اگربھارت نے پاکستان پرحملہ کیا تو وہ خود ٹکڑوں میں بٹ جائے گا، گورنرپنجاب
اشاعت کی تاریخ: 5th, May 2025 GMT
اٹک(اُردو پوائنٹ اخبارتازہ ترین - این این آئی۔ 05 مئی2025ء)گورنر پنجاب سردار سلیم حیدر خان نے کہا ہے کہ اگر بھارت نے پاکستان پر حملہ کیا تو وہ خود ٹکڑوں میں بٹ جائے گا اور اس حملے کی وجہ سے بھارتی پنجاب آزاد ہو کر خالصتان بن جائے گا اور اس کے ساتھ مقبوضہ کشمیر بھی آزاد ہو جائے گا۔انہوں نے ان خیالات کا اظہارحسن ابدال میں شیر میسور ٹیپو سلطان شہید رح کی 226 ویں برسی پرمنعقد ہونے والی تقریب میں کیا۔
اس موقع پر پاکستان عوامی تحریک کے خرم نواز گنڈاپور،ضلعی صدر پاکستان پیپلز پارٹی سردار اشعرحیات خان،سردار ذوالفقار حیات خان،ملک امانت راول، ملک ریاست سدریال،وفاقی سیکرٹری پیٹرولیم تنویر قریشی،سید عاطف شاہ گیلانی، شیخ احسن الدین، شیخ وقار عظیم صدیقی اور دیگر احباب بھی موجود تھے۔(جاری ہے)
تقریب سے خطاب کرتے ہوئے گورنر پنجاب سردار سلیم حیدر خان نے کہا کہ حسن ابدال میں گزشتہ 30 برس سے شیر میسور ٹیپو سلطان شہید کی برسی عقیدت و احترام سے منائی جاتی ہے اور یہ امر انتہائی خوش آند ہے۔
انہوں نے کہا کہ تاریخ ہمیشہ ان کو یاد رکھتی ہے جوحق کے ساتھ کھڑے ہوتے ہیں اس سلسلے میں واضح مثال حضرت امام حسین رضی اللہ سے لے کر ٹیپو سلطان شہید تک تاریخ میں موجود ہے۔انہوں نے کہا کہ ٹیپو سلطان نے بہادری سے لڑتے ہوئے جان اللہ کے سپرد کی اور ان کی زندگی ہمارے لیے مشعل راہ ہے۔سردار سلیم حیدر خان نے کہا کہ ہر دور میں میر جعفر اور میر صادق جیسے لوگوں نے امت مسلمہ کو شدید نقصان پہنچایا مگر حق کے ساتھ کھڑے رہنے والوں کا نام تاریخ میں ہمیشہ زندہ رہا۔موجودہ حالات کے بارے میں بات کرتے ہوئے گورنر پنجاب میں کہا کہ بھارتی وزیراعظم نریندر مودی اس بار پاکستان کو دھمکی دے کر پچھتا رہا ہے اور اگر جنگ ہوئی تو بھارت ٹکڑوں میں تقسیم ہو جائے گا۔بھارتی پنجاب اورمقبوضہ کشمیر آزاد ہو جائیں گے اور اس کے ساتھ بھارت میں جن ریاستوں میں جو علیحدگی پسند تحریکیں چل رہی ہیں وہ بھی اپنی آزادی کا اعلان کر دیں گے۔سردار سلیم حیدر خان نے کہا کہ ہماری فوج کے سپہ سالار جنرل عاصم منیر ہمارا فخرہیں جنہوں نیبھارت کی دھمکیوں کا جواب آنکھوں میں آنکھیں ڈال کر دیا ہے اور اس بار بھارت کو بھی احساس ہو گیا ہے کہ اگر اس نے حملہ کیا تو اس کہ سنگین نتائج برآمد ہوں گے۔سردار سلیم حیدر خان نے کہا کہ موجودہ حالات میں قوم کا ہر فرد پاک فوج کے ساتھ ہے اور اگر جنگ ہوئی تو ہم عزت کی موت پسند کریں گے۔انہوں نے کہا کہ بہت جلد ہم بھارتی پنجاب اور مقبوضہ کشمیر کو بھارتی تسلط سے آزاد کرائیں گے اور بھارتی پنجاب کو آزاد کروا کر خالصتان بنائیں گے۔تقریب سے دیگر مقررین نے بھی خطاب کیا -.ذریعہ: UrduPoint
کلیدی لفظ: تلاش کیجئے سردار سلیم حیدر خان نے کہا کہ بھارتی پنجاب ٹیپو سلطان انہوں نے کے ساتھ جائے گا اور اس ہے اور
پڑھیں:
صائمہ سلیم کی ہمت اور لگن دنیا بھر کے خصوصی افرادِ کے لیے ایک روشن مثال ہے، فیلڈ مارشل
فیلڈ مارشل سید عاصم منیر نے اقوامِ متحدہ میں پاکستان کے مستقل مشن کی رکن صائمہ سلیم سے خصوصی ملاقات کی ہے۔
پاک فوج کے شعبہ تعلقات عامہ (آئی ایس پی آر) کے مطابق فیلڈ مارشل عاصم منیر نے اقوام متحدہ میں پاکستان کے مستقل مشن کی رکن صائمہ سلیم سے ملاقات کی۔
یہ ملاقات خوشگوار اور متاثر کن ماحول میں ہوئی، جس میں فیلڈ نے صائمہ سلیم کی بینائی سے محرومی کے باوجود ان کی شاندار پیشہ ورانہ خدمات، غیر متزلزل عزم، اور پاکستان کے عالمی وقار کے فروغ میں کردار کو زبردست خراج تحسین پیش کیا۔
فیلڈ مارشل نے کہا کہ صائمہ سلیم کی ہمت اور لگن نہ صرف پاکستان بلکہ دنیا بھر کے خصوصی افرادِ کے لیے ایک روشن مثال ہے۔
انہوں نے اس عزم کا اعادہ کیا کہ پاک فوج خصوصی افراد کی فلاح، تربیت اور قومی ترقی میں کردار ادا کرنے کے لیے ہر ممکن تعاون فراہم کرتی رہے گی۔
صائمہ سلیم نے سید عاصم منیر کو اقوامِ متحدہ میں پاکستان کے مؤقف کی ترجمانی اور درپیش چیلنجز سے متعلق بریفنگ دی۔ انہوں نے بھارت کی ریاستی سرپرستی میں ہونے والی دہشت گردی اور اس کے نتیجے میں خطے میں عدم استحکام جیسے اہم امور پر بھی روشنی ڈالی۔
فیلڈ مارشل نے اقوامِ متحدہ جیسے عالمی فورمز پر پاکستان کے مؤقف کی موثر ترجمانی کرنے پر صائمہ سلیم کی کاوشوں کو سراہا اور کہا کہ ان کی خدمات پاکستان کے لیے باعثِ فخر ہیں۔
ملاقات کے دوران صائمہ سلیم نے فیلڈ مارشل کو اپنی ادبی تخلیقات بھی پیش کیں، جنہیں حافظ سید عاصم منیر نے دلچسپی اور تحسین کے ساتھ سنا۔
یہ ملاقات اس حقیقت کا مظہر ہے کہ جسمانی معذوری کسی بھی شخص کی قابلیت اور خدمت کے جذبے کی راہ میں رکاوٹ نہیں بنتی۔ محترمہ سائمہ سلیم جیسے باہمت افراد پاکستان کا قیمتی اثاثہ ہیں۔
پاکستان کی ایران پر اسرائیلی حملے کی شدید مذمت