فیصل ممتاز راٹھور کا مظفرآباد، کا پہلا تفصیلی دورہ، سرکارئ منصوبوں کا جائزہ لیا
اشاعت کی تاریخ: 22nd, November 2025 GMT
وزیراعظم آزادکشمیر فیصل ممتاز راٹھور نے وزارت عظمیٰ سنبھالنے کے بعد مظفرآباد شہر کا پہلا تفصیلی دورہ کیا ہے، دورے کے دوران انہوں نے مختلف منصوبوں، مزارات اور سرکاری دفاتر کا جائزہ لیا، جبکہ شہریوں نے وزیراعظم کو اپنے درمیان پا کر خوشی کا اظہار کیا۔
یہ بھی پڑھیں: چوہدری انوارالحق کے خلاف تحریک عدم اعتماد کامیاب، فیصل ممتاز راٹھور وزیراعظم آزاد کشمیر منتخب
وزیراعظم نے سب سے پہلے سی ایم ایچ فلائی اوور کے تعمیراتی کام کا معائنہ کیا اور متعلقہ حکام کو ہدایت دی کہ منصوبہ ہر صورت مقررہ وقت میں مکمل کیا جائے۔ بریفنگ میں بتایا گیا کہ فلائی اوور کا ایک ٹریک آئندہ دس روز میں فنکشنل ہو جائے گا۔
مزارات پر حاضری اور شہدا کو خراج عقیدتوزیراعظم نے سابق صدور کے ایچ خورشید اور میرواعظ مولوی محمد یوسف شاہ کے مزارات پر حاضری دی، فاتحہ خوانی کی اور پھولوں کی چادریں چڑھائیں۔ انہوں نے اپنے برادر نسبتی کرنل آصف اعوان شہید کے مزار پر بھی فاتحہ خوانی کی اور پاک افواج کی قربانیوں کو خراج عقیدت پیش کیا۔
وزیراعظم نے عوامی ایکشن کمیٹی کے احتجاج کے دوران شہید ہونے والے ثاقب فیاض میر کی قبر پر بھی فاتحہ خوانی کی۔
میونسپل کارپوریشن کا دورہ اور بریفنگوزیراعظم نے میونسپل کارپوریشن مظفرآباد کا دورہ کیا جہاں پیپلزپارٹی کے کارکنان نے ان کا شاندار استقبال کیا۔ مئیر سکندر گیلانی اور ڈپٹی مئیر خالد اعوان نے شہر کے انتظامی امور پر بریفنگ دی۔
یہ بھی پڑھیں: آزاد کشمیر کے نومنتخب وزیراعظم راجا فیصل ممتاز راٹھور کون ہیں؟
وزیراعظم نے مرکزی عید گاہ، راجہ محمد حیدر خان اور خان عبدالحمید خان کے مزارات سمیت دربار پیر گلشن علاوالدین اور دربار شاہ عنایت پر بھی حاضری دی۔ انہوں نے پلیٹ قبرستان میں لائٹس کی تنصیب اور پانی کی فراہمی کا اعلان کیا، جبکہ انجم نثار میر ایڈووکیٹ اور سید علی حسنین فاطمی کی قبروں پر فاتحہ خوانی بھی کی۔
اس دوران وزیراعظم نے پلیٹ میں ایک کاروباری مرکز کا افتتاح کیا جہاں کارکنان نے ان کے حق میں نعرے لگائے۔
مظفرآباد ریاست کا چہرہ ہے، وزیراعظمدورے کے دوران میڈیا سے گفتگو کرتے ہوئے وزیراعظم راجہ فیصل ممتاز راٹھور نے کہا کہ مظفرآباد ریاست کا چہرہ ہے اور اس شہر کی بہتری کے لیے ہر ممکن اقدام کیا جائے گا۔
انہوں نے کہا کہ دارالحکومت میں ٹریفک مسائل کے حل کے لیے جامع پلان تشکیل دیا جائے گا جبکہ سالڈ ویسٹ مینجمنٹ منصوبے کی جلد از جلد تکمیل یقینی بنائی جائے گی۔
وزیراعظم نے سی ایم ایچ فلائی اوور کی بروقت تکمیل کے لیے فنڈز کی فراہمی کا عزم ظاہر کرتے ہوئے کہا کہ مظفرآباد سے ان کا خصوصی تعلق ہے جو انہیں اپنے والد سے ورثے میں ملا ہے، اور اسی شہر نے ان کے والد کو ایم ایل اے منتخب کیا تھا۔
وفاق سے بھرپور تعاون کی توقعوزیراعظم نے کہا کہ آزادکشمیر کے ترقیاتی منصوبوں کے لیے وفاق کی بھرپور حمایت کی توقع ہے۔ پی ایس ڈی پی میں شامل منصوبوں پر مکمل عملدرآمد ہوگا اور اس حوالے سے وہ خود وزیراعظم پاکستان سے ملاقات کریں گے۔
انہوں نے کہا کہ مانسہرہ–مظفرآباد موٹروے، ایم 4 اور لوہار گلی ٹنل ان کی حکومت کی ترجیحات میں شامل ہیں۔
وقت کم ہے مگر کارکردگی بہترین ہوگیوزیراعظم نے موجودہ حکومت کو ٹی 20 ٹیم قرار دیتے ہوئے کہا کہ وقت کم ہے مگر کارکردگی بہتر سے بہتر دکھائی جائے گی۔
انہوں نے کرنل آصف علی اعوان شہید کی قربانی کو خراج تحسین پیش کرتے ہوئے کہا کہ قوم ان کی خدمات کو ہمیشہ یاد رکھے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: فیصل ممتاز راٹھور فاتحہ خوانی نے کہا کہ انہوں نے کے لیے
پڑھیں:
وزیراعظم شہباز شریف آج باغ (آزاد کشمیر) کا دورہ کریں گے
باغ (نامہ نگار) وزیراعظم شہباز شریف آج 20 نومبر کو ضلع باغ کا اہم دورہ کریں گے، جہاں وہ "دانش سکول کا سنگِ بنیاد" رکھنے کی متوقع تقریب میں شرکت کریں گے۔ سرکاری ذرائع کے مطابق اس دورے کا مقصد علاقے میں معیاری تعلیم کے فروغ اور جدید تعلیمی سہولیات کی فراہمی کے لیے حکومت کے جاری منصوبوں کا جائزہ لینا ہے۔
5 بڑی ادویات ساز کمپنیاں پاکستان سے چلی گئیں