راولپنڈی میں ڈرون گرنے سے ایک شخص شدید زخمی
اشاعت کی تاریخ: 8th, May 2025 GMT
راولپنڈی کی فوڈ اسٹریٹ کے قریب ڈرون گرنے سے ایک شخص شدید زخمی ہو گیا جسے اسپتال منتقل کر دیا گیا۔
پولیس ذرائع کے مطابق پولیس کی بھاری نفری فوڈ اسٹریٹ پہنچ گئی ہے، ڈرون درخت سے ٹکرانے کے بعد ایک دکان کے اندر جا گرا، جس کے بعد آگ لگ گئی۔
ڈرون گرنے سے دکان کے شیشے اور دیگر سامان کو بھی نقصان پہنچا۔
پاکستان کی مسلح افواج پوری طرح چوکنا ہیں، بھارت مساجد اور شہریوں پر حملوں کا مرتکب ہوا ہے، لیفٹیننٹ جنرل احمد شریف چوہدری
ذرائع نے کہا کہ قانون نافذ کرنے والے اداروں کے اہلکاروں نے جائے وقوعہ کو سیل کر دیا، قانون نافذ کرنے والے اداروں کے تحقیقات کا آغاز کر دیا۔
پولیس ذرائع کا کہنا ہے کہ ڈرون کا ملبہ قانون نافذ کرنے والے اداروں کے اہلکاروں نے تحویل میں لے لیا۔
.ذریعہ: Jang News
پڑھیں:
بلوچستان: شدید بارش اور آسمانی بجلی گرنے کے واقعات 4 افراد جاں بحق، سینکڑوں مویشی بھی ہلاک
بلوچستان کے مختلف اضلاع میں بارش، ژالہ باری اور آسمانی بجلی گرنے کے نتیجے میں 4 افراد جان کی بازی ہار گئے جبکہ سینکڑوں مویشی بھی ہلاک ہوگئے۔
محکمہ موسمیات کے مطابق شیرانی، ژوب، قلعہ سیف اللہ، بارکھان، موسیٰ خیل، کوہلو، ڈیرہ بگٹی، خضدار، نصیرآباد، جعفرآباد، صحبت پور، جھل مگسی اور اوستہ محمد سمیت متعدد علاقوں میں تیز ہواؤں اور گرج چمک کے ساتھ بارش و ژالہ باری کا سلسلہ جاری رہا۔
یہ بھی پڑھیں آئندہ 24 گھنٹوں کے دوران موسلا دھار بارش اور ژالہ باری، محکمہ موسمیات نے پیشگوئی کردی
پی ڈی ایم اے کی رپورٹ کے مطابق آسمانی بجلی گرنے کے سب سے زیادہ واقعات ژوب، موسیٰ خیل، بارکھان، خضدار اور کوہلو میں پیش آئے۔
خضدار کے علاقے سارونہ میں آسمانی بجلی سے کم از کم 140 مویشی ہلاک ہوگئے، جب کہ موسیٰ خیل میں 50 سے 60 اور کوہلو میں 40 سے 50 مویشیوں کی ہلاکت کی اطلاعات ہیں۔
موسیٰ خیل کے علاقے زور میرن میں آسمانی بجلی گرنے سے ایک شخص روزالدین جاں بحق ہوا، جبکہ یونین کونسل راڑہ شم میں ایک بچہ پانی میں ڈوب کر جان کی بازی ہار گیا۔
اس کے علاوہ ژوب کے علاقے کلی تورہ درگہ میں 10 سالہ بچہ آسمانی بجلی گرنے سے جاں بحق ہوا، جبکہ خضدار کی تحصیل کرخ میں ایک بچہ پانی میں ڈوب کرجاں بحق ہوا ہے۔
محکمہ موسمیات کے مطابق گزشتہ 24 گھنٹوں کے دوران مسلم باغ میں 15 ملی میٹر، اوستہ محمد میں 10 ملی میٹر، بارکھان میں 6 ملی میٹر اور ژوب میں ایک ملی میٹر بارش ریکارڈ کی گئی۔
یہ بھی پڑھیں تیز آندھی طوفان، شدید بارش اور ژالہ باری کا الرٹ جاری
آئندہ چوبیس گھنٹے کے دوران بلوچستان کے بیشتر علاقوں میں موسم گرم اور جزوی طور پر ابرآلود رہنے کا امکان ہے، تاہم خضدار، کچھی، سوراب، کوئٹہ، پشین، قلعہ عبداللہ، ڈیرہ بگٹی، لسبیلہ، زیارت، قلات، ہرنائی، لورالائی، قلعہ سیف اللہ، ژوب، موسیٰ خیل، بارکھان اور کوہلو میں مزید بارشوں کی پیش گوئی کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آسمانی بجلی بارش بلوچستان جاں بحق ژالہ باری مویشی ہلاک وی نیوز
بارش کے دوران حادثات میں بچے سمیت 6 افراد جاں بحق