لاہور قلندرز کے کھلاڑیوں نے ماحولیاتی آلودگی میں کمی کیلئے حلف اُٹھالیا
اشاعت کی تاریخ: 1st, May 2025 GMT
پاکستان سپر لیگ (پی ایس ایل) کی 2 بار کی چیمپئین ٹیم لاہور قلندرز نے ماحولیاتی آلودگی میں کمی کیلئے حلف اُٹھالیا۔
گزشتہ روز ہوم گراؤنڈ پر لاہور قلندرز نے اسلام آباد یونائیٹڈ کو شکست سے دوچار کیا تھا، یہ شاداب الیون کی ٹورنامنٹ میں پہلی شکست تھی۔
میچ کے آغاز سے قبل لاہور قلندرز کی ٹیم نے آلودگی، کوڑا کرکٹ کے خاتمے اور سرسبز ماحول کے فروغ کیلئے مشترکہ طور پر حلف اٹھایا، پنجاب کی سینیئر صوبائی وزیر مریم اورنگزیب نے فرنچائز ٹیم سے حلف لیا، جس کی ویڈیو سوشل میڈیا پلیٹ فارمز پر تیزی سے وائرل ہورہی ہے۔
مزید پڑھیں: پی ایس ایل؛ شاہین اور حارث کے نام ٹی20 کرکٹ میں اہم اعزاز
حلف نامے میں کہا گیا تھا کہ "میں عہد کرتا ہوں کہ میرے لیے آج سے کرکٹ صرف ایک کھیل نہیں بلکہ کلائمٹ ایکشن کا جذبہ ہے، میں گراؤنڈ پریکٹس اور اپنی روز مرہ زندگی میں ماحولیاتی ذمہ داری بھرپور نبھاؤں گا، میں خود بھی پانی کے ضیاع کو روکنے، اسکے استعمال اور بچت کی عادت کو فروغ دوں گا اور دوسروں کو بھی اس کی آگاہی دوں گا"۔
مزید پڑھیں: پی ایس ایل میں پرفارمنس؛ کون سے کرکٹرز ٹیم میں واپس آسکتے ہیں؟
اسی طرح "درخت لگانے اور ماحول کو سرسبز بنانے میں کردار ادا کروں گا، دھوئیں اور کوڑا کرکٹ سے بچنے کا پیغام عام کروں گا، دھواں چھوڑنے والی گاڑیوں کے استعمال کی حوصلہ شکنی کروں گا اور خود بھی دھواں چھوڑنے والی گاڑی نہیں چلاؤں گا، پلاسٹک کے کم استعمال اور ری سائیکلنگ کو اپنی عادت بناؤں گا اور اپنے فینز، اپنے دوستوں اور فیملی کو بھی کلائمٹ ایکشن میں شامل ہونے کی دعوت دوں گا"۔
واضح رہے کہ پی ایس ایل کی پوائنٹس ٹیبل پر لاہور قلندرز کی ٹیم 7 میچز میں 4 فتوحات اور 3 شکستوں کیساتھ دوسرے نمبر پر موجود ہے۔
ذریعہ: Express News
کلیدی لفظ: لاہور قلندرز پی ایس ایل
پڑھیں:
پنجاب میں ماحولیاتی آلودگی، اسموگ کے تدارک کے لیے اہم اقدام
لاہور:وزیراعلیٰ پنجاب مریم نواز نے صوبے میں ماحولیاتی آلودگی، اسموگ اور سانس کی مہلک بیماریوں کے تدارک کے لیے ایک اور اہم قدم اٹھا لیا ہے، جس کے تحت پنجاب میں غیر معیاری پیٹرول اور ڈیزل کی فروخت کی روک تھام کے لیے سخت چیکنگ کا نیا نظام نافذ کر دیا گیا ہے۔
پنجاب کی حکومت کی جانب سے نافذ کردہ اس نظام کے تحت ماحولیاتی تحفظ کے ادارےای پی اےکو ایندھن کے معیار کی جانچ کا اختیار دے دیا گیا ہے، اب غیر معیاری فیول فروخت کرنے والوں کے خلاف پنجاب ماحولیاتی تحفظ ایکٹ 1997 کے تحت بھاری جرمانے اور سزائیں دی جائیں گی۔
صوبائی حکومت کی جانب سے ڈائریکٹر جنرل ای پی اے ڈاکٹر عمران حمید شیخ کو صوبے میں فیول کا معیار یقینی بنانے کی ذمہ داری سونپ دی گئی ہے تاکہ عوام کو فضائی آلودگی سے تحفظ فراہم کیا جا سکے۔
حکوتم کے اس اقدام سے نہ صرف گاڑیوں کے دھوئیں میں کمی آئے گی بلکہ سموگ، سانس کی بیماریوں اور ماحولیاتی تنزلی پر بھی قابو پایا جا سکے گا۔
سینئر صوبائی وزیر مریم اورنگزیب نے کہا کہ غیر معیاری فیول کا استعمال ماحولیاتی آلودگی اور اسموگ کی ایک بڑی وجہ ہے، حکومت کی کوشش ہے کہ شہریوں کو صاف فضا مہیا کی جائے تاکہ مہلک بیماریوں سے بچاؤ ممکن ہو سکے۔
بال سے بھی باریک دنیا کا سب سے چھوٹا وائلن