پہلگام حملے کو لیکر پاکستان کو منہ توڑ جواب دیا جائے، اسد الدین اویسی
اشاعت کی تاریخ: 6th, May 2025 GMT
رکن پارلیمان نے کہا کہ اس حملے نے کشمیر میں سیاحت کو بھی متاثر کیا ہے، اسلئے ہم چاہتے ہیں کہ دہشتگردی کے اس غیر انسانی فعل کو انجام دینے والوں کے خلاف سخت کارروائی کی جائے۔ اسلام ٹائمز۔ آل انڈیا مجلس اتحاد المسلمین کے صدر اور رکن پارلیمان اسد الدین اویسی نے پہلگام دہشت گردانہ حملے کو بزدلانہ اور سفاکانہ قرار دیتے ہوئے بھارتی حکومت سے حملے ملوث افراد کے خلاف سخت کارروائی کا مطالبہ کیا۔ ان باتوں کا اظہار اسد الدین اویسی نے سرینگر میں اپنے دورے کے دوران میڈیا نمائندوں کے ساتھ بات چیت کے دوران کیا۔ اسد الدین اویسی نے میڈیا نمائندوں سے بات کرتے ہوئے کہا کہ اس حملے نے کشمیر میں سیاحت کو بھی متاثر کیا ہے، اس لئے ہم چاہتے ہیں کہ دہشت گردی کے اس غیر انسانی فعل کو انجام دینے والوں کے خلاف سخت کارروائی کی جائے اور خاص کر پاکستان کو منہ توڑ جواب دیا جائے۔ انہوں نے کہا کہ ہم چاہتے ہیں کہ حکومت اس حملے کا جواب موثر انداز میں دے، آل پارٹی میٹنگ میں بھی ہم نے یہ بات دہرائی ہے۔ انہوں نے کہا اس انسانیت سوز سانحہ کی جتنی بھی مذمت کی جائے وہ کم ہے اور اس حملے میں ملوث قصورواروں کے خلاف سخت سے سخت کارروائی عمل میں لائی جانی چاہیئے۔
مجلس اتحاد المسلمین کے صدر نے پہلگام دہشت گردانہ حملہ کے ایک بزدلانہ اور سفاکانہ فعل قرار دیتے ہوئے کہا کہ ہم نے دیکھا کہ کس طرح پاکستان کے دہشت گردوں نے 26 لوگوں کو ہلاک کیا، جن میں زیادہ تر سیاح تھے۔ انہوں نے کہا کہ اس سے بھی زیادہ افسوسناک بات یہ ہے کہ کس طرح انہوں نے بچوں اور خواتین کو الگ کیا، مردوں سے ان کے مذہب کے بارے میں پوچھا اور جو کلمہ نہیں پڑھ سکتے تھے انہیں نشانہ بنایا گیا، جو کہ بے حد تکلیف دہ اور دردناک واقعہ ہے۔ اس سے قبل مجلس اتحاد المسلمین کے صدر نے سرحد پار دہشت گردی سے پاکستان کے مسلسل انکار کی سخت مذمت کی اور کہا کہ بات چیت کا وقت گزر چکا ہے اور اب ایک مضبوط ردعمل ضروری ہے۔
ذریعہ
ذریعہ: Islam Times
کلیدی لفظ: اسد الدین اویسی سخت کارروائی کے خلاف سخت انہوں نے اس حملے نے کہا کہا کہ
پڑھیں:
سیکیورٹی فورسز کی مستونگ میں کارروائی کے دوران فتنہ الہندوستان کے 6 دہشت گرد ہلاک
اسلام آباد: سیکیورٹی فورسز نے مستونگ میں کارروائی کے دوران فتنہ الہندوستان کے 6 دہشت گردوں کو ہلاک اور متعدد کو گرفتار کرلیا. گرفتار شدگان میں سہولت کار سمیت مرد اور خواتین خودکش بمبار بھی شامل ہیں۔بلوچستان میں انٹیلی جنس بیسڈ آپریشن کامیابی سے جاری ہے. سیکیورٹی فورسز نے کارروائیاں تیز کرتے ہوئے دہشت گردوں کے خلاف گھیرا مزید تنگ کردیا۔سیکیورٹی ذرائع کے مطابق سیکیورٹی فورسز نے بلوچستان میں مستونگ کےعلاقہ کھڈ کوچہ میں بروقت کارروائی کرتے ہوئے فتنہ الہندوستان کے 6 دہشت گرد وں کو جہنم واصل کر دیا۔سیکیورٹی ذرائع کے مطابق خفیہ اطلاعات کی بنیاد پر کی گئی سیکیورٹی فورسز کی اس کارروائی کے دوران متعدد دہشت گردوں کو گرفتار بھی کر لیا گیا. گرفتار دہشت گردوں میں سہولت کار سمیت مرد اور خواتین خودکش بمبار بھی شامل ہیں۔سیکیورٹی ذرائع کے مطابق سیکیورٹی فورسز کی مؤثر کاروائی میں دہشت گردوں کی متعدد کمین گاہیں مکمل طور پر تباہ کر دی گئیں. کارروائی کے دوران دہشت گردوں کے ٹھکانوں سے بھاری مقدار میں اسلحہ اور گولہ بارود بھی برآمد کر لیا گیا۔آپریشن کے دوران علاقے میں سرچ اور کلیئرنس کارروائیاں جاری ہیں، سیکیورٹی فورسز کی جانب سے مکمل نگرانی برقرار ہے. حالیہ دنوں میں مستونگ کےعلاقہ کھڈ کوچہ میں دہشتگردوں کی مذموم کاروائیوں کے بعد سیکیورٹی فورسز کی جانب سے انٹیلی جنس بیسڈ آپریشن تیز کر دیے گئے ہیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی