خوارک عطیہ کر کے ٹریفک اور لائبریری کے جرمانے معاف کروائیں، امریکی شہر کا منفرد قانون
اشاعت کی تاریخ: 15th, November 2025 GMT
امریکی ریاست اوکلاہوما کے شہر چیکاشا میں شہریوں کے لیے ایک منفرد اقدام شروع کیا گیا ہے جس کے تحت ٹریفک خلاف ورزیوں، بعض میونسپل جرمانوں اور واجب الادا لائبریری کی کتابوں کے جرمانے کو کھانے کی خیرات کے بدلے معاف یا کم کیا جاسکتا ہے۔
شہر کی میونسپل کورٹ اور پبلک لائبریری نے نومبر کے آخر سے دسمبر تک شہریوں کو یہ موقع فراہم کیا ہے کہ وہ صحت مند خوراک عطیہ کر کے اپنے ٹریفک یا میونسپل جرمانے کم کروا سکیں یا لائبریری کے واجب الادا جرمانے ختم کروا سکیں۔
یہ بھی پڑھیں: ’اشتہار دیکھو پھر ٹوائلٹ پیپر لو‘، چین کا نیا انوکھا قانون متعارف
میونسپل کورٹ کا فوڈ فار فائنز پروگرام 26 نومبر تک جاری رہے گا، جس کے تحت ہر کھانے کی اشیا کے بدلے 10 ڈالر تک جرمانے میں کمی کی جاسکتی ہے اور یہ رعایت زیادہ سے زیادہ $100 تک دی جائے گی۔
عدالت نے یہ بھی واضح کیا ہے کہ موجودہ وارنٹس رکھنے والے شہری بھی بغیر گرفتاری کے اس پروگرام میں حصہ لے سکتے ہیں، اور اگر جرمانہ 100 ڈالر سے زیادہ ہو تو اضافی رقم کی ادائیگی کے لیے قسط وار انتظام بھی کیا جاسکتا ہے۔
گزشتہ سال 30 افراد نے خوراک عطیہ کی، جس کے بدلے انہیں کل جرمانوں میں 2,826.
یہ بھی پڑھیں: طلاق کا منفرد معاہدہ، شوہر 10 برس تک سابقہ بیوی کی بلیوں کا خرچ اٹھائے گا
چیکاشا کی پبلک لائبریری دسمبر کے مہینے میں اپنا فوڈ فار فائنز پروگرام چلائے گی۔ اگرچہ کھوئی یا خراب شدہ کتابوں کے جرمانے کے لیے یہ پروگرام لاگو نہیں ہوگا، لیکن واپسی شدہ یا موجودہ کتابوں کے جرمانے خوراک عطیہ کر کے ختم کیے جا سکتے ہیں۔ کسی بھی رقم کی خوراک عطیہ کرنے سے 6 ڈالر سے زائد واجب الادا جرمانے والے اکاؤنٹس پر بلاک ختم ہو جائے گا اور شہری دوبارہ کتابیں اور دیگر مواد لے سکیں گے۔
تمام عطیات چیکاشا ایمرجنسی فوڈ پینٹری کو دیے جائیں گے تاکہ ضرورت مند خاندانوں کی مدد کی جا سکے۔
یہ پروگرام منفرد نہیں ہے، فلوریڈا کے سینٹرل اٹلانٹک کوسٹ میں سینٹ جانز کاؤنٹی پبلک لائبریری سسٹم نے 2009 سے اس کا آغاز کیا ہوا ہے اور وہ اس سال 21 دسمبر تک عطیات قبول کرے گی۔ یہاں ہر کھانے کی اشیاء کے بدلے لائبریری جرمانے میں 2 ڈالر تک کی کمی کی جا سکتی ہے یا نقد رقم بھی دی جا سکتی ہے، جو بچوں اور خاندانوں کے لیے بائیسکل لائٹس فراہم کرنے میں استعمال ہوگی۔
یہ بھی پڑھیں: شوہر کی دوسری شادی کیخلاف خاتون نے مقدمہ کیسے جیتا؟
لائبریری کے ڈائریکٹر دیبرا روڈز گیبسن نے کہا کہ ہمیں خوشی ہے کہ ہم اس شراکت داری کو بڑھا کر کمیونٹی کی خدمت کر رہے ہیں، ضرورت مند خاندانوں کی مدد کے ساتھ ساتھ بچوں کی حفاظت کے لیے نئے اقدامات بھی کر رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امریکا اوکلاہوما ٹریفک جرمانے چیکاشا خوراک ریاست لائبریری
ذریعہ
ذریعہ: WE News
کلیدی لفظ: امریکا ٹریفک جرمانے خوراک ریاست لائبریری خوراک عطیہ کے جرمانے عطیہ کر کے بدلے یہ بھی کے لیے
پڑھیں:
سونے کی قیمت میں نمایاں کمی،فی تولہ نئی قیمت جانئے
اسلام آباد(نیوز ڈیسک)آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونا 18 سو روپے سستا ہو گیا ہے، جس کے بعد نئی قیمت 4 لاکھ 32 ہزار 36 روپے ہو گئی ہے۔
اسی طرح 10 گرام سونے کی قیمت بھی ایک ہزار 5 سو 43 روپے کی کمی کے بعد 3 لاکھ 70 ہزار 401 روپے پر آ گئی ہے۔
یاد رہے کہ ایک روز قبل یعنی بدھ کو سونے کی فی تولہ قیمت میں 46 سو روپے کا اضافہ ہوا تھا، جس کے بعد یہ 4 لاکھ 33 ہزار 836 روپے تک پہنچ گئی تھی۔ قبل ازیں منگل کو بھی سونے کی فی تولہ قیمت 4 ہزار 700 روپے اضافے کے بعد 4 لاکھ 29 ہزار 236 روپے ہو گئی تھی۔
بین الاقوامی مارکیٹ میں بھی سونے کی قیمت میں کمی دیکھنے میں آئی، جہاں قیمت 18 ڈالر کم ہو کر 4 ہزار 96 ڈالر فی اونس (20 ڈالر پریمیم کے ساتھ) ہو گئی۔
دوسری جانب چاندی کی قیمت میں بھی کمی ریکارڈ کی گئی ہے، اور فی تولہ چاندی 33 روپے سستی ہو کر 6 ہزار 3 سو 70 روپے پر آ گئی ہے۔
تجزیہ کاروں کے مطابق ملک میں سونے اور چاندی کی قیمتوں میں کمی کی بنیادی وجہ عالمی مارکیٹ میں قیمتوں کے اتار چڑھاؤ اور ڈالر ریٹ کے باعث واقع ہوئی ہے۔
مزید پڑھیں۔پیٹرولیم مصنوعات کی قیمتوں میں بڑا اضافہ کردیا گیا،نئی قیمتیں جانئے
ٹی20 ورلڈ کپ 2026: پاکستان نے سپر 8 کے لیے جگہ پکی کر لی