پیپلز پارٹی نے آزادکشمیر کے وزیراعظم کے امیدوار کا نام حتمی کرلیا
اشاعت کی تاریخ: 29th, October 2025 GMT
پیپلز پارٹی نے آزاد جموں وکشمیر میں وزیراعظم کے لیے اپنے امیدوار کا حتمی انتخاب کرلیا ہے۔ پارٹی نے وزارت عظمیٰ کے امیدوار کے طور پر چوہدری یاسین کے نام کی منظوری دی ہے۔
ذرائع کے مطابق چوہدری یاسین کے نام کا اعلان بلاول بھٹو زرداری نے زرداری ہاؤس میں کیا، جس موقع پر پیپلز پارٹی کی آزادکشمیر قیادت بھی موجود تھی۔
اطلاعات کے مطابق پارٹی کے اندر وزارت عظمیٰ کے لیے چار ناموں پر غور کیا گیا: چوہدری یاسین، لطیف اکبر، فیصل ممتاز راٹھور اور سردار یعقوب۔ آخرکار چوہدری یاسین کو حتمی امیدوار کے طور پر منتخب کیا گیا۔
ذرائع کے مطابق، آزادکشمیر اسمبلی سیکرٹریٹ میں وزیراعظم انوار الحق کے خلاف تحریک عدم اعتماد کل جمع کرائی جائے گی، جس سے حکومت میں ممکنہ تبدیلی کے امکانات بڑھ گئے ہیں۔
ذریعہ: Daily Mumtaz
کلیدی لفظ: چوہدری یاسین
پڑھیں:
بلاول بھٹو اگلے انتخابات کے بعد وزیراعظم بنیں گے، ہم انتظار کریں گے: گورنر پنجاب
گورنر پنجاب سردار سلیم حیدر نے کہا ہے کہ پاکستان پیپلز پارٹی چیئرمین بلاول بھٹو زرداری کے وزیراعظم بننے کے لیے پارٹی اگلے عام انتخابات کا انتظار کرے گی، کیونکہ وہی ملک کے مستقبل کے وزیراعظم ہوں گے۔
لاہور میں سیلاب سے متاثرہ خاندانوں میں گھریلو فرنیچر تقسیم کرنے کی تقریب کے موقع پر میڈیا سے گفتگو کرتے ہوئے سردار سلیم حیدر نے بتایا کہ پنجاب بھر میں پارٹی ٹکٹ ہولڈرز سے ملاقاتیں ہو چکی ہیں اور مختلف اضلاع سے لوگ پیپلز پارٹی میں شمولیت اختیار کر رہے ہیں۔
انہوں نے کہا کہ بلاول بھٹو جلد فیصل آباد اور سیالکوٹ میں بڑے عوامی جلسوں سے خطاب کریں گے، جبکہ فیصل آباد سے پارٹی میں نمایاں شمولیت متوقع ہے اور دیگر اضلاع سے بھی کارکن اور رہنما پیپلز پارٹی کا حصہ بنیں گے۔
گورنر پنجاب کا کہنا تھا کہ پیپلز پارٹی نے ہمیشہ سیاسی نظام کو عدم استحکام سے بچانے کی کوشش کی ہے اور کبھی معاملات کو خراب نہیں کیا۔ ان کے مطابق بلاول بھٹو کی قیادت میں پارٹی جمہوری عمل پر یقین رکھتی ہے اور وزیراعظم بننے کے لیے آئینی اور جمہوری راستہ اختیار کرے گی۔
انہوں نے مزید کہا کہ بلاول بھٹو کے حالیہ تین روزہ لاہور دورے سے پنجاب میں مثبت سیاسی پیغام گیا ہے اور جو لوگ پیپلز پارٹی میں شامل ہونا چاہتے ہیں، ان کے لیے پارٹی کے دروازے کھلے ہیں۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر