میٹ گالا فیشن شو میں ڈونلڈ ٹرمپ کی شرکت پر پابندی کیوں ہے؟
اشاعت کی تاریخ: 6th, May 2025 GMT
واشنگٹن(نیوز ڈیسک)دنیا کا سب سے بڑا اور مقبول فیشن ایونٹ ’میٹ گالا‘ جس میں دنیا بھر سے تعلق رکھنے والے معروف فلمی ستارے اور ماڈلز شریک ہوتے ہیں، گزشتہ روز امریکہ میں انعقاد ہوا۔
میٹ گالا، فیشن کی دنیا کا سب سے بڑا اور شاندار ایونٹ، اپنی چمک دمک اور ستاروں کی بھرپور موجودگی کے لیے مشہور ہے۔ اس ایونٹ میں آسکر جیتنے والے اداکار، موسیقار اور مختلف شعبوں سے تعلق رکھنے والی مشہور شخصیات شرکت کرتی ہیں، جس کی نگرانی ووگ میگزین کی ایڈیٹر انچیف اینا ونٹور (Anna Wintour) کرتی ہیں۔ ’ وہ اس سالانہ ایونٹ کے لیے باقاعدہ مہمانوں کی فہرست بھی تیار کرتی ہیں۔ لیکن ایک اہم نام میٹ گالا میں کئی سالوں سے غائب ہے اور وہ ہے امریکی صدر ڈونلڈ ٹرمپ کا جس سے متعلق اہم معلومات سامنے آئی ہے۔
دی انڈیپنڈنٹ کی رپورٹ کے مطابق، ٹرمپ 2012 تک میٹ گالا کے باقاعدہ مہمان تھے، لیکن جب وہ پہلی بار امریکہ کے صدر بنے تو اینا ونٹور نے انہیں اس ایونٹ میں مدعو کرنا بند کر دیا تھا۔
رپورٹ کے مطابق اینا ونٹور نے کبھی بھی اس فیصلے کی کوئی باضابطہ وجہ نہیں بتائی، لیکن وہ ڈیموکریٹک پارٹی کی طویل عرصے سے حمایت کرنے والی رہی ہیں اور ان کا اوباما خاندان کے ساتھ قریبی تعلق ہے۔ ونٹور کئی بار ٹرمپ کی پالیسیوں پر بھی تنقید کر چکی ہیں۔
جب 2017 میں اینا ونٹور امریکہ شو دی لیٹ نائٹ میں جیمز کارڈن کے ہمراہ نظر آئیں، تو ان سے پوچھا گیا کہ کیا ایسا کوئی شخص ہے جسے وہ کبھی میٹ گالا میں واپس نہیں بلانا چاہیں گی؟ جس پر ونٹور نے جواب دیا وہ ہیں ”ٹرمپ۔“
مٹ گالا میں اور کونسی شخصیات پر پابندی ہے؟
دی انڈیپنڈنٹ کے مطابق، 2016 میں ٹی وی کی مشہور شخصیت ٹم گن نے بتایا کہ انہیں اینا ونٹور کے بارے میں ایک تبصرہ کرنے کے بعد میٹ گالا میں شرکت پر پابندی عائد کردی گئی تھی۔
اس کے علاوہ معروف گلوکار معروف نام زین ملک ہیں، جو 2016 میں اپنی سابقہ گرل فرینڈ جیجی حدید کے ساتھ میٹ گالا میں شریک ہوئے تھے۔ تاہم چند رپورٹس سامنے آئی ہیں کہ وہ ان پر بھی میٹ گالا میں آنے پر پابندی ہے۔
اداکارائیں ٹینا فے اور لِیلی رائن ہارٹ بھی میٹ گالا میں اینا ونٹور کی پالیسیوں پر تنقید اور متنازعہ بیانات کے باعث پابندی کا شکار ہو چکی ہیں۔
مزیدپڑھیں:’جو کرنا ہے کر دیں‘: ملزم ارمغان کی ڈھٹائی پر جج اور وکیل حیران
ذریعہ: Daily Ausaf
کلیدی لفظ: اینا ونٹور پر پابندی
پڑھیں:
بھارتی فیشن ڈیزائنر بھی اوچھے ہتھکنڈوں پر اترآئے،ماہرہ خان اور ہانیہ عامر کی تصاویرسوشل میڈیا سے ڈیلیٹ
بھارت اوچھے ہتھکنڈوں سے بازنہ آیا۔ حکومت کے بعد اب معروف بھارتی فیشن ڈیزائنر منیش ملہوترا نے بھی متعصبانہ رویہ اختیار کرتے ہوئے پاکستانی معروف اداکارہ ماہرہ خان اور ہانیہ عامر کی تصاویر اپنے انسٹاگرام اکاونٹ سے ڈیلیٹ کردیں۔بھارت کی جانب سے پاکستان کے خلاف حالیہ اقدامات نے دونوں ممالک کے درمیان کشیدگی میں مزید اضافہ دیکھنے میں آرہا ہے۔ پہلگام حملے کے بعد بھارت نے نہ صرف پاکستان کے خلاف جھوٹے پروپیگنڈے اور الزام تراشی کا سلسلہ جاری کر رکھا ہے بلکہ اس نے ثقافتی، ڈیجیٹل اور معاشی سطح پر بھی سخت اقدامات شروع کر دیئے ہیں۔ ان اقدامات کا مقصد پاکستان کو عالمی سطح پر الگ تھلگ کرنا اور دونوں ممالک کے درمیان تعلقات میں تناؤ کو مزید بڑھانا ہے۔ سندھ طاس معاہدے کی خلاف ورزی اور تجارت کی معطلی کے بعد بھارت نے پاکستانی انٹرٹینمنٹ اور نیوز چینلز کے یوٹیوب چینلز تک رسائی روکنے کا فیصلہ کیا۔ اس کے ساتھ ہی پاکستانی فنکاروں کے سوشل میڈیا اکاؤنٹس پر بھی پابندیاں عائد کیں، جس سے واضح طور پر معلوم ہوتا ہے کہ بھارتی ثقافتی حلقے پاکستانی فنکاروں سے گریز کر رہے ہیں۔بھارت کی جانب سے پاکستان کے خلاف بڑھتی ہوئی پابندیوں اور ڈیجیٹل سنسرشپ کے اقدامات نے دونوں ممالک کے درمیان کشیدگی میں مزید اضافہ کیا ہے۔ یہ اقدامات ایک طرف پاکستان کے ثقافتی اور سوشل میڈیا مواد کو عالمی سطح پر محدود کرنے کی کوشش ہیں، تو دوسری طرف بھارت کے اندر ان مواد کو دیکھنے کی خواہش رکھنے والوں کے لیے ایک نئے چیلنج کا سامنا ہے۔
پہلگام فالس فلیگ کہانی، بھارتی میڈیا کے سوالات؟ مودی سرکاری خاموش ؟ کیوں ؟