اسحاق ڈار سے یورپی خارجہ امور چیف کا رابطہ، علاقائی صورتحال پر گفتگو
اشاعت کی تاریخ: 8th, May 2025 GMT
تصویر سوشل میڈیا۔
یورپی یونین کی سربراہ برائے خارجہ امور کایا کالاس نے وزیر خارجہ اسحاق ڈار سے ٹیلیفونک رابطہ کیا۔ دفتر خارجہ کے مطابق رابطہ ای یو فارن افیئرز چیف کایا کالاس کی درخواست پر ہوا۔
ترجمان دفتر خارجہ کے مطابق کایا کلاس سے 2 مئی کو بھی علاقائی صورتحال پر گفتگو ہوئی تھی، وزیر خارجہ نے مشکل وقت میں یورپی یونین کی حمایت اور یکجہتی پر انکا شکریہ ادا کیا۔
دفتر خارجہ کے مطابق اسحاق ڈار نے بھارت کے جنگی اقدام کی شدید مذمت کی، بھارتی اقدام سے پاکستان کی خود مختاری پامال ہوئی اور علاقائی امن کو خطرہ لاحق ہوا۔
دفتر خارجہ کے مطابق بھارت کی کارروائی اقوام متحدہ کے چارٹر اور عالمی قوانین کی خلاف ورزی ہے۔ بھارتی الزامات بے بنیاد ہیں، پہلگام حملے سے پاکستان کا کوئی تعلق نہیں۔
ترجمان دفتر خارجہ نے کہا پاکستان مناسب وقت اور مقام پر جواب دینے کا حق محفوظ رکھتا ہے، یورپی خارجہ امور چیف کایا کالاس نے شہری ہلاکتوں پر افسوس اور متاثرہ خاندانوں سے ہمدردی کا اظہار کیا۔
دفتر خارجہ کے مطابق کایا کالاس نے دونوں ممالک پر زور دیا کہ تحمل سے کام لیں اور سفارتی ذرائع سے مسئلہ حل کریں۔
.ذریعہ: Jang News
کلیدی لفظ: دفتر خارجہ کے مطابق
پڑھیں:
موجودہ دور میں جدید علوم کا حصول ناگزیر ہو چکا، ملک ڈیجیٹائزیشن کی راہ پر گامزن ہے، اسحاق ڈار
اسلام آباد میں ایک تقریب سے خطاب کرتے ہوئے نائب وزیراعظم و وزیر خارجہ اسحاق ڈار نے کہا کہ اس دور میں جدید علوم کا حصول ناگزیر ہو چکا ہے۔
ان کا کہنا تھا کہ ٹیکنالوجی کی تیز رفتار ترقی کے ساتھ ہم نے بھی نمایاں پیش رفت کی ہے اور یہ سلسلہ جاری ہے۔ اسحاق ڈار نے بتایا کہ ملک ڈیجیٹائزیشن کی راہ پر گامزن ہے، اور یہ سفر مسلم لیگ (ن) کی حکومت کے دور میں شروع ہوا جب نواز شریف کی قیادت میں فور جی ٹیکنالوجی متعارف کرائی گئی۔
یہ بھی پڑھیے: استنبول: وزیرخارجہ اسحاق ڈار کی ترک ہم منصب سے ملاقات، دفاعی تعاون بڑھانے پر اتفاق
اسحاق ڈار نے اس بات پر زور دیا کہ انسانیت کو درپیش چیلنجز سے نمٹنے کے لیے مشترکہ اور بھرپور کوششیں کرنا ہوں گی۔
غزہ کی صورتحال پر بات کرتے ہوئے وزیر خارجہ نے کہا کہ گزشتہ ماہ غزہ امن معاہدے پر دستخط ہو چکے ہیں، جن پر ڈونلڈ ٹرمپ کی موجودگی میں اتفاق ہوا تھا، اب اسرائیل کی ذمہ داری ہے کہ وہ اس معاہدے پر مکمل عمل کرے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار ٹیکنالوجی سائنس
سرکاری ملازمین کیلیے ہاؤس رینٹ سیلنگ میں بڑے اضافے کی منظوری