ذائقہ بڑھانے کے لیے چینی شخص روزانہ مچھلیوں کو 5 ہزار کلو مرچیں کھلانے لگا
اشاعت کی تاریخ: 15th, November 2025 GMT
data-id="863a0a8" data-element_type="widget" data-widget_type="theme-post-content.default">
چین کے صوبے اُناناہ میں واقع ایک منفرد مچھلی فارم اس وقت سوشل میڈیا پر خاصی شہرت حاصل کر رہا ہے اور اس کے غیر معمولی طریقۂ کار نے صارفین کو حیرت میں ڈال دیا ہے۔
غیر ملکی میڈیا رپورٹس کے مطابق چانگشا شہر میں موجود اس فارم ہاؤس میں مچھلیوں کو روزانہ تقریباً 5 ہزار کلو مرچیں کھلائی جاتی ہیں۔
فارم کے مالکان کا دعویٰ ہے کہ اس عمل سے مچھلیوں کا ذائقہ بہتر اور گوشت زیادہ لذیذ بن جاتا ہے، جبکہ ان کی رنگت بھی خاص طور پر چمکدار نظر آتی ہے۔ 10 ایکڑ پر پھیلے اس فارم کے تالاب 40 سالہ کسان جیانگ شینگ اور ان کے ساتھی کُوانگ کے زیرِ انتظام ہیں، جو اس عجیب طریقۂ کار کے ذمہ دار ہیں۔
جیانگ اور کُوانگ کا کہنا ہے کہ فارم میں دو ہزار سے زائد مچھلیاں پالی جاتی ہیں، اور انہیں مختلف اقسام کی مرچیں خوراک کے طور پر دی جاتی ہیں۔
فارم کے مالک کُوانگ کے مطابق مچھلیاں خود گھاس یا عام خوراک کے بجائے مرچیں کھانا پسند کرتی ہیں۔ جیانگ کا کہنا ہے کہ مچھلیوں میں انسانوں جیسی ذائقے کی حس نہیں ہوتی، بلکہ وہ خوراک کو زیادہ تر سونگھ کر پہچانتی ہیں، اس لیے مرچ کا تیکھا پن انہیں نقصان نہیں پہنچاتا۔
فارم کے مالکان نے مزید کہا کہ مرچوں میں موجود وٹامنز مچھلیوں کی نشوونما کے لیے انتہائی فائدہ مند ہیں۔ ان کے مطابق، مرچیں کھانے سے مچھلیاں تیزی سے بڑی ہوتی ہیں، ان کی صحت بہتر رہتی ہے، اور گوشت کا ذائقہ نرم اور مزیدار بن جاتا ہے۔
یہ منفرد فارم نہ صرف خوراک کے عجیب تجربے کی وجہ سے مشہور ہوا ہے بلکہ سوشل میڈیا صارفین کے لیے ایک حیرت انگیز کہانی بھی بن چکا ہے، جو دکھاتی ہے کہ کیسے جدید طریقے اور غیر روایتی خوراک مچھلیوں کی پرورش میں دلچسپ نتائج لا سکتے ہیں۔
ذریعہ
ذریعہ: Jasarat News
کلیدی لفظ: فارم کے
پڑھیں:
پیٹرول کی قیمتیں روزانہ بدلنے کا نظام، عوام خوش یا پریشان؟
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم