ججز کے تقرر میں انتہائی احتیاط برتنے کی ضرورت ہے، وزیر دفاع خواجہ آصف
اشاعت کی تاریخ: 15th, November 2025 GMT
وزیر دفاع خواجہ آصف نے کہا ہے کہ جب ایجنڈے پر کام کرنے والے لوگ ججز بن جاتے ہیں تو وہ ریاست کے اس ستون کی ساکھ کو نقصان پہنچاتے ہیں، جس سے ادارے پر بھروسہ کمزور ہوتا ہے اور عوام متاثر ہوتے ہیں۔ ججز کے تقرر میں انتہائی احتیاط برتنے کی ضرورت ہے۔
سماجی رابطے کی سائٹ ’ایکس‘ پر ایک بیان میں خواجہ آصف نے کہاکہ ایسے ججز جو صرف عوامی سطح پر پروفائل بڑھانے کے لیے فیصلے کرتے ہیں، انہیں چاہیے کہ وہ عدالت چھوڑ کر سیاست میں جائیں۔
When agenda driven persons become Judges they bring disrepute to the judicial pillar of state.
As a… https://t.co/DDFkO8kPhX
— Khawaja M. Asif (@KhawajaMAsif) November 15, 2025
انہوں نے کہاکہ ججز کو سالوں تک اسٹے آرڈرز جاری کرنے اور بعد میں مقدمات خارج کرنے کا اختیار نہیں ہونا چاہیے، خاص طور پر جب اس سے حکومت کی آمدنی متاثر ہو، کیونکہ اس سے قومی خزانے کو اربوں روپے کا نقصان پہنچتا ہے۔
ان کا کہنا تھا کہ ایسے ججز کے لیے کوئی نظام ہونا چاہیے جو ذاتی مفاد کے لیے قانون کی غلط تشریح کریں۔
انہوں نے کہاکہ ججز کو چاہیے کہ وہ زیادہ سنیں، کم مداخلت کریں اور وکیل کی معاونت سے فیصلے کریں، جیسا کہ دیگر قانونی نظاموں میں صدیوں سے رائج ہے۔
وزیر دفاع نے زور دیا کہ ججز کے تقرر میں انتہائی احتیاط برتی جائے تاکہ ایسے افراد کو عدلیہ میں لایا جائے جو صرف عام شہری کو انصاف فراہم کرنے کے مقصد پر توجہ مرکوز کریں۔
مزید پڑھیں: پارلیمان اور عدلیہ کے اختیارات پر نئی بحث: ’ججز کے استعفے علامتی حیثیت رکھتے ہیں‘
واضح رہے کہ سپریم کورٹ کے 2 ججز جسٹس منصور علی شاہ اور جسٹس اطہر من اللہ 27ویں ترمیم کو آئین پر حملہ قرار دیتے ہوئے مستعفی ہو گئے ہیں، جبکہ آج لاہور ہائیکورٹ کے ایک جج نے بھی استعفیٰ دے دیا ہے۔
دوسری جانب حکومت کا کہنا ہے کہ یہ سیاسی ججز تھے اور تحریک انصاف کی حمایت کررہے تھے، اب ان کا اصل چہرہ سامنے آگیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ججز استعفے ججز تقرر خواجہ آصف وزیر دفاع وی نیوز
ذریعہ
ذریعہ: WE News
کلیدی لفظ: ججز استعفے خواجہ ا صف وزیر دفاع وی نیوز وزیر دفاع ججز کے کے لیے
پڑھیں:
وزیراعظم کا سرمایہ کاری اور صنعتی ترقی کیلئے اصلاحات تیز کرنے کا حکم
سٹی 42: وزیراعظم شہباز شریف کی زیر صدارت سرمایہ کاری میں اضافے، صنعتی ترقی اور معیشت کی بہتری کے حوالے سے اہم جائزہ اجلاس منعقد ہوا، جس میں مختلف شعبوں میں اصلاحات اور پالیسی اقدامات پر غور کیا گیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
اجلاس سے خطاب کرتے ہوئے وزیراعظم شہباز شریف نے کہا کہ ملکی معیشت کی پائیدار ترقی کے لیے صنعت و حرفت کا فروغ اور بیرونی سرمایہ کاری میں اضافہ ناگزیر ہے۔ انہوں نے ہدایت کی کہ صنعتی پیداوار اور برآمدات بڑھانے کے لیے مؤثر اور دیرپا پالیسی اقدامات کو ترجیح دی جائے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
وزیراعظم نے کہا کہ صنعت، تجارت اور معیشت کے مختلف شعبوں میں اصلاحات عوامی فلاح اور طویل المدتی معاشی استحکام پر مرکوز ہونی چاہئیں۔ انہوں نے متبادل توانائی کے ذرائع کے فروغ اور مستقبل کی توانائی ضروریات پوری کرنے کے لیے جامع حکمت عملی پر تیزی سے عملدرآمد کی ضرورت پر زور دیا۔
شہباز شریف کا کہنا تھا کہ توانائی کی بچت اور سستی ٹرانسپورٹ کے فروغ کے لیے مؤثر الیکٹرک وہیکلز پالیسی وقت کی اہم ضرورت ہے، جبکہ جدید ٹیکنالوجی کو مختلف شعبوں میں متعارف کرانے کے لیے وزارتوں اور ماہرین کے درمیان مؤثر مشاورت یقینی بنائی جائے۔
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
اجلاس میں نائب وزیراعظم و وزیر خارجہ اسحاق ڈار، وزیر خزانہ محمد اورنگزیب، وزیر اقتصادی امور احد چیمہ، وزیر اطلاعات عطاء اللہ تارڑ، وزیر موسمیاتی تبدیلی مصدق ملک، وزیر توانائی اویس لغاری، وزیر پٹرولیم علی پرویز ملک اور دیگر اعلیٰ حکام نے شرکت کی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ