دنیا کے سب سے لمبے کتے کی سب سے چھوٹے کتے سے ریکارڈ ملاقات کیسی رہی؟
اشاعت کی تاریخ: 1st, May 2025 GMT
گنز ورلڈ ریکارڈز نے دنیا کے سب سے لمبے اور سب سے چھوٹے کتے کے درمیان تاریخی ملاقات کی ویڈیو شیئر کی ہے،
ڈین نسل کے 3 فٹ اور 3 انچ لمبے 7 سالہ کتے ریجنالڈ کی ساڑھے 3 انچ قد کے 4 سالہ چیہواہوا نسل کے کتے پرل کی ملاقات اڈاہو میں واقع ریجنالڈ کے مالک کے گھر ہوئی، ریجنالڈ کے مالک سام نے گنیز ورلڈ ریکارڈ کو بتایا کہ دنیا کا سے لمبا کتا ’صرف ایک بڑا بچہ‘ ہے جو انسان کے چھوٹے بچے کی طرح برتاؤ کرتا ہے۔
یہ بھی پڑھیں: کروز شپ کمپنی نے لیگو بوٹس بنانے کا عالمی ریکارڈ قائم کرلیا
’میں اس بات سے پریشان نہیں ہوں کہ ریجی پرل کے بارے میں محتاط نہیں رہے گا، وہ بہت، بہت محتاط اور باخبر ہے، مجھے امید ہے کہ وہ اس کے ساتھ واقعی اچھا رہے گا اور شاید پرل کے مالکان میں خود پرل سے زیادہ دلچسپی لے گا۔‘
پرل کی مالک وینیسا سیملر نے کہا کہ اتنے چھوٹے سائز کا پرل بڑے کتوں کو بہت پسند کرتا ہے، جب پرل بڑے کتوں سے ملتا ہے تو وہ واقعی دوستانہ ہوتا ہے۔ مجھے لگتا ہے کہ اسے کوئی اندازہ نہیں ہے کہ وہ ایک چھوٹا کتا ہے۔
ریگی کے گھر میں صوفے پر دونوں نسل کے کتوں کو متعارف کرایا گیا، وینیسا سیملر کے مطابق عام طور پر وہ بڑے کتوں کے ساتھ واقعی چنچل ہے، وہ صرف ان کے آس پاس رہنا چاہتا ہے۔
مزید پڑھیں: ٹینس اسٹار طلحہ وحید نے سروسز کا عالمی ریکارڈ قائم کردیا
’یہ واقعی ایک پرلطف اور دلچسپ دن تھا، ریجنالڈ بالکل پیارا اور پرل کی طرح چنچل تھا جبکہ پرل کی بہادری متاثر کن تھی۔‘
وینیسا سیملر بہت حیران تھیں کہ پرل ریجی سے زیادہ خوفزدہ نہیں تھا لیکن وہ اس میں بہت پرجوش اور دلچسپی رکھتی تھی، دونوں مالکان نے اتفاق کیا کہ قد میں فرق کے باوجود، دونوں کتے مختلف ہونے سے زیادہ ایک جیسے ہیں۔
’وہ کئی حوالوں سے بہت ملتے جلتے ہیں کیونکہ وہ بے بی ہیں۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پرل چنچل دوستانہ ریجنالڈ گنز ورلڈ ریکارڈ.ذریعہ: WE News
کلیدی لفظ: چنچل دوستانہ ریجنالڈ گنز ورلڈ ریکارڈ پرل کی
پڑھیں:
لاہور کے شائقین کرکٹ نے نیا ریکارڈ بنا ڈالا
لاہور کے کرکٹ شائقین نے پاکستان اور جنوبی افریقا کے درمیان سیریز کے تیسرے اور آخری ٹی ٹوئنٹی میں نئی تاریخ رقم کردی۔پاکستان اور جنوبی افریقا کےدرمیان سیریز کا فیصلہ کن میچ ہفتے کو لاہور کے قذافی اسٹیڈیم میں کھیلا گیا۔اس فیصلہ کن مقابلے میں اسٹیڈیم تماشائیوں سے کھچا کھچ بھرا ہوا تھا۔قذافی اسٹیڈیم میں شائقین کرکٹ اتنی بڑی تعداد میں میچ دیکھنے آئے کہ نیا ریکارڈ بن گیا۔ہفتے کو لاہور میں پاکستان اور جنوبی افریقا کا میچ دیکھنے لیے 32 ہزار 437 افراد اسٹیڈیم میں موجود تھے۔اتنی بڑی تعداد میں شائقین کے آنے پر قذافی اسٹیڈیم کی اسکرین پر ہاؤس فل بتایا گیا۔ یہ پاکستان میں کرکٹ کی تاریخ کا سب سے زیادہ کراؤڈ تھا۔ اتنی بڑی تعداد میں آج سے پہلے ہوم گراؤنڈ پر شائقین میچ دیکھنے نہیں آئے۔لاہور کے کرکٹ شائقین نے ایک بار پھر ثابت کر دیا کہ وہ کھیل سے کس قدر والہانہ محبت کرتے ہیں۔واضح رہے پاکستان نے تیسرے ٹی ٹوئنٹی میں جنوبی افریقا کو 4 وکٹوں سے شکست دیکر سیریز 1-2 سے اپنے نام کرلی۔گرین شرٹس نے جنوبی افریقا کا 140 رنز کا ہدف 19 ویں اوور میں 6 وکٹوں کے نقصان پر حاصل کیا اور سیریز 1-2 سے جیت لی۔
پاکستان میں آئندہ حج سستا ہونے کا امکان