وفاقی وزیر برائے قومی غذائی تحفظ و تحقیق رانا تنویر حسین کی زیر صدارت پی اے آرسی کے بورڈ آف گورنرز کا اجلاس
اشاعت کی تاریخ: 29th, October 2025 GMT
وفاقی وزیر برائے قومی غذائی تحفظ و تحقیق رانا تنویر حسین کی زیر صدارت پی اے آرسی کے بورڈ آف گورنرز کا اجلاس WhatsAppFacebookTwitter 0 29 October, 2025 سب نیوز
اسلام آباد(آئی پی ایس ) وفاقی وزیر برائے قومی غذائی تحفظ و تحقیق اور پی اے آرسی بورڈ آف گورنر کے سربراہ رانا تنویر حسین نے پاکستان زرعی تحقیقاتی کونسل کے کے بورڈ آف گورنرز کے 49ویں اجلاس کی صدارت کی۔ وفاقی سیکرٹری برائے قومی غذائی تحفظ و تحقیق عامر محی الدین، چیئرمین پی اے آر سی ڈاکٹر سید مرتضی حسن اندرابی اور بورڈ کے دیگر ممبران نے بھی اجلاس میں شرکت کی۔ اس موقع پر وفاقی وزیر رانا تنویر حسین نے پی اے آرسی بورڈ کے تمام ممبران کو خوش آمدید کہا اور ملک بھر میں زرعی تحقیق کو آگے بڑھانے میں پی اے آرسی کی خدمات کو سراہا۔ وفاقی وزیر نے پی اے آرسی ٹیم پر زور دیا کہ وہ بہترین کارکردگی کے لیے اپنی کاوشوں کو جاری رکھے اور کسانوں، محققین اور وسیع تر سائنسی برادری کے ساتھ اپنے روابط کو مزید مضبوط بنائے۔
چیئرمین پی اے آرسی، ڈاکٹر سید مرتضی حسن اندرابی نے بورڈ میٹنگ میں زراعت کے شعبے میں جاری جدید تحقیقی سرگرمیوں اور انتظامی اور مالیاتی چیلنجوں سے نمٹنے میں حاصل کی گئی کامیابیوں کا تفصیلی جائزہ پیش کیا۔ انہوں نے بورڈ کو نئے شروع کیے گئے پروگرامز اور ان کے نتائج کے بارے میں تفصیلات بھی فراہم کیں جن کا مقصد تحقیق کو جدید سائنسی تکنیکوں کے ساتھ ہم آہنگ کرنا ہے، ان پروگراموں میں مویشیوں کی نسلوں کی جینومکس پر مبنی بہتری، سمارٹ زرعی طریقوں، زرعی مشینری کے ڈیزائن میں جدید ٹیکنالوجیز کا استعمال اور سرٹیفیکیشن اور زراعت کے شعبہ سے منسلک افراد کی تربیت شامل ہیں۔ بورڈ نے رواں مالی سال کے لیے پی اے آرسی کے بجٹ کی بھی منظوری دی۔ اجلاس کے اختتام پر وفاقی وزیر رانا تنویر حسین نے پاکستان میں زرعی تحقیق اور ترقی کو بہتر بنانے اور اجلاس میں فعال شرکت پر بورڈ ارکان کی کاوشوں کو سراہا
ڈ
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرٹی ایل پی کے 600 بندے ہلاک ہونے کا دعوی کرنے والے ذرا لاشیں تو دکھادیں، وزیراعلی پنجاب ٹی ایل پی کے 600 بندے ہلاک ہونے کا دعوی کرنے والے ذرا لاشیں تو دکھادیں، وزیراعلی پنجاب بھارت میں سیکیورٹی خدشات، پاکستان ہاکی ٹیم جونیئر ورلڈکپ 2025 سے دستبردار ون ڈے رینکنگ: بابر اعظم کی چوتھی پوزیشن برقرار، رضوان کی ترقی الیکشن کمیشن کے پاس ریفرنس کے بغیر کسی سینیٹر کو نا اہل کرنے کا اختیار نہیں: بیرسٹر گوہر آئی ایم ایف کی شرائط پوری کرنے میں اہم پیشرفت، شوگرملز کی وڈیو اینالیٹکس کے ذریعے مانیٹرنگ لازم قرار گورنر کے پی کا وزیراعلی سہیل آفریدی کو چھوٹی کابینہ تشکیل دینے کا مشورہCopyright © 2025, All Rights Reserved
رابطہ کریں ہماری ٹیم.
ذریعہ
ذریعہ: Daily Sub News
کلیدی لفظ: رانا تنویر حسین وفاقی وزیر پی اے آرسی
پڑھیں:
سابق وفاقی وزیر سردار یار محمد رند کی سفری پابندی کیخلاف درخواست پر فیصلہ محفوظ
اسلام آباد:اسلام آباد ہائی کورٹ نے سابق وفاقی وزیر سردار یار محمد رند کی سفری پابندی کے خلاف درخواست پر فیصلہ محفوظ کر لیا۔
جسٹس انعام امین منہاس نے درخواست پر سماعت کی، درخواست گزار کی جانب سے بیرسٹر ظفر اللہ جبکہ اسسٹنٹ اٹارنی جنرل، ایف آئی اے اور امیگریشن حکام بھی عدالت پیش ہوئے۔ عدالتی ہدایت پر بیرسٹر ظفر اللہ نے کوئٹہ پولیس کا خط پڑھا۔
جسٹس انعام امین منہاس نے استفسار کیا کہ متعلقہ پولیس کہہ رہی ہے بندہ نہیں چاہیے، ایف آئی اے کو بھی مطلوب نہیں، جن کو چاہیے تھا ان کو بھی اب نہیں چاہیے، پھر ابھی تک نام کیوں نہیں نکالا؟
ایف آئی اے حکام نے جواب دیا کہ ای سی ایل میں نام نہیں ہے، صرف پی این آئی لسٹ میں نام ہے جو 28 مارچ کو ڈالا گیا۔
عدالت نے استفسار کیا کہ اس لسٹ میں نام کتنے دن کے لیے ہوتا ہے اور کب مکمل ہوئی؟ ایف آئی اے حکام نے بتایا کہ ایک ماہ کے لیے ہوتا ہے اور پھر ایک ماہ کی توسیع لینا ہوتی ہے۔ عدالت نے استفسار کیا کہ زیادہ سے زیادہ 60 روز رکھ سکتے ہیں تو اب جولائی ہے، کتنے ماہ ہوگئے ہیں؟ ایف آئی اے حکام نے بتایا کہ 5 ماہ ہوگئے، ابھی تک ہمیں آفیشلی کوئی اطلاع موصول نہیں ہوئی۔
عدالت نے ایف آئی اے افسر سے مکالمہ کرتے ہوئے کہا کہ اتنے وقت کیسے آپ رکھ سکتے ہیں، کس قانون کے تحت ابھی تک رکھا ہوا ہے۔ جسٹس راجہ انعام امین نے ریمارکس دیے کہ ایسے کتنے ہی کیسز ہمارے پاس آرہے ہیں، کتنی بار لکھ بھی چکے ہیں، سپریم کورٹ کا فیصلہ بھی ہے۔
عدالت نے سردار یار محمد رند کی سفری پابندی لسٹ سے نام نکالنے کی درخواست پر فیصلہ محفوظ کرلیا۔
بھارت سے جنگ اور افغانستان میں کارروائی خارج ازامکان نہیں، وزیردفاع