یمن کیجانب سے غاصب اسرائیلی رژیم کے فضائی محاصرے کا اعلان
اشاعت کی تاریخ: 5th, May 2025 GMT
یمنی مسلح افواج کے ترجمان نے غزہ کی پٹی کیخلاف غاصب صیہونی رژیم کیجانب سے جاری زمینی کارروائی میں توسیع پر مبنی اسرائیلی منصوبے کا غاصب و سفاک صیہونی رژیم کیخلاف مکمل ہوائی محاصرے کے اعلان کے ذریعے جواب دیا ہے اسلام ٹائمز۔ یمنی مسلح افواج نے غاصب و سفاک صیہونی رژیم کے خلاف مکمل ہوائی محاصرے کا اعلان کیا ہے۔ تفصیلات کے مطابق غاصب اسرائیلی رژیم کی جارحیت میں اضافے اور غزہ کے خلاف جارحانہ زمینی کارروائیوں میں توسیع پر مبنی تل ابیب کے فیصلے پر ردعمل کا اظہار کرتے ہوئے یمنی مسلح افواج کے ترجمان بریگیڈیئر جنرل یحیی السریع نے غاصب و سفاک صیہونی رژیم کے خلاف مکمل ہوائی محاصرے کا اعلان کیا ہے۔ اس بارے جاری ہونے والے اپنے بیان میں بریگیڈیئر جنرل يحیی السریع نے زور دیتے ہوئے کہا کہ اس ہوائی محاصرے کا اسرائیلی ہوائی اڈوں پر بار بار حملوں کے ذریعے نفاذ کیا جائے گا جبکہ اس محاصرے میں اللد (Lod) ہوائی اڈہ کہ جسے اسرائیل میں بن گورین ایئرپورٹ بھی کہا جاتا ہے، سر فہرست ہے۔ یمنی مسلح افواج کے ترجمان نے تمام بین الاقوامی ہوائی کمپنیوں سے مطالبہ کیا ہے کہ وہ اس بیان کو اس کے اعلان و اشاعت کے وقت سے مدنظر رکھیں اور اپنے طیاروں و اہلکاروں کی سلامتی و حفاظت کی خاطر مقبوضہ فلسطینی علاقوں میں واقع ہوائی اڈوں کے لئے اپنی تمام پروازیں منسوخ کر دیں۔ انہوں نے تاکید کی کہ آزاد، خود مختار و عزیز یمن جارحیت کے اس تسلسل کو کبھی قبول نہیں کرے گا جو غاصب اسرائیلی دشمن نے لبنان و شام جیسے عرب ممالک پر اپنے انسانیت سوز حملوں کے ذریعے مسلط کر رکھی ہے۔ اپنے بیان کے آخر میں انہوں نے زور دیتے ہوئے کہا کہ امت اسلامیہ محاذ آرائی سے خوفزدہ نہیں اور نہ ہی اپنے ہتھیار ڈالے گی!
.
ذریعہ
ذریعہ: Islam Times
کلیدی لفظ: یمنی مسلح افواج ہوائی محاصرے صیہونی رژیم محاصرے کا
پڑھیں:
ایڈیشنل ایڈووکیٹ جنرل خیبر پختونخوا اپنے عہدے سے مستعفی
محمد انعام یوسفزئی کا کہنا تھا کہ بطور ایڈیشنل ایڈووکیٹ جنرل ذمہ داری ادا کرنا میرے لیے اعزاز کی بات ہے، تاہم مزید اس پوسٹ پر کام جاری نہیں رکھ سکتا۔ اسلام ٹائمز۔ ایڈیشنل ایڈووکیٹ جنرل خیبرپختونخوا محمد انعام یوسفزئی نے استعفا دے دیا۔ محمد انعام یوسفزئی کا کہنا تھا کہ بطور ایڈیشنل ایڈووکیٹ جنرل ذمہ داری ادا کرنا میرے لیے اعزاز کی بات ہے، تاہم مزید اس پوسٹ پر کام جاری نہیں رکھ سکتا۔ مستعفی ہونے والے ایڈیشنل ایڈووکیٹ جنرل کا کہنا تھا کہ وزیر قانون اور سیکرٹری قانون کا شکریہ ادا کرتا ہوں۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی