پہلگام پولیس اسٹیشن کے ایس ایچ او انسپکٹر ریاض احمد کا تبادلہ کردیا گیا
اشاعت کی تاریخ: 5th, May 2025 GMT
پہلگام پولیس اسٹیشن کے اسٹیشن ہاؤس آفیسر ( ایس ایچ او) انسپکٹر ریاض احمد کا تبادلہ کردیا گیا۔
بھارتی میڈیا رپورٹس کے مطابق جموں و کشمیر کے ضلع اننت ناگ میں پولیس ڈیپارٹمنٹ نے ایک بڑی انتظامی تبدیلی کرتے ہوئے 6 پولیس افسران کے تبادلے کے احکامات جاری کردیے ہیں۔
سرکاری حکم نامے کے مطابق پہلگام پولیس اسٹیشن کے اسٹیشن ہاؤس آفیسر ( ایس ایچ او ) انسپکٹر ریاض احمد کو فوری طور پر تبدیل کر دیا گیا ہے۔
انسپکٹر ریاض احمد کو پہلگام پولیس اسٹیشن سے ہٹا کر ایڈیشنل سپرنٹنڈنٹ آف پولیس (اے ایس پی) کیمپ ایشمقام تعینات کیا گیا ہے۔
ان کی جگہ انسپکٹر پیر گلزار احمد کو پہلگام پولیس اسٹیشن کا نیا ایس ایچ او تعینات کیا گیا ہے جو اس سے قبل اننت ناگ کے ڈسٹرکٹ پولیس لائنز (ڈی پی ایل) میں تعینات تھے۔
اس کے علاوہ دیگر پانچ پولیس افسران کے تبادلے بھی کیے گئے ہیں جن کے نام اور نئی تعیناتیوں کی تفصیلات سرکاری طور پر جاری کردہ حکم نامے میں شامل ہیں۔ تاہم، انسپکٹر ریاض احمد کی تبدیلی حالیہ سیکیورٹی خدشات کے تناظر میں اہم سمجھی جا رہی ہے۔
یہ تبادلہ 22 اپریل 2025 کو پہلگام فالس فلیگ کے بعد عمل میں آیا ہے جس میں 28 افراد ہلاک اور 20 سے زائد زخمی ہوئے تھے اور اس حملے نے علاقے میں سیکیورٹی انتظامات پر سوالات اٹھائے تھے۔
یاد رہے کہ پہلگام فالس فلیگ واقعہ کی ایف آئی آر نے ہی مودی حکومت کا جھوٹ بے نقاب کیا تھا جو کہ واقعہ کے محض 10 منٹ بعد پہلگام پولیس اسٹیشن میں درج ہوئی تھی۔
ذریعہ
ذریعہ: Daily Mumtaz
کلیدی لفظ: پہلگام پولیس اسٹیشن انسپکٹر ریاض احمد ایس ایچ او
پڑھیں:
پیٹرولیم مصنوعات کی قیمتوں میں اضافہ ، شہری پھٹ پڑے
سٹی 42: حکومت نے پیٹرولیم مصنوعات کی قیمتوں میں مزید اضافہ کر دیا،
پیٹرول کی قیمت میں 4 روپے 40 پیسے کا اضافہ شہریوں نے قیمتوں میں اضافہ مسترد کردیا۔ حکومت سے پیٹرولیم مصنوعات کی قیمتوں میں کمی کا مطالبہ کردیا۔
شہری کا کہنا تھا کہ کس قانون کے تحت حکومت روزانہ پیٹرول کی قیمت بڑھا رہی ہے۔کمی پیسوں میں کی جاتی ہے جبکہ اضافہ بھاری کیا جاتا ہے۔پیٹرول کی اضافی قیمت کی وجہ روز مرہ زندگی بری طرح متاثر ہوکررہ گئی ہے، ہیجانی سی کیفیت ہوتی ہے کہ آج حکومت پیٹرول کتنا مہنگا کرے گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں کا کہنا ہے کہ پیٹرولیم مصنوعات کی قیمتوں کی روزانہ کی بنیاد پر اضافے نے نفسیاتی اور ذہنی اذیت میں مبتلا کردیا ہے ۔ غریب شہریوں کو تنخواہ ماہانہ ملتی ہے جبکہ پیٹرولیم مصنوعات کی روزانہ کی بنیاد پر تبدیلی سارے بجٹ کو ہلا دیتی ہے ۔ اشیائے خوردونوش کی قیمتوں اور دیگر اخراجات میں بھی اضافہ ہوجاتاہے ۔ حکومت کو اپنے فیصلے پر غور کرنا چاہیے ۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
بھارت سے جنگ اور افغانستان میں کارروائی خارج ازامکان نہیں، وزیردفاع