بین الاقوامی طلبا کے ویزوں کی منسوخی، نئی امریکی پالیسی کیا ہے؟
اشاعت کی تاریخ: 30th, April 2025 GMT
امیگریشن کے نفاذ کے ایک حیرت انگیز اقدام میں، امریکی حکومت نے واضح انفرادی جائزوں کے بغیر ہزاروں بین الاقوامی طلبا کی قانونی حیثیت کو منسوخ یا ختم کرنے کا اعتراف کیا ہے-
کالج کیمپس میں خوف، الجھن اور قانونی چارہ جوئی کے بعد یہ فیصلہ اب قانونی جانچ کے مرحلے سے گزر رہا ہے، پچھلے مہینے کے دوران، امریکا بھر میں غیر ملکی طلبا حیران رہ گئے کہ اچانک ان کی قانونی حیثیت کو امیگریشن اور کسٹمز انفورسمنٹ یعنی آئس کے زیر انتظام وفاقی ڈیٹابیس میں باطل کر دیا گیا ہے۔
یہ بھی پڑھیں: امریکا میں غیر ملکی طلبا کے ویزے اچانک منسوخ، طلبا خوف و ہراس کا شکار
تھوڑی سی وضاحت یا تنبیہ کے ساتھ، کچھ طلبا چھپ گئے، بعض نے اسکول چھوڑ دیا، یا مکمل طور پر امریکا ہی چھوڑ دیا، تاہم بڑھتی ہوئی قانونی چارہ جوئی اور عوامی احتجاج کے بعد وفاقی حکام نے پینترا بدل لیا۔
گزشتہ ہفتے کے آخر میں، حکومت نے متاثرہ طالب علموں کے لیے قانونی حیثیت بحال کرتے ہوئے نئی پالیسی رہنمائی جاری کی ہے جس میں بتایا گیا ہے کہ مستقبل میں کیسے اور کیوں ان طلبا کی برطرفی ہو سکتی ہے۔
مزید پڑھیں: امریکا: ذہنی دباؤ کے باعث اکثر کالج طلبا تعلیم چھوڑنے پر مجبور
حالیہ رہنمائی نے پچھلی پالیسی سے زیادہ جارحانہ انداز اختیار کیا ہے، نئی جاری کردہ دستاویزات کے مطابق، محکمہ خارجہ کی جانب سے ویزا کی منسوخی، جو پہلے برطرفی کے لیے کافی نہیں سمجھی جاتی تھی، اب امیگریشن اور کسٹمز انفورسمنٹ کے ذریعہ طالب علم کی قانونی موجودگی کو منسوخ کرنے کی بنیاد کے طور پر استعمال کیا جا سکتا ہے۔
متاثرہ طالب علموں میں سے ایک اکشر پٹیل کی نمائندگی کرنے والے ایک امیگریشن اٹارنی بریڈ بنیاس کے مطابق امریکی حکومت کے اس حالیہ فیصلے نے اسٹیٹ ڈپارٹمنٹ کو ویزا منسوخ کرنے اور پھر ان طلبا کو، چاہے انہوں نے کچھ غلط نہ بھی کیا ہو، ملک بدر کرنے کے لیے ’کورا کاغذ‘ فراہم کردیا ہے۔
مزید پڑھیں:فلسطینیوں کی حمایت جرم قرار، امریکا نے غیر ملکی طلبہ کے ویزے منسوخ کر دیے
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا امیگریشن اور کسٹمز انفورسمنٹ غیر ملکی طلبا قانونی حیثیت محکمہ خارجہ.ذریعہ: WE News
کلیدی لفظ: امریکا امیگریشن اور کسٹمز انفورسمنٹ غیر ملکی طلبا قانونی حیثیت قانونی حیثیت غیر ملکی کے لیے
پڑھیں:
استعمال شدہ گاڑی خریدنے والوں کے لئے اہم خبر
پاکستان میں استعمال شدہ گاڑیوں کی خرید و فروخت ایک عام رجحان ہے، جہاں خریدار کم قیمت میں گاڑی حاصل کرتا ہے اور بیچنے والے کو اپنی گاڑی اپ گریڈ کرنے کا موقع ملتا ہے تاہم پرانی گاڑی خریدنے والے افراد کو چند اہم باتوں کا خاص خیال رکھنا چاہیے۔
پنجاب سیف سٹی اتھارٹی نے شہریوں کو خبردار کرتے ہوئے استعمال شدہ گاڑیوں کی خریداری سے پہلے چند ضروری اقدامات کی ہدایت کی ہے۔ اتھارٹی کی جانب سے جاری کردہ ایڈوائزری میں کہا گیا ہے کہ گاڑی خریدنے سے پہلے اس کا ای چالان لازمی چیک کریں تاکہ رجسٹریشن نمبر سے منسلک کسی بھی بقایا جرمانے کی بروقت جانچ کی جا سکے۔
اس مقصد کے لئے شہری پنجاب سیف سٹی اتھارٹی کی ویب سائٹ https://echallan.psca.gop.pk پر جا کر گاڑی کے چالان کی تفصیلات حاصل کر سکتے ہیں۔
اتھارٹی نے واضح کیا ہے کہ ای چالان کی عدم ادائیگی کی صورت میں قانونی کارروائی ہو سکتی ہے، اس لیے خریدار اور بیچنے والے دونوں کو بروقت اقدامات کرنے کی ضرورت ہے۔
ساتھ ہی یہ بھی ہدایت کی گئی کہ گاڑی فروخت کرنے کے بعد اس کی ملکیت فوراً خریدار کے نام منتقل کی جائے تاکہ بعد میں کسی قسم کی قانونی یا جرمانے سے متعلق پیچیدگیاں پیدا نہ ہوں۔ اگر گاڑی وقت پر ٹرانسفر نہ کی گئی تو پرانے مالک کو نئی خلاف ورزیوں کا ذمہ دار ٹھہرایا جا سکتا ہے۔
ادائیگی کے عمل کو مزید آسان بنانے کے لئے حکومت پنجاب کی جانب سے ’’ای پے پنجاب‘‘ موبائل ایپلیکیشن استعمال کرنے کی تجویز دی گئی جس کے ذریعے شہری آسان، محفوظ اور تیز طریقے سے ای چالان کی ادائیگی آن لائن کر سکتے ہیں۔
خلاصہ:
گاڑی خریدنے سے پہلے ای چالان ضرور چیک کریں۔
گاڑی فروخت کرتے ہی ملکیت فوری طور پر منتقل کریں۔
ای چالان کی ادائیگی ای پے پنجاب ایپ سے کریں تاکہ قانونی کارروائی سے بچا جا سکے۔
یہ اقدامات آپ کو نہ صرف مالی نقصان سے بچا سکتے ہیں بلکہ مستقبل میں قانونی مسائل سے بھی محفوظ رکھتے ہیں۔
صدر زرداری کے استعفیٰ کی افواہیں من گھڑت اور جھوٹ پر مبنی ہیں: شازیہ مری