قلعہ سیف اللہ میں بھنگ کے کاشت کاروں کے خلاف گھیرا تنگ، ملزم زمینداروں کی فہرست تیار
اشاعت کی تاریخ: 22nd, November 2025 GMT
قلعہ سیف اللہ میں منشیات کے خاتمے کے لیے ضلعی انتظامیہ نے بڑی کارروائی کرتے ہوئے بھنگ کی کاشت میں ملوث زمینداروں کی فہرست مرتب کرلی ہے، جسے اب سرکاری سطح پر آگے بھیج دیا گیا ہے۔
تفصیلات کے مطابق ڈپٹی کمشنر ساگر کمار نے بتایا کہ جن افراد کے نام بھنگ کی غیرقانونی کاشت میں سامنے آئے ہیں، ان کی تفصیلات باقاعدہ طور پر محکمہ داخلہ کو ارسال کر دی گئی ہیں۔ ساتھ ہی ان افراد کو فورتھ شیڈول میں شامل کرنے کی سفارش بھی کر دی گئی ہے تاکہ ان پر سخت نگرانی اور مؤثر قانونی کارروائی ممکن ہو سکے۔
ڈپٹی کمشنر کا کہنا تھا کہ نوجوان نسل کو منشیات کے تباہ کن اثرات سے محفوظ رکھنے کے لیے انتظامیہ مکمل سنجیدگی کے ساتھ عملی اقدامات کر رہی ہے۔ انہوں نے عوام سے اپیل کی کہ وہ اپنے علاقوں میں کسی بھی مشتبہ سرگرمی کی فوراً نشاندہی کریں تاکہ ضلعی انتظامیہ کی زیرو ٹالرنس پالیسی مزید مضبوط ہوسکے۔
ساگر کمار کا یہ بھی کہنا تھا کہ قلعہ سیف اللہ کو ایک پرامن اور محفوظ ضلع بنانے کے لیے انتظامیہ پرعزم ہے، اور قانون شکنی کے خلاف سخت اور بلاامتیاز کارروائیاں جاری رہیں گی۔
ذریعہ
ذریعہ: Daily Mumtaz
پڑھیں:
ایڈیشنل ایڈووکیٹ جنرل خیبر پختونخوا اپنے عہدے سے مستعفی
محمد انعام یوسفزئی کا کہنا تھا کہ بطور ایڈیشنل ایڈووکیٹ جنرل ذمہ داری ادا کرنا میرے لیے اعزاز کی بات ہے، تاہم مزید اس پوسٹ پر کام جاری نہیں رکھ سکتا۔ اسلام ٹائمز۔ ایڈیشنل ایڈووکیٹ جنرل خیبرپختونخوا محمد انعام یوسفزئی نے استعفا دے دیا۔ محمد انعام یوسفزئی کا کہنا تھا کہ بطور ایڈیشنل ایڈووکیٹ جنرل ذمہ داری ادا کرنا میرے لیے اعزاز کی بات ہے، تاہم مزید اس پوسٹ پر کام جاری نہیں رکھ سکتا۔ مستعفی ہونے والے ایڈیشنل ایڈووکیٹ جنرل کا کہنا تھا کہ وزیر قانون اور سیکرٹری قانون کا شکریہ ادا کرتا ہوں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا