گورنرخیبرپختونخوا سے وفاقی وزیر پٹرولیم علی پرویز ملک کی ملاقات
اشاعت کی تاریخ: 8th, May 2025 GMT
اسلام آباد(اُردو پوائنٹ اخبارتازہ ترین - این این آئی۔ 08 مئی2025ء)گورنر خیبرپختونخوا فیصل کریم کنڈی سے وفاقی وزیر پٹرولیم علی پرویز ملک نے ملاقات کی جس میں صوبے میں تیل و گیس کی پیداوار، گھریلو و صنعتی صارفین کو گیس کی فراہمی، اور دیگر اہم امور پر تفصیلی تبادلہ خیال کیا گیا۔اس موقع پر رکن خیبر پختونخوا اسمبلی احمد کریم کنڈی، وائس چیئرمین انجمن ہلال احمر خیبر پختونخوا فرزند وزیر بھی موجود تھے۔
ملاقات کے دوران گورنر خیبرپختونخوا نے وفاقی وزیر کو ضلع ڈیرہ اسماعیل خان کے علاقے کوٹ پالک میں حالیہ تیل و گیس کی دریافت سے متعلق کہاکہ کوٹ پالک کے گیس ذخائر سے مذکورہ علاقے کی مقامی آبادی کو مفت گیس کی فراہمی سمیت تحصیل ہیڈ کوارٹر درابن اور ڈی آئی خان شہر کو ضلع کرک کی طرز پر نئے گیس کنکشنز فراہم کئے جائیں، تاکہ مقامی آبادی اپنے علاقے کے قدرتی وسائل سے براہ راست مستفید ہو سکے۔(جاری ہے)
گورنرخیبرپختونخوا نے وفاقی وزیر پٹرولیم سے ڈی آئی خان شہر میں گیس کے کم دباؤ کا مسئلہ بھی اجاگر کیا اور تجویز دی کہ شہر میں مزید نئے ٹاؤن بورڈنگ سٹیشن (ٹی بی ایس ) کی تنصیب عمل میں لائی جائے تاکہ گیس پریشر کا مسئلہ مستقل بنیادوں پر حل ہو سکے۔گورنر نے پشاور سمیت صوبے کے دیگر صنعتی مراکز میں صنعتکاروں کے تحفظات سے بھی وفاقی وزیر کو آگاہ کیا۔ انہوں نے کہا کہ پشاور کی صنعتی شعبہ کے گیس ٹیرف میں کمی اور مناسب نرخ مقرر کیے جائیں تاکہ صوبے میں صنعت کو فروغ ملے، جس کا براہِ راست فائدہ ملکی معیشت کو بھی ہوگا۔وفاقی وزیر پٹرولیم پرویز ملک نے گورنر خیبرپختونخوا کی تجاویز سے اتفاق کرتے ہوئے یقین دلایا کہ ان سفارشات پر عملدرآمد کیلئے ضروری اقدامات اٹھائے جائیں گے۔.ذریعہ: UrduPoint
کلیدی لفظ: تلاش کیجئے وفاقی وزیر پٹرولیم گیس کی
پڑھیں:
عوام کا اسپتالوں میں گھنٹوں انتظار معمول بن چکا ہے، مصطفی کمال
تقریب سے خطاب میں وفاقی وزیر صحت کا کہنا تھا کہ دنیا بھر میں پولیو کا خاتمہ ہو چکا ہے لیکن افسوس کے ساتھ کہنا پڑتا ہے کہ پاکستان میں یہ اب بھی موجود ہے، جو ہماری کارکردگی پر سوالیہ نشان ہے، شہریوں میں بیماریوں کی روک تھام حکومت کی اولین ذمہ داری ہے۔ اسلام ٹائمز۔ وفاقی وزیر صحت مصطفی کمال نے کہا ہے کہ عوام کا اسپتالوں میں گھنٹوں انتظار معمول بن چکا ہے کیونکہ یہ ادارے صرف چند ہزار افراد کے لیے بنائے گئے تھے جبکہ صرف او پی ڈی میں روزانہ 9 ہزار مریضوں کا دبا ہوتا ہے۔ وفاقی وزیر صحت مصطفی کمال کا کراچی میں کاٹی میں تقریب سے خطاب کرتے ہوئے کہنا تھا کہ نہ صرف سندھ بلکہ اسلام آباد، آزاد جموں کشمیر اور دیگر صوبوں سے بھی مریض یہاں علاج کے لیے آتے ہیں، جو موجودہ نظام صحت پر بھاری بوجھ ہے۔ مصطفی کمال نے کہا کہ اگر ہم نے موجودہ صورتحال کو قومی صحت پالیسی کا حصہ نہ بنایا تو آنے والے دنوں میں مسائل سنگین ہو سکتے ہیں، ہمارے وسائل محدود ہیں جبکہ آبادی میں ہر سال 2.6 فیصد اضافہ ہو رہا ہے۔ انہوں نے کہا کہ دنیا بھر میں پولیو کا خاتمہ ہو چکا ہے لیکن افسوس کے ساتھ کہنا پڑتا ہے کہ پاکستان میں یہ اب بھی موجود ہے، جو ہماری کارکردگی پر سوالیہ نشان ہے، شہریوں میں بیماریوں کی روک تھام حکومت کی اولین ذمہ داری ہے۔
برائلر گوشت کی قیمت میں 22روپے کلو اضافہ