ویمنز بلائنڈ ورلڈ کپ میں پاکستان کی مہرین علی نے شاندار کارکردگی سے نئی تاریخ رقم کر دی
اشاعت کی تاریخ: 15th, November 2025 GMT
data-id="863a0a8" data-element_type="widget" data-widget_type="theme-post-content.default">
ویمنز بلائنڈ کرکٹ ورلڈ کپ میں پاکستان کی باصلاحیت بلائنڈ کرکٹر مہرین علی نے غیر معمولی کارکردگی دکھاتے ہوئے تاریخ رقم کر دی۔ سری لنکا کے خلاف میچ میں انہوں نے محض 78 گیندوں پر 230 رنز کی طوفانی اننگز کھیل کر نہ صرف ورلڈ کپ کی پہلی ڈبل سنچری کا اعزاز حاصل کیا بلکہ ٹورنامنٹ کی تاریخ میں ایک نئی مثال بھی قائم کردی۔
رپورٹ کے مطابق مہرین علی نے اپنی ڈبل سنچری 70 گیندوں پر مکمل کی، جس میں 39 جاندار چوکے شامل تھے۔ شاندار اننگز کے بعد گفتگو کرتے ہوئے انہوں نے کہا کہ وہ اس کامیابی پر اللہ تعالیٰ کی بے حد شکر گزار ہیں۔ انہوں نے اپنی کامیابی کا کریڈٹ پاکستان بلائنڈ کرکٹ کونسل اور والدین کی حوصلہ افزائی کو دیا اور اس اعزاز کو اپنے ملک اور والدین کے نام کیا۔
میچ میں پاکستان نے مجموعی طور پر شاندار کارکردگی دکھاتے ہوئے سری لنکا کو 221 رنز کے واضح مارجن سے شکست دی۔ پاکستان کے 332 رنز کے ہدف کے تعاقب میں سری لنکن ٹیم 120 رنز پر ڈھیر ہو گئی۔ سری لنکا کی جانب سے میرانی نے مزاحمت کی کوشش کرتے ہوئے 51 رنز اسکور کیے جبکہ متیشا نے 29 رنز بنائے۔
بالنگ میں پاکستان کی نور فاطمہ، حوریہ ملک اور سمیرا ملک نے عمدہ گیند بازی کا مظاہرہ کرتے ہوئے ایک، ایک وکٹ حاصل کی اور سری لنکا کی بیٹنگ لائن کو سنبھلنے کا کوئی موقع نہ دیا۔
مہرین علی کی تاریخی اننگز نہ صرف ورلڈ کپ میں پاکستان کی بہترین کارکردگی کا اظہار ہے بلکہ بلائنڈ ویمن کرکٹ میں پاکستانی کھلاڑیوں کی بڑھتی ہوئی صلاحیتوں اور اعتماد کا ثبوت بھی ہے۔
ذریعہ
ذریعہ: Jasarat News
کلیدی لفظ: میں پاکستان کی مہرین علی سری لنکا ورلڈ کپ
پڑھیں:
وفاقی بجٹ کی تاریخ تبدیل، 5 جون کو پیش نہیں ہو گا
ویب ڈیسک :وفاقی بجٹ پانچ جون کو پیش نہیں کیا جائے گا، قومی اقتصادی کونسل کا اجلاس بھی مؤخر کر دیا گیا۔
ذرائع کے مطابق آئندہ مالی سال کا وفاقی بجٹ اب پانچ جون کو پیش نہیں کیا جائے گا، وفاقی بجٹ 8 یا 12 جون کو پیش کیے جانے کا امکان ہے، حتمی تاریخ کا تعین ابھی نہیں ہو سکا۔
آئی ایم ایف کے ساتھ پی ایس ڈی پی اور بجٹ مذاکرات ابھی جاری ہیں جس کی وجہ سے بجٹ پیش کرنے کی تاریخ میں تبدیلی کی جا رہی ہے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
ذرائع کے مطابق کل وزیراعظم کی زیر صدارت ہونے والا قومی اقتصادی کونسل کا اجلاس بھی مؤخر کر دیا گیا ہے جس میں وفاقی اور صوبائی ترقیاتی بجٹ کی منظوری دی جانا تھی۔
قومی اقتصادی کونسل کے اجلاس میں چاروں وزرائے اعلیٰ اور وزرائے خزانہ کی شرکت متوقع تھی، وزیراعظم آزادکشمیر نے بھی اجلاس میں شرکت کرنا تھی۔
وزیراعظم کی ہدایت پر پی ایس ڈی پی میں 200 ارب روپے کا اضافہ بھی کیا جارہا ہے، ترقیاتی بجٹ میں 200 ارب کے اضافے پر آئی ایم ایف کو بھی آگاہ کیا جائے گا، مختلف مالیاتی اقدامات کے ذریعے200 ارب کی ایڈجسٹمنٹ کی کوشش کی جائے گی۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
قومی اقتصادی کونسل میں 4715 ارب کا ترقیاتی بجٹ پیش کئے جانے کا امکان ہے، وفاقی ترقیاتی بجٹ 1126کے بجائے 1326 ارب روپے ہونے کا امکان ہے۔
اجلاس میں صوبوں کیلئے 3138 ارب روپے کا ترقیاتی بجٹ بھی پیش کیا جائے گا، قومی اقتصادی کونسل میں پنجاب کا 1450 ارب روپے کا ترقیاتی بجٹ پیش ہوگا، سندھ کیلئے 816، خیبرپختونخوا کیلئے 564 ارب روپے کا ترقیاتی بجٹ پیش ہوگا، بلوچستان کیلئے 308 ارب روپے کا ترقیاتی بجٹ پیش ہوگا۔
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ