بانی سے جیل میں کون کون ملے گا؟ فہرست حکام کے حوالے
اشاعت کی تاریخ: 5th, May 2025 GMT
اڈیالہ جیل راولپنڈی میں بانی پی ٹی آئی سے وکلاء اور فیملی کی ملاقات کے لیے فہرست بھیج دی گئی۔
پی ٹی آئی نے بانی سے ملاقات کےلیے 6 وکلاء رہنماؤں کی فہرست اڈیالہ جیل حکام کو بھیجی ہے۔
بانی پی ٹی آئی سے ملاقات کے لیے بھیجی گئی فہرست میں بیرسٹر سلمان اکرم راجا، بیرسٹر سلمان صفدر، بیرسٹر گوہر علی خان، بیرسٹر علی ظفر، نیاز اللّٰہ نیازی اور نعیم پنجوتھا شامل ہیں۔
وکلاء رہنما کل بانی پی ٹی آئی سے ملاقات کے لیے اڈیالہ جیل پہنچیں گے، منگل کا دن فیملی اور وکلاء سے ملاقات کےلیے مقرر ہے۔
بانی پی ٹی آئی سے کل ملاقات کےلیے اُن کی بہنیں بھی اڈیالہ جیل پہنچیں گی۔
.ذریعہ: Jang News
کلیدی لفظ: بانی پی ٹی ا ئی سے سے ملاقات کے اڈیالہ جیل
پڑھیں:
’میرے ڈولے چیک کرو‘، بانی پی ٹی آئی عمران خان جیل میں وکلا سے کیا گفتگو کرتے ہیں؟
پاکستان تحریک انصاف (پی ٹی آئی) کے چیئرمین اور سابق وزیراعظم عمران خان کو توشہ خانہ کیس میں سزا کے بعد جیل میں قید کیا گیا ہے، جہاں اکثر پی ٹی آئی کے رہنما ان سے ملاقات کے لیے آتے رہتے ہیں اور ان کا پیغام بھی عوام تک پہنچاتے ہیں۔
عمران خان کے ایک وکیل نے جیل میں عمران خان کے ساتھ ہونے والی گفتگو کے حوالے سے بات کرتے ہوئے بتایا کہ عمران خان نے ان سے ورزش کے لیے ڈمبل منگوائے تھے اور بعد میں ایک ملاقات کے دوران کہا کہ ’میرے ڈولے چیک کرو‘۔
یہ بھی پڑھیں: عمران خان جیل سے کب باہر آئیں گے؟ رانا ثنااللہ کا بڑا اعلان
اس بات کا انکشاف صحافی اجمل جامی نے کیا ہے، انہوں نے بتایا کہ ان کی پاکستان تحریک انصاف کے ایک وکیل سے ملاقات ہوئی جنہیں جیل میں متعدد بار عمران خان سے ملاقات کی اجازت دی گئی تھی۔ اجمل جامی کے مطابق، انہوں نے اس وکیل سے پوچھا کہ عمران خان جیل میں کس مزاج کے ساتھ وقت گزار رہے ہیں۔ وکیل نے بتایا کہ عمران خان نے سب سے پہلے جیل میں ڈمبل منگوانے کی خواہش ظاہر کی۔ پہلے مرحلے میں انہیں پانچ کلو کے ڈمبل فراہم کیے گئے، جن سے انہوں نے چند دن تک ورزش کی۔
بعد ازاں، جب دوبارہ وکیل سے ملاقات ہوئی تو عمران خان نے کہا کہ 5 کلو کے ڈمبل کافی نہیں، اب 10 کلو کے ڈمبل چاہییں۔ ان کی درخواست پر انہیں 10 کلو والے ڈمبل مہیا کر دیے گئے۔ اگلی بار جب عمران خان کی اپنے وکیل سے ملاقات ہوئی تو وہ ٹی شرٹ اور ٹراؤزر میں ملبوس تھے، جیسے وہ ابھی ورزش سے فارغ ہوئے ہوں۔ ملاقات کے دوران انہوں نے وکیل کو مخاطب کرتے ہوئے کہا، ’دیکھیں، دس کلو کے ڈمبل سے ورزش کا کیا اثر ہوا ہے، ڈولے دیکھے آپ نے‘؟
عمران خان کی سخت ورزش اور جگت بازی کی کہانی!
اجمل جامی، حبیب اکرم اور اکبر باجوہ کی دلچسپ گفتگو@ajmaljami @HabibAkram @akbarbajwa pic.twitter.com/gFzvMMm7fb
— Kismat Khan (@KismatZimri) August 3, 2025
واضح رہے کہ پاکستان کے سابق وزیراعظم عمران خان کو 5 اگست 2023 کو توشہ خانہ کیس میں 3 سال قید کی سزا سنائی گئی تھی جس کے بعد انہیں کئی دیگر مقدمات میں بھی 10, 10 سال کی سزائیں سنائی گئیں۔
سپرنٹنڈنٹ اڈیالہ جیل کے مطابق پاکستان تحریک انصاف (پی ٹی آئی) کے بانی اور سابق وزیراعظم عمران خان کو جیل میں قانون و قاعدے کے مطابق بی کلاس کی تمام سہولیات میسر ہیں، جس میں ان کی خوراک، صحت، مطالعہ کتب و اخبارات سمیت ورزش اور واک شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ٹی آئی عمران خان عمران خان جیل عمران خان سزا عمران خان ورزش
پیپلزپارٹی کا این اے 129 کی خالی ہونے والی نشست پر ضمنی الیکشن لڑنے کا اعلان