دروزی برادری کے دفاع کے نام پر اسرائیلی ڈرون حملہ
اشاعت کی تاریخ: 30th, April 2025 GMT
صہیونی حکومت نے شام میں ایک عمارت پر اپنے ڈرون حملے کی اطلاع دی ہے، جس میں ان کے بقول ایسے مسلح افراد موجود تھے جو دروزی برادری کو نشانہ بنانے کی تیاری کر رہے تھے۔ اسلام ٹائمز۔ صہیونی حکومت نے شام میں ایک عمارت پر اپنے ڈرون حملے کی اطلاع دی ہے، جس میں ان کے بقول ایسے مسلح افراد موجود تھے جو دروزی برادری کو نشانہ بنانے کی تیاری کر رہے تھے۔ فارس نیوز کے مطابق، اسرائیلی وزیر اعظم بنیامین نیتن یاہو اور وزیر جنگ یوآو گالانت نے ایک بیان میں کہا ہے کہ اسرائیلی فوج نے ایک وارننگ آپریشن کیا ہے اور اُن افراد پر حملہ کیا ہے جو دمشق کے نواحی علاقے صحنایا میں دروزی برادری پر حملے کی تیاری کر رہے تھے۔ اس بیان میں نیتن یاہو اور گالانت نے کہا کہ ہم نے شامی حکومت کو یہ پیغام دیا ہے کہ ہم توقع کرتے ہیں کہ وہ دروزیوں کو نقصان پہنچانے کی کوششوں کو روکے۔
اس کے ساتھ ہی اسرائیلی ریڈیو و ٹی وی نے اعلان کیا کہ شام میں یہ حملہ ایک ڈرون کے ذریعے کیا گیا جس نے ایک ایسی عمارت پر میزائل داغا جہاں مسلح افراد موجود تھے جو دروزیوں پر حملہ کرنے کی منصوبہ بندی کر رہے تھے۔ رپورٹ کے مطابق، یہ حملہ ایک انتباہی پیغام کے طور پر کیا گیا اور اس میں کوئی جانی نقصان یا زخمی ہونے کی اطلاع نہیں ملی۔ اسرائیلی فوج، انٹیلیجنس یونٹس اور شمالی کمانڈ شام کی صورتحال پر گہری نظر رکھے ہوئے ہیں۔ اس سے قبل بعض ذرائع نے اطلاع دی تھی کہ شامی حکومت سے منسلک فورسز نے دمشق کے نواحی علاقے صحنایا کے اطراف میں اکٹھا ہونا شروع کر دیا ہے تاکہ دروزی گروہوں کے ساتھ دوبارہ شروع ہونے والی جھڑپوں کے لیے تیار ہو سکیں۔ دریں اثناء العربیہ ٹی وی نے اطلاع دی ہے کہ دمشق کے نواحی علاقے اشرفیہ صحنایا میں رہائشی محلوں کے درمیان شدید مسلح جھڑپیں اور فائرنگ کا تبادلہ دوبارہ شروع ہو گیا ہے۔
ذریعہ: Islam Times
کلیدی لفظ: کر رہے تھے اطلاع دی
پڑھیں:
برطانیہ کی ٹرین میں چاقو حملہ، 10 افراد زخمی، 9 کی حالت تشویشناک
data-id="863a0a8" data-element_type="widget" data-widget_type="theme-post-content.default">
لندن: برطانیہ کے علاقے کیمرج شائر میں خوفناک واقعہ اُس وقت پیش آیا جب ایک تیز دھار آلے سے حملے کے نتیجے میں ٹرین میں سوار 10 مسافر زخمی ہو گئے، جن میں سے 9 کی حالت تشویشناک بتائی جا رہی ہے۔
عالمی میڈیا رپورٹس کے مطابق یہ افسوسناک واقعہ ڈانکاسٹر سے لندن کنگز کراس جانے والی ٹرین میں پیش آیا جو مقامی وقت کے مطابق شام 6 بج کر 25 منٹ پر روانہ ہوئی تھی، واقعے کے فوراً بعد ہنٹنگڈن اسٹیشن پر کارروائی کرتے ہوئے پولیس نے 2 مشتبہ افراد کو گرفتار کر لیا۔
پولیس اور ریسکیو ٹیمیں فوری طور پر جائے وقوعہ پر پہنچ گئیں اور زخمیوں کو قریبی اسپتال منتقل کیا، واقعے کے باعث ٹرین میں سوار متعدد مسافروں کو لندن جانے والی بسوں میں منتقل کر دیا گیا۔
کیمرج شائر پولیس نے اس واقعے کو بڑا حادثہ قرار دیتے ہوئے کہا ہے کہ انسدادِ دہشت گردی کے ماہر افسران اس حملے کی تحقیقات میں معاونت کر رہے ہیں،حملے کی وجوہات تاحال سامنے نہیں آئیں اور تحقیقات جاری ہیں، اس نے ایک شخص کو خون آلود بازو کے ساتھ بوگی میں دوڑتے دیکھا جو چیخ رہا تھا کہ ان کے پاس چاقو ہے، بھاگو اور اس کے فوراً بعد ایک اور شخص زمین پر گرا ہوا نظر آیا۔
دوسری جانب برطانوی وزیراعظم کیئر اسٹارمر نے واقعے پر گہری تشویش کا اظہار کرتے ہوئے کہا کہ یہ واقعہ انتہائی پریشان کن ہے، انہوں نے شہریوں سے اپیل کی کہ وہ مقامی حکام کی ہدایات پر عمل کریں اور افواہوں سے گریز کریں۔
پولیس کا کہنا ہے کہ اس واقعے کے محرکات اور مشتبہ حملہ آوروں کے عزائم کے بارے میں تفصیلات جلد منظرِ عام پر لائی جائیں گی۔
چین-آسیان فری ٹریڈ ایریا 3.0 اپ گریڈ پروٹوکول پر باضابطہ دستخط ہو گئے