بھارت کا بنگلا دیش کا دورہ منسوخ ہونے کا امکان، وجہ کیا بنی؟
اشاعت کی تاریخ: 3rd, May 2025 GMT
بھارت کرکٹ ٹیم کا اگست 2025 میں بنگلا دیش کا دورہ ممکنہ طور پر منسوخ ہو سکتا ہے۔ دورے میں 3 ایک روزہ (ODI) اور 3 ٹی20 (T20I) میچز شامل تھے، لیکن بھارت، پاکستان اور بنگلا دیش کے مابین بڑھتی ہوئی علاقائی کشیدگی کے باعث یہ سیریز خطرے میں پڑ گئی ہے۔
بھارتی کرکٹ بورڈ (BCCI) نے گزشتہ ماہ سوشل میڈیا پر دورے کا ابتدائی شیڈول جاری کیا تھا، جس کے مطابق 4 میچز ڈھاکا کے شیر بنگلہ نیشنل اسٹیڈیم میں ہونا تھے، جبکہ 2 میچز چٹاگام مطیع الرحمٰن اسٹیڈیم میں کھیلے جانے تھے۔
بھارتی میڈیا کے مطابق دورہ فی الحال کیلنڈر کا حصہ ہے، لیکن حتمی فیصلہ نہیں ہوا۔ موجودہ جیو پولیٹیکل صورتحال کے پیش نظر قوی امکان ہے کہ بھارت یہ دورہ نہ کرے۔
مزید پڑھیں: پاکستان کی بنگلا دیش کے خلاف ٹیسٹ سیریز، صاحبزادہ فرحان کپتان ہوں گے
ادھر بنگلا دیش کی ٹیم 17 اور 19 مئی کو متحدہ عرب امارات کے خلاف 2 ٹی20 میچز کھیلے گی، جو شارجہ میں ہوں گے۔ اس کے بعد ٹیم 21 مئی کو پاکستان پہنچے گی اور 25 مئی سے 3 جون تک 5 ٹی20 میچز پر مشتمل سیریز کھیلے گی۔
پاک بنگلا دیش سیریز کے پہلے 2 میچز فیصل آباد کے اقبال اسٹیڈیم میں 25 اور 27 مئی کو ہوں گے کہ جبکہ دیگر میچز لاہور میں ہوں گے۔ بعد ازاں ٹیم سری لنکا کا دورہ کرے گی، جہاں 2 ٹیسٹ، 3 ون ڈے اور 2 ٹی20 میچز شیڈول ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلا دیش بھارت پاکستان ٹی20 سیریز سری لنکا.
ذریعہ
ذریعہ: WE News
کلیدی لفظ: بنگلا دیش بھارت پاکستان ٹی20 سیریز سری لنکا بنگلا دیش ہوں گے
پڑھیں:
کرپٹو ٹریڈنگ پر 15 تا 30 فیصد کیپیٹل گین ٹیکس عائد ہونے کا امکان، ذرائع
اگلےسال نئے بجٹ میں کرپٹو ٹرانزیکشن(crypto transactions) پر کیپیٹل گین ٹیکس لگانےکی تجویز سامنے آئی ہے،ذرائع کےمطابق کرپٹو ٹریڈنگ پر 15 سے 30 فیصد تک کیپیٹل گین ٹیکس عائد ہونے کا امکان ہے۔
آئی ایم ایف کی مشاورت سےکرپٹوسیکٹرکو ٹیکس نیٹ میں لانےکی تیاری کی جارہی ہے، اس اقدام کا مقصدکرپٹو سیکٹرکو ٹیکس نیٹ میں لانا اورڈیجیٹل معیشت سےحاصل ہونے والے منافع کو ریگولیٹ کرنا ہے،آئی ایم ایف نے تمام ڈیجٹل کاروبار سے منافع پر ٹیکس عائد کا مطالبہ کیا تھا۔
مجوزہ پلان کےتحت انکم ٹیکس آرڈیننس کےسیکشن 37 میں کرپٹو ٹرانزیکشنز سےمتعلق کیپیٹل گین کی شق شامل کی جائے گی،کرپٹو ٹریڈنگ سےحاصل ہونے والا منافع جلد ٹیکس کےدائرے میں آسکتا ہے۔
ذرائع کاکہنا ہےکہ ورچوئل ایسٹ ریگولیٹری اتھارٹی نےبھی کرپٹو صارفین پرٹیکس اور ریگولیٹری اقدامات کی تجاویزدی ہیں،جبکہ صارفین کی تعداد،ٹرانزیکشنزاورٹیکس میکانزم کےلیےایک خصوصی کمیٹی قائم کردی گئی ہے۔
ورچوئل ایسٹ ریگولیٹری اتھارٹی نےکرپٹوصارفین پر ٹیکس اقدامات تجویزکیے،کرپٹو صارفین کی تعداد، ٹرانزکشنز اور ٹیکس میکنزم کیلئے کمیٹی بھی قائم کی گئی۔
مزید پڑھیں:27 مئی تا یکم جون عید تعطیلات، ریلوے کی آمدن میں خاطرہ خواہ اضافہ
ورچوئل اثاثوں کو لیگل قراردےکرڈیجیٹل کرنسی متعارف کرانےکافیصلہ کیاگیا، روپے کو ڈیجیٹل کرنسی میں تبدیل کرکےورچوئل اثاثوں کی خریداری ممکن ہوگی،پاکستانی روپے کی شکل میں موجود رقم کرپٹو کرنسی میں ایکسچینج ہوسکے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ