پاکستان کا پرچم برادر کارگو بحری جہاز بھارتی شہر کلکتہ کی بندرگاہ پر کیا کر رہا ہے؟ بڑا انکشاف
اشاعت کی تاریخ: 2nd, May 2025 GMT
کراچی (ویب ڈیسک) پاک بھارتی کشیدگی اور جنگ کے بادل منڈلانے کے باوجود پاکستان کا پرچم بردار کارگو بحری جہاز بھارتی بندرگاہ کلکتہ کی پورٹ پر موجود ہے جہاں کوئلہ اتارنے کا عمل جاری ہے۔
نجی ٹی وی ایکسپریس نیوز کے مطابق پاکستان نیشنل شپنگ کارپوریشن (پی این ایس سی) کے ذرائع نے بتایا ہے کہ پاک بھارت کشیدگی کے باوجود انڈو پاک میری ٹائم پروٹوکول پر عمل جاری ہے، 2008ء میں طے ہونے والے اس پروٹوکول کے تحت دونوں ممالک کے پرچم بردار بحری جہاز ایک دوسرے کی بندرگاہ پر جاسکتے ہیں۔
ایڈیشنل اٹارنی جنرل ایڈووکیٹ راشد حفیظ کی خدمات اسلام آباد ہائیکورٹ کے سپرد
ذرائع کے مطابق پاکستان نیشنل شپنگ کارپوریشن کا مال بردار بحری جہاز سبی چینی کارگو کی ترسیل کے لیے بھارتی بندرگاہ پر موجود ہے، پاکستانی پرچم بردار بحری جہاز کا چارٹر ایگری منٹ حالیہ کشیدگی سے قبل طے کیا گیا اور پاکستانی بلک کارگو جہاز 'سبی' ملائشیا سے 26 ہزار ٹن کوئلہ لے کر کلکتہ کی بندرگاہ ہالدیہ پہنچا ہے۔
ذرائع پی این ایس سی کے مطابق سبی جہاز چارٹر پر ہے جوکہ موجودہ کشیدگی سے قبل ہوا، پی این ایس سی سرکاری احکامات اور پالیسیز کے تحت عمل پیرا ہے۔
پروپیگنڈا کام نہ آیا؛ امریکی وزیر خارجہ نے بھارتی ہم منصب کو ٹکا سا جواب دیدیا
مزید :.ذریعہ: Daily Pakistan
کلیدی لفظ: بحری جہاز
پڑھیں:
ایران امن مذاکرات پر آمادہ ہے؛ اسحاق ڈار کا سینیٹ میں انکشاف
سٹی42: پاکستان کے وزیر خارجہ نے انکشاف کیا ہے کہ ایران اسرائیل کے حملے کے فوراً بعد "ایک مرتبہ جواب دینے" کے بعد مذاکرات کرنے پر تیار تھا، ایران کے وزیر خارجہ نے یہ بات پاکستان کے وزیرخارجہ اسحاق ڈار سے کی تھی، اسحاق ڈار نے یہ بات ڈپلومیٹک چینلز کے ذریعہ آگے ملکوں سے کی۔ ایران اب بھی مذاکرات کے لئے تیار ہے۔
پاکستان کے وزیرخارجہ (اور نائب وزیراعظم) اسحاق ڈار نے یہ اہم انکشاف آج سینیٹ میں پڑوس میں جاری جنگ کے اہم موضوع پر پالیسی گفتگو کرتے ہوئے کیا۔
وزیر خارجہ اسحاق ڈار نےکہا، "جنگ کوئی مذاق نہیں ہے"، اسحاق ڈار نے پڑوسی ملک کی جنگ میں شریک ہونے کی افواہوں اور فیک نیوز کو سختی کے ساتھ مسترد کرتے ہوئے ریاست کا دیرینہ مؤقف دہرایا اور کہا، "ہمارا نیوکلیئر اور میزائل پروگرام ہماری اپنی حفاظت کے لیے ہے۔"
اسٹیٹ بینک کا شرح سود 11 فیصد پر برقرار رکھنے کا اعلان
وزیر خارجہ اسحاق ڈار نے کہا، گمراہ کن مِس انفارمیشن پھیلائی جارہی ہے، احتیاط برتنی چاہیے۔
اسحاق ڈار نے بتایا کہ امریکہ کے صدر ٹرمپ سے متعلق کل "ایک کلپ" چل رہا تھا. بعد میں معلوم ہوا کہ (وہ کلپ) اے آئی سے جنریٹ ہوا۔
اسحاق ڈار نے بتایا، کہ 13 جون (ایران پر اسرائیل کے حملے) کے بعدکئی جعلی خبریں سامنے آئیں۔ نیتن یاہو کا انٹرویو (جس میں انہوں نے پاکستان کا نام لیا) 2011 کا ہے؛ ایسی صورتحال میں سب کو خیال رکھنا چاہی۔ ہمیں احتیاط کرنا ہوگی۔
آئی جی پنجاب ڈاکٹر عثمان انور 5روزہ نجی دورے پر ترکی روانہ
اسحاق ڈٓر نے گزشتہ تین دن کے دوران مخصوص گروہوں کی طرف سے پاکستان کے بھی جنگ میں چھلانگ لگا دینے کے متعلق بے بنیاد اور خطرناک پروپیگنڈا کا حوالہ دیتے ہوئے کہا، "بہت غلط اور گمراہ کن خبریں پھیل رہی ہیں"، "فیک نیوز کے حوالے سے ہمیں چیزوں کو کلیئر کرنا چاہیے۔"
وزیر خارجہ اسحاق ڈار نے کہا،"یہ بچوں کا کھیل نہیں ہے۔ سنجیدہ قسم کی جنگ جاری ہے۔ جنگ کوئی مذاق نہیں ہے۔ ہمارا نیوکلیئر اور میزائل پروگرام ہماری اپنی حفاظت کے لیے ہے۔ "
گزشتہ سال کی طرح رواں سال بھی بجٹ ٹیکس فری
وزیر خارجہ نے بھارت کے ساتھ جاری کشیدگی کے حوالے سے کہا، "بھارت کچھ کرےگا تو پہلے سے زیادہ جواب ملےگا۔"
ایران امن مذاکرات پر آمادہ ہے؛ اسحاق ڈار کا سینیٹ میں انکشاف
اسحاق ڈٓر نے ایران اسرائیل جنگ کے متعلق اہم ترین معلومات سینیٹ کے ارکان کے ساتھ شئیر کرتے ہوئے بتایا، " ایران کے وزیر خارجہ نے مذاکرات میں مسلسل میرے ساتھ رابطہ رکھا۔"
آئندہ 24 گھںٹوں میں بارش کی پیشگوئی کردی گئی
وزیر خارجہ نے بتایا کہ میں نے ایران کے وزیر خارجہ سے پہلے حملےکے بعد بات کی تو انہوں نےکہا کہ اس کا تو ہم جواب دیں گے لیکن اس کے بعد اگر اسرائیل نے دوبارہ حملہ نہ کیا تو مذاکرات کی میز پر آنےکو تیار ہیں،ہم نے ایران کی بات آگے ممالک سےکی اب بھی وقت ہے اسرائیل کو روکا جائے تو ایران تیار ہے، ہم نے کہا کہ مذاکرات میں ہم ان کی سہولت کاری کریں گے۔
اسحاق ڈار نے مزید بتایا، "عمان اور ایران کے وزرائے خارجہ نے مجھے اپ ڈیٹ کیے رکھا۔ پاکستان یواین سکیورٹی کونسل کا ممبر ہے تو ہم نے صورتحال پر یو این سکیورٹی کونسل کی میٹنگ سے متعلق اپنا کردار ادا کیا۔ ایران نے اس حوالے سے پاکستان کا شکریہ ادا کیا۔"
پنجاب بجٹ؛ موٹرویز پر ایمرجنسی ایمبولینس سروسز متعارف
Waseem Azmet
بینظیر انکم سپورٹ پروگرام کیلئے 716 ارب مختص کرنے کی تجویز