرف 20 روپے رکھا ہے، ہم اے آر ٹی بسیں لے کر آ رہے ہیں، گوجرانوالہ میں اس سال میٹرو بس چلائیں گے۔
انہوں نے کہا کہ پاکستان کا پہلا سرکاری کینسر اسپتال لاہور میں تیار ہونے کے قریب ہے، ہم روٹی کی قیمت بھی نیچے لائے ہیں اور بجلی کی قیمت بھی کم کی ہے، جب کوئی خدمت کرتا ہے تو وہ نظر آتی ہے۔
وزیراعلیٰ پنجاب نے کہا کہ این ایف سی کے بعد تمام صوبوں کے پاس وسائل ہیں، جب کوئی محنت کرے گا تو وہ نظر بھی آئے گی۔
ان کا کہنا تھا کہ ہم کسانوں کو براہ راست سبسڈی دینے جا رہے ہیں، آج آٹا سستا ہے اور لوگوں کی خرید سے دور نہیں ہے۔
مریم نواز نے کہا کہ پنجاب میں ریاست خود چل کر شہری کی دہلیز پر آتی ہے، میں آپ کی جنگ لڑ رہی ہوں اور جب تک آپ کے گھر خوشحالی نہیں آجاتی ہم آپ کی جنگ لڑتے رہیں گے۔
.ذریعہ: Jang News
کلیدی لفظ: مریم نواز نے نے کہا کہ رہے ہیں
پڑھیں:
مریم نواز کا ستھراپنجاب پروگرام ‘ ویشٹ ٹوویلیو پر اجیکٹ شروع : آلائشوں سے بائیوگیس بنانے کا تجربہ کا میاب
لاہور (نیوز رپورٹر+نوائے وقت رپورٹ) وزیراعلیٰ مریم نوازشریف نے کہا ہے کہ ہیپاٹائٹس ٹیسٹ کی مفت سہولیات فیلڈ ہسپتالوں اور کلینک آن ویل پر بھی دستیاب ہیں۔ ہیپاٹائٹس کے مریضوں کو مفت ادویات گھروں تک پہنچائی جا رہی ہیں۔ ورلڈ ہیپاٹائٹس ڈے پر اپنے پیغام میں انہوں نے کہا ہے کہ ہیپاٹائٹس خاموش قاتل ہے۔ ہیپاٹائٹس آہستہ آہستہ جگر کو متاثر کرتا ہے۔ بروقت تشخیص و علاج نہ ہونے پر جان لیوا ہو سکتا ہے۔ ویکسین کی فراہمی کو یقینی بنایا جا رہا ہے۔ آگاہی مہم کے ذریعے عوام میں شعور بیدار کیا جا رہا ہے۔ صحت مند پنجاب ہی ترقی یافتہ پنجاب ہے۔ وزیراعلیٰ مریم نواز شریف نے کہا کہ عوام ہیپاٹائٹس کا ٹیسٹ ضرور کروائیں، ویکسین لگوائیں، پیغام دوسروں تک پہنچائیں۔ احتیاط اور علاج سے ہیپاٹائٹس سے مکمل بچاؤ ممکن ہے۔ علاوہ ازیں وزیراعلیٰ نے ستھرا پنجاب پروگرام سے ’’ویسٹ ٹو ویلیو‘‘ پراجیکٹ شروع کرنے کیلئے اقدامات کی ہدایت کی ہے۔ پنجاب میں پہلی مرتبہ جانوروں کی آلائشوں سے بائیوگیس بنانے کا کامیاب تجربہ کیا گیا ہے۔ اجلاس میں وزیراعلیٰ کو ویسٹ ٹو ویلیو پراجیکٹ سے متعلق بریفنگ میں بتایا گیا کہ لکھو ڈیر کے علاقے میں بائیو ڈی گریڈ ایبل آلائشوں کو استعمال کر کے بائیوگیس پیدا کی گئی۔ ایک ہزار میٹرک ٹن آلائشوں سے تقریباً 20 سے 25ہزار کلو گیس پیدا کی جا سکتی ہے۔ قربانی کے جانوروں کی آلائشوں سے بائیو گیس پروڈکشن سے 60 سے 70لاکھ روپے کا ریونیو اکٹھا کیا جا سکتا ہے۔ محض چند لاکھ کی لاگت سے لاہور میں آلائشوں کے ذریعے بائیو گیس پیدا کرنے کا پائلٹ پراجیکٹ کامیابی سے ہمکنار ہوا ہے۔ 50میگاواٹ ویسٹ انرجی پلانٹ سے روزانہ تین ہزار ٹن کچرا بجلی میں تبدیل ہوسکے گا۔ 10سال میں لینڈ فل سائٹ سے حاصل ہونے والی گیس سے 2.5ملین ڈالر آمد ن ہوگی۔ پنجاب میں ری سائیکلنگ پارک کے ماڈل کا بھی جائزہ لیا گیا۔ ماڈل ری سائیکلنگ پارک سے سالانہ 190 ملین روپے آمدن حاصل کی جا سکے گی۔ لکھو ڈیر ڈسپوزل سائٹ کی بحالی سے سالانہ 2.75لاکھ ٹن کاربن کریڈٹ اور 4.2ملین ڈالر آمدن کی توقع ہے۔ میونسپل سالڈ ویسٹ ٹریٹمنٹ کے ذریعے لینڈ فلز سے کچرے میں 60فیصد کمی ہوگی۔ ویسٹ ٹو ویلیو انکوبیشن سینٹر، سٹارٹ اپ کیلئے ٹیکنیکل سپورٹ، سیڈ فنڈنگ، ریسرچ اینڈ ڈویلپمنٹ کے مواقع فراہم کرے گا۔ اجلاس میں ویسٹ ٹو ویلیو پراجیکٹ پر تفصیلی بریفنگ دی گئی۔ وزیراعلیٰ نے ایل ڈبلیو ایم سی کی طرف سے آلائشوں سے بائیوگیس پروڈکشن پراجیکٹ کو سراہا۔
ایک دن کشمیر میں آزادی کی اذان ضرور گونجے گی، مشعال ملک