مقبوضہ کشمیر میں بھارتی فوج کا ٹرک 600 فٹ گہری کھائی میں گر گیا، 3 اہلکار ہلاک
اشاعت کی تاریخ: 5th, May 2025 GMT
مقبوضہ جموں و کشمیر کے ضلع رامبن میں ایک افسوسناک حادثے میں بھارتی فوج کا ٹرک سڑک سے پھسل کر 600 فٹ گہری کھائی میں جاگرا، جس کے نتیجے میں تین بھارتی فوجی اہلکار موقع پر ہی ہلاک ہو گئے۔
کشمیر میڈیا سروس کے مطابق یہ حادثہ اس وقت پیش آیا جب فوجی ٹرک جموں سے سری نگر کی جانب جا رہا تھا اور بیٹری چشمہ کے مقام پر قابو کھو بیٹھا۔
ریسکیو ٹیموں کو فوری طور پر موقع پر روانہ کیا گیا، تاہم کھائی کے نچلے حصے تک پہنچنے میں تاخیر کے باعث تینوں اہلکار جاں بحق ہو چکے تھے۔
ہلاک ہونے والے فوجیوں کی شناخت امیت کمار، سوجیت کمار، اور مان بہادر کے طور پر ہوئی ہے۔ حادثے کی وجوہات جاننے کے لیے تحقیقات جاری ہیں۔
.
ذریعہ: Express News
پڑھیں:
پاکستان نے بھارتی پروپیگنڈے کو بے نقاب کرنے کے لیے میڈیا کو آزاد جموں و کشمیر کا دورہ کرایا
ذرائع کے مطابق اس دورے کا اہتمام بھارتی میڈیا کے اس پروپیگنڈے کو بے نقاب کرنے کے لئے کیا گیا جس میں بتایا گیا تھا کہ بھارتی فورسز نے کچھ مقامات پر عسکریت پسندوں کو نشانہ بنایا تھا۔ اسلام ٹائمز۔ پاکستان نے قومی اور بین الاقوامی صحافیوں کے لئے آزاد جموں و کشمیر کے مختلف علاقوں کے دورے کا اہتمام کیا جس کا مقصد بھارتی میڈیا کے حالیہ دعوئوں کو بے نقاب کرنا تھا۔ ذرائع کے مطابق اس دورے کا اہتمام بھارتی میڈیا کے اس پروپیگنڈے کو بے نقاب کرنے کے لئے کیا گیا جس میں بتایا گیا تھا کہ بھارتی فورسز نے کچھ مقامات پر عسکریت پسندوں کو نشانہ بنایا تھا جن میں کچھ مبینہ طور پر فرار ہو گئے۔ انڈیا ٹوڈے نے ایک جھوٹا دعویٰ کیا تھا کہ مبینہ عسکریت پسندوں کو کیل، دودھنیال، اٹھمقام، جورا، لیپا، فارورڈ کہوٹہ، کوٹلی، چمن کوٹ اور جان کوٹ سے منتقل کیا گیا ہے۔ پاکستان نے میڈیا کو ان مقامات کا دورہ کرا کے بھارتی پروپیگنڈے کو بے نقاب کیا۔ انڈیا ٹوڈے کے جھوٹے دعوے سے پتہ چلتا ہے کہ بھارتی فورسز ان علاقوں کے ناموں کا استعمال کر کے من گھڑت بیانیہ پیش کرنے کی کوشش کر سکتی ہیں۔ تاہم پاکستان نے اس بے بنیاد پروپیگنڈے کو بروقت بے نقاب کیا ہے۔
وزیراعلیٰ اور گورنر پختونخوا کو افغانستان سے ڈیل کی اجازت نہیں دیں گے: وزیر دفاع