پاکستانی طیارے گرانے کے بھارتی دعوے بے بنیاد اور جھوٹے ہیں: عطاء تارڑ
اشاعت کی تاریخ: 8th, May 2025 GMT
وفاقی وزیرِ اطلاعات عطاء اللّٰہ تارڑ—فائل فوٹو
وفاقی وزیرِ اطلاعات عطاء اللّٰہ تارڑ کا کہنا ہے کہ بھارت کی جانب سے پاکستانی طیارے گرانے کے بے بنیاد اور جھوٹے دعوے کیے جا رہے ہیں۔
یہ بات وفاقی وزیرِ اطلاعات عطاء اللّٰہ تارڑ نے جاری کیے گئے بیان میں کہی ہے۔
پاکستانی سیکیورٹی ذرائع نے بھارتی میڈیا پر مقبوضہ کشمیر، پٹھان کوٹ، راجستھان اور پنجاب میں دھماکوں کی بریکنگ نیوز کو ’فیک نیوز‘ قرار دے دیا۔
ان کا کہنا ہے کہ بھارت ایف 16 اور جے ایف 17 لڑاکا طیارے مار گرانے کا بے بنیاد اور جھوٹا دعویٰ کر رہا ہے۔
وفاقی وزیرِ اطلاعات نے مزید کہا ہے کہ بھارت جیسی جھوٹی اور من گھڑت کہانیاں آپ کو کہیں نہیں ملیں گی۔
عطاء اللّٰہ تارڑ نے یہ بھی کہا ہے کہ ایسے جھوٹے دعوے صرف بھارت کی مایوسی کی عکاسی کرتے ہیں۔
.ذریعہ: Jang News
کلیدی لفظ: وفاقی وزیر عطاء الل ہ تارڑ
پڑھیں:
عمان کو شکست دینے کے بعد بھارتی کپتان کی پاکستانی نژاد کھلاڑی کو گلے لگانے کی تصویر وائرل
دبئی(نیوز ڈیسک) ایشیا کپ میں پاکستان کے خلاف جیت کے بعد بھارتی کپتان سوریا کمار یادو پاکستانی کھلاڑیوں سے ہاتھ نہ ملانے پر تنقید شکار ہوئے تھے۔ تاہم اب بھارتی کپتان کی ایک پاکستانی نژاد عمان کے کھلاڑی کو گلے لگانے کی تصویر سوشل میڈیا پر وائرل ہو رہی ہے۔
بھارت اور عمان کے درمیان گزشتہ روز کھیلے گئے ٹی ٹوئنٹی میچ میں عمان کے اوپننگ بلے باز عامر کلیم نے 46 گیندوں پر 64 رنز کی شاندار اننگز کھیلی تھی۔ عامر کلیم کا تعلق کراچی سے ہے اور وہ بعد ازاں عمان منتقل ہوگئے تھے۔ ان کی شاندار بیٹنگ نے بھارتی ٹیم کو دباؤ میں ڈال دیا تھا اگرچہ عمان یہ میچ 21 رنز سے ہار گیا تھا۔
میچ کے بعد جب رسمی کارروائیاں مکمل ہو چکیں، تو بھارتی کپتان سوریا کمار یادو نے عامر کلیم کو نہ صرف سراہا بلکہ انہیں گلے بھی لگایا جس کے مناظر کیمرے میں قید ہوگئے۔ یاد رہے کہ یہ بھارتی کپتان ہیں جنہوں نے کچھ روز قبل پاکستانی کھلاڑیوں سے ہاتھ ملانے سے انکار کیا تھا۔
تصاویر اور ویڈیوز میں عامر کلیم کو سوریا کمار کے ساتھ گرمجوشی سے گلے ملتے دیکھا گیا ہے۔ اس منظر نے شائقین کو حیرانی میں مبتلا کردیا تھا۔
Surya Kumar Yadav shared a big hug with Amir Kaleem from Karachi. Amir is Pakistani and plays for Oman ???????????????????? pic.twitter.com/D0aHRmERX1
— Farid Khan (@_FaridKhan) September 19, 2025
بھارتی میڈیا کے مطابق میچ کے بعد بھارتی کپتان نے عمانی ٹیم کے ساتھ وقت گزارا اور ان کی کارکردگی کی تعریف کرتے ہوئے نوجوان کھلاڑیوں کو حوصلہ دیا۔
تاہم بھارتی سوشل میڈیا صارفین کی جانب سے سوریا کمار کے پاکستانی نژاد عمان کے کھلاڑی کو گلے لگانے پر تنقید کی جا رہی ہے۔
واضح رہے کہ ایشیا کپ ٹی 20 کے 12 ویں میچ میں بھارت نے عمان کو سنسنی خیز مقابلے کے بعد 21 رنز سے شکست دے کر گروپ اے میں مسلسل تیسری فتح حاصل کی۔
ابو ظہبی کے شیخ زید کرکٹ اسٹیڈیم میں کھیلے گئے میچ میں بھارت نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 8 وکٹوں کے نقصان پر 188 رنز بنائے۔ 189 رنز کے ہدف کے تعاقب میں عمان کی ٹیم مقررہ 20 اوورز میں 4 وکٹوں کے نقصان پر 167 رنز بناسکی تھی۔
آج ایشیا کپ میں بنگلادیش اور سری لنکا کی ٹیمیں آمنے سامنے ہوں گی جبکہ کل پاکستان اور بھارت دوسری بار ایک دوسرے کے مدمقابل ہوں گے۔
Post Views: 5
ہالی ووڈ کے لیجنڈری اداکار رابرٹ ریڈفورڈ 89 برس کی عمر میں انتقال کر گئے