بھارت: عمران خان، بلاول اور عابدہ پروین کے اکاؤنٹس پر پابندی
اشاعت کی تاریخ: 5th, May 2025 GMT
اسلام آباد (اُردو پوائنٹ ۔ DW اردو۔ 05 مئی 2025ء) بھارتی حکومت نے اتوار کے روز پاکستان کے سابق وزیر اعظم اور پی ٹی آئی کے بانی عمران خان اور پاکستان پیپلز پارٹی کے چیئرمین بلاول بھٹو زرداری سمیت کئی اہم شخصیات کے سوشل میڈیا اکاؤنٹس کو بلاک کر دیا۔
دونوں کے آفیشل ایکس ہینڈل کو ان کے "بھارت مخالف اور موجودہ کشیدہ صورتحال سے متعلق بدنیتی پر مبنی مواد" کے الزام میں بند کیا گیا ہے۔
بھارت پہلے ہی حکومت پاکستان کا سرکاری ایکس ہینڈل اور ملک کے وزیر دفاع خواجہ آصف کا ایکس اکاؤنٹ بھی بلاک کر چکا ہے۔ پاکستان کے وزیر اطلاعات و نشریات عطاء اللہ تارڑ کا ایکس اکاؤنٹ بھی بھارت میں دستیاب نہیں ہے۔
پاکستان بھارت کشیدگی: سلامتی کونسل میں علاقائی صورتحال پر بریفنگ
پاکستان کی اہم شخصیات کے اکاؤنٹس پر پابندیاںبھارت نے کرکٹر وسیم اکرم اور شعیب اختر سمیت پاکستان کی بہت سی اہم شخصیات کے سوشل میڈیا اکاؤٹنس پر پہلے ہی پابندی عائد کر دی تھی اور اب معروف گلوکارہ عابدہ پروین کا انسٹاگرام اکاؤنٹ اور ایکس پر ان کے تین آن لائن نیوز پورٹلز کو بھی بلاک کر دیا گیا ہے۔
(جاری ہے)
عابدہ پروین ان متعدد پاکستانی مشہور شخصیات میں شامل ہیں، جن کے اکاؤنٹس اب بھارت میں دستیاب نہیں ہیں۔ اس میں ہانیہ عامر، علی ظفر، سجل علی اور ماہرہ خان جیسی شخصیات شامل ہیں۔
پاک بھارت کشیدگی: سوشل میڈیا پر میمز کا ’طوفان‘ برپا
پاکستان کے اولمپک گولڈ میڈلسٹ ارشد ندیم کا انسٹاگرام اکاؤنٹ بھی اب بھارتی صارفین کے لیے قابل رسائی نہیں ہے۔
بیشتر پاکستانی میڈیا اداروں تک رسائی محدودبھارت نے پاکستان کے سب سے معتبر میڈیا اداروں کے خلاف بھی اقدام کیے ہیں، جس میں ڈان نیوز، ارشاد بھٹی، سماء ٹی وی، اے آر وائی نیوز، بول نیوز، رفتار، دی پاکستان ریفرنس، جیو نیوز، سماء اسپورٹس، جی این این، عزیر کرکٹ، عمر چیمہ ایکسکلوسیو، عاصمہ شیرازی، منیب فاروق، سنو نیوز ایچ ڈی، اور راضی نامہ جیسے معروف نام شامل ہیں۔
پاکستانی زیر انتظام کشمیر میں شہریوں کو خوراک ذخیرہ کرنے کی ہدایت
بھارت کا دعوی ہے کہ یہ چینلز اس کی قومی سلامتی، خارجہ تعلقات اور امن عامہ سے متعلق غلط معلومات پھیلاتے ہوئے پائے گئے۔
ان یوٹیوب چینلز کے مجموعی ناظرین کی تعداد کئی کروڑ بتائی جاتی ہے۔ ایک سرکاری بیان کے مطابق یہ میڈیا نیٹ ورکس غلط اور غیر تصدیق شدہ معلومات پھیلا رہے تھے جس کا مقصد خوف و ہراس پھیلانا، فرقہ وارانہ انتشار کو ہوا دینا، اور بھارت کے اندر امن عامہ کو خراب کرنا ہے۔
پاکستانی اداکار فواد خان اپنی نئی فلم 'عبیر گلال‘ کے ساتھ بالی ووڈ میں واپسی کر رہے تھے، جس میں اداکارہ وانی کپور ان کے ساتھ ہیں۔ تاہم پہلگام میں ایک المناک حملے کے بعد سے اس فلم کے بائیکاٹ کے مطالبات شروع ہوئے، جس کی وجہ سے یہ فلم بھی مشکل میں پڑ گئی ہے۔
.ذریعہ: UrduPoint
کلیدی لفظ: تلاش کیجئے پاکستان کے
پڑھیں:
فیلڈ مارشل اور ٹرمپ کی ملاقات سے پاک امریکا تعلقات مزید مضبوط ہوں گے، بلاول بھٹو
چیئرمین پاکستان پیپلزپارٹی کا ایکس پر اپنے بیان میں کہنا تھا کہ آج فیلڈ مارشل اور امریکی صدر کے درمیان ملاقات ہوگی، یہ ملاقات پاک امریکا تعلقات میں بہتری کی جانب مثبت قدم ہے۔ انہوں نے کہا کہ یہ ملاقات ایسے وقت میں ہورہی ہے جب ٹرمپ نے جنگ بندی میں ثالثی کا کردار ادا کیا ہے۔ اسلام ٹائمز۔ چیئرمین پاکستان پیپلزپارٹی بلاول بھٹو زرداری نے کہا ہے کہ فیلڈ مارشل سید عاصم منیر اور امریکی صدر ڈونلڈ ٹرمپ کے درمیان ملاقات سے پاک امریکا تعلقات مزید مضبوط ہوں گے۔ بلاول بھٹو زرداری کا ایکس پر اپنے بیان میں کہنا تھا کہ آج فیلڈ مارشل سید عاصم منیر اور امریکی صدر ڈونلڈ ٹرمپ کے درمیان ملاقات ہوگی، یہ ملاقات پاک امریکا تعلقات میں بہتری کی جانب مثبت قدم ہے۔ انہوں نے کہا کہ یہ ملاقات ایسے وقت میں ہورہی ہے جب ٹرمپ نے جنگ بندی میں ثالثی کا کردار ادا کیا ہے، 5 روزہ جنگ میں پاکستان نے بھارت کیخلاف فیصلہ کن کامیابی حاصل کی۔ سابق وزیرخارجہ نے کہا کہ بھارت نے بدقسمتی سے امن کی کوششوں، اور امریکی سفارتکاری کو مسترد کیا، پاکستان نہ تو تصادم کا خواہاں ہے اور نہ ہی مذاکرات کا طلب گار، ہم تسلیم کرتے ہیں امن دونوں ممالک کے مفاد میں ہے۔
بلاول بھٹو زرداری کا کہنا تھا کہ ہمارے تنازعات کا کوئی عسکری حل نہیں، بھارت کی آبی وسائل کو ہتھیار بنانے کی پالیسی اور کشمیر میں جبر ناقابل قبول ہے۔ انہوں نے مزید کہا کہ بھارت کا دہشت گردی کو سیاسی رنگ دینا بھی ناقابل برداشت طرز عمل ہے، آگے کا راستہ دیانت دارانہ سفارتکاری سے ممکن ہے، انکار اور تاخیر سے نہیں۔
چینی صدر کا بھارت کے مسافر طیارے کے حادثے پر متعلقہ ممالک کے رہنماؤں سے اظہار تعزیت