شفاعت علی نے مودی کی آواز میں آپریشن ’سندور‘ کا پوسٹ مارٹم کردیا؛ ویڈیو وائرل
اشاعت کی تاریخ: 7th, May 2025 GMT
مزاحیہ اداکار اور مشہور شخصیات کی آواز کی ہوبہو نقل کے لیے شہرت رکھنے والے شفاعت علی کی ایک ویڈیو نے سوشل میڈیا پر تہلکہ مچادیا۔
شفاعت علی نے انسٹاگرام پر جاری کی گئی ویڈیو میں مودی کی آواز میں آپریشن سندور کا پوسٹ مارٹم کردیا۔
اداکار شفاعت علی نے مودی کی آواز میں کہا کہ آپریشن سندور کے لیے گئے تھے۔ پاکستان نے اسے ولیمہ بنادیا۔
View this post on InstagramA post shared by Syed Shafaat Ali (@shafaatsyed)
شفاعت علی نے مودی کی آواز میں مزید کہا کہ ’سندور‘ ایک ایسا فیصلہ جو تاریخ بدلے گا اور بہار کے الیکشن جتوائے گا لیکن پاکستانی فورس نے ہمارا ولیمہ دیدیا۔
شفاعت کے اس نئے کنٹیننٹ میں رافیل اور مگ طیاروں کے بارے میں مودی متفکر نظر آئے اور پاک فوج کے سپہ سالار عاصم منیر کی تعریف بھی کی۔
سوشل میڈیا صارفین نے اس پوسٹ پر لکھا کہ ہم پہلے ہی آپ کی اداکاری کے فن کے قدردان تھے۔ آپ نے اس ویڈیو میں مودی کے سچے جذبات کی عکاسی کی ہے۔
یاد رہے کہ بھارت نے پہلگام حملے کی آڑ میں پاکستان پر بزدلانہ حملہ کیا ہے جس میں 31 افراد شہید اور 71 زخمی ہوگئے۔
جس کے جواب میں پاکستان کی بہادر شاہینوں نے بھارت کے 5 طیاروں کو مار گرایا جن میں حال ہی میں فرانس سے خریدے گئے 3 جدید ترین رافیل طیارے بھی شامل ہیں۔
.
ذریعہ: Express News
پڑھیں:
امام نے ترکیہ کی تاریخی مسجد میں آگ لگانے کی کوشش ناکام بنادی؛ ویڈیو وائرل
ترکیہ کی تاریخی مسجد ’’آیا صوفیہ‘‘ میں نماز مغرب کے بعد ایک بدبخت نے آگ لگانے کی کوشش کی جسے گرفتار کرلیا گیا۔
ترک میڈیا کے مطابق مذکورہ شخص نے نماز کے بعد مسجد میں داخل ہو کر "رحل" کے نیچے کچھ اوراق چھپائے اور اس پر تیل چھڑک کر آگ لگادی۔
اس سے پہلے کے کوئی بڑا سانحہ رونما ہوتا، امام مسجد نے فوری طور پر صورت حال کو سنبھالا اور اوراق میں لگی آگ کو بجھا دیا۔
امام مسجد نے نہ صرف آگ بجھائی بلکہ سیکیورٹی پر مامور اہلکاروں کو بھی فوری پر مطلع کیا جس کے باعث ملزم کی گرفتاری عمل میں لائی جا سکی۔
Ayasofya Camii’ne giren bir şahıs, yatsı namazı sonrası rahlenin arkasında kâğıtları ateşe vererek Ayasofya’yı kundaklamaya çalıştı.
Yangın, imam tarafından büyümeden söndürüldü.
pic.twitter.com/4mOIl1WMYf
واقعہ اس وقت پیش آیا جب ایک نامعلوم شخص نے مسجد کے اندر کاغذات کو آگ لگانے کی کوشش کی۔
اطلاعات کے مطابق، تاہم مسجد کے امام نے فوری طور پر صورتحال پر قابو پاتے ہوئے آگ بجھا دی اور آگ کو پھیلنے سے روک لیا۔
مسجد کے سیکیورٹی اہلکاروں نے ملزم سے آتش گیر مادہ بھی برآمد کیا اور اُسے پولیس کے حوالے کردیا۔ تفتیش کا عمل جاری ہے۔
تاحال ملزم کی شناخت ظاہر نہیں کی گئی ہے اور نہ ہی واقعے کے محرک کے بارے میں کچھ بتایا گیا ہے۔
پولیس کا کہنا ہے کہ تفتیش ابتدائی مراحل ہیں۔ مکمل تحقیقات کے بعد ملزم اور واقعے سے متعلق میڈیا کو آگاہ کیاجائے گا۔
اس واقعے کے بعد مسجد کی سیکیورٹی انتظامات کو مزید سخت کردیا گیا ہے۔
مذاکرات کامیاب: جماعت اسلامی کا ’’حق دو بلوچستان‘‘ لانگ مارچ دھرنے میں تبدیل