بھارت خوارج کو ہتھیار اور عسکری تربیت دے رہا ہے، علامہ جواد نقوی
اشاعت کی تاریخ: 4th, May 2025 GMT
سربراہ تحریک بیداری امت مصطفی نے پاک بھارت کشیدگی کے حوالے سے گفتگو کرتے ہوئے کہا کہ بھارت کے پاس پاکستان کیخلاف 2مؤثر ہتھیار موجود ہیں، انڈیا ہر عالمی فورم پر پاکستان کو تنہا کرنے میں کامیاب ہوتا جا رہا ہے،شدت پسند مذہبی، تکفیری، فرقہ واریت پھیلانے والے مفتی و مولوی اور علیحدگی پسند عناصر، بالخصوص بلوچ باغی بھارت نے ان دونوں کو بروئے کار لا کر پاکستان کے داخلی امن کو نشانہ بنایا ہے۔ اسلام ٹائمز۔ پاکستان اور بھارت کے درمیان حالیہ صورتحال پر لاہور میں گفتگو کرتے ہوئے تحریک بیداری امت مصطفیٰ کے سربراہ علامہ سید جواد نقوی کا کہنا تھا کہ عالمی منظرنامے میں بھارت پاکستان کے دوست ممالک کو اپنے اقتصادی و سیاسی تعلقات کے ذریعے اپنی صف میں شامل کر رہا ہے۔ سعودی عرب، متحدہ عرب امارات، امریکہ، یورپی ممالک یہ سب اگرچہ پاکستان کیساتھ دوستانہ تعلقات رکھتے ہیں، لیکن حقیقت میں بھارت کے اتحادی اور کاروباری شراکت دار بن چکے ہیں۔ یہی وجہ ہے کہ بھارت ہرعالمی فورم پر پاکستان کو تنہا کرنے میں کامیاب ہوتا جا رہا ہے۔ انہوں نے کہا کہ بھارت کے پاس پاکستان کیخلاف دو مؤثر ہتھیار موجود ہیں، ایک دہشتگردی اور دوسرا اندرونی خلفشار کو ہوا دینا، ان ہتھیاروں کا استعمال وہ انتہائی منظم انداز میں کر رہا ہے۔
انہوں نے کہا کہ بھارتی فوج کے بعض اعلیٰ افسران خود تسلیم کر چکے ہیں۔ ان کے بیانات کے مطابق بھارت کو اپنے قیمتی ہتھیار ضائع کرنے کی ضرورت نہیں، کیونکہ پاکستان کے اندر ایسے عناصر موجود ہیں جو بھارت کے مقاصد کیلئے کام کر سکتے ہیں۔ ان کا کہنا تھا کہ شدت پسند مذہبی، تکفیری، فرقہ واریت پھیلانے والے مفتی و مولوی اور علیحدگی پسند عناصر، بالخصوص بلوچ باغی بھارت نے ان دونوں کو بروئے کار لا کر پاکستان کے داخلی امن کو نشانہ بنایا ہے۔ افغان سرزمین سے تیار ہو کر آنیوالے خوارج، جنہیں پاکستان کی اسٹیبلشمنٹ بھی "خوارج" تسلیم کرتی ہے، بھارت کی سرپرستی میں سرگرم ہیں۔ طالبان حکومت کے محدود وسائل کے پیش نظر یہ کہنا درست ہے کہ یہ خوارج بھارت کی پشت پناہی سے نہ صرف عسکری تربیت پاتے ہیں بلکہ انہیں جدید ہتھیار بھی فراہم کیے جاتے ہیں۔
ذریعہ
ذریعہ: Islam Times
کلیدی لفظ: پاکستان کے پاکستان کی بھارت کے رہا ہے
پڑھیں:
سونم وانگچک نے 26 روز تک جاری رہنے والی اپنی بھوک ہڑتال ختم کر دی
بھارت کے معروف سماجی کارکن سونم وانگچک نے 26 روز تک جاری رہنے والی اپنی بھوک ہڑتال ختم کرنے کا اعلان کر دیا ہے۔ انہوں نے کہا کہ طویل مذاکرات اور ملک میں ممکنہ تشدد کے خدشات کے پیش نظر یہ فیصلہ کیا گیا۔
عرب میڈیا کے مطابق سونم وانگچک نے سوشل میڈیا پلیٹ فارم ایکس پر جاری بیان میں بتایا کہ مختلف شرائط پر ہونے والے طویل مذاکرات کے بعد اور ملک میں کشیدگی کے امکانات کو دیکھتے ہوئے انہوں نے اپنا احتجاج ختم کر دیا ہے۔
Just now in the presence of Union Ministers Sh. JP Nadda, Dr. Jitendra Singh and the senior leaders of Apex Body of Leh Ladakh I finally broke my fast after 26 days. Earlier 65 members of parliament from different political parties had visited or signed letters urging me to break… pic.twitter.com/RFCet7Oksy
— Sonam Wangchuk (@Wangchuk66) July 23, 202659 سالہ سونم وانگچک نے 28 جون کو بھوک ہڑتال کا آغاز کیا تھا۔ ان کی یہ ہڑتال بھارت میں نوجوانوں کی قیادت میں چلنے والی کاکروچ موومنٹ سے اظہارِ یکجہتی کے لیے تھی۔
اس تحریک کے شرکاء میڈیکل کالجوں کے داخلہ امتحانات کے پرچوں کے مبینہ لیک ہونے کے معاملے پر بھارتی وزیرِ تعلیم دھرمیندر پردھان سے استعفے کا مطالبہ کر رہے ہیں۔
مظاہرین کا مؤقف ہے کہ امتحانی نظام میں شفافیت کو یقینی بنانے اور ذمہ داروں کے خلاف کارروائی کے لیے وزیرِ تعلیم کو اپنے عہدے سے الگ ہونا چاہیے۔
سونم وانگچک کے بھوک ہڑتال ختم کرنے کے اعلان کے باوجود بھارت میں امتحانی نظام اور حکومتی پالیسیوں کے خلاف احتجاجی تحریک بدستور جاری ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار