چوہدری انوارالحق کا ہندوستان کے بزدلانہ حملے سے متاثر ہونے والی بلال مسجد کا دورہ
اشاعت کی تاریخ: 9th, May 2025 GMT
وزیراعظم آزاد کشمیر نے ممکنہ بھارتی آبی جارحیت کا جائزہ لینے کیلیے دریائے نیلم کا دورہ بھی کیا اور صورتحال خود مانیٹر کی۔ اسلام ٹائمز۔ آزاد جموں و کشمیر کے وزیراعظم چوہدری انوارالحق نے ہندوستان کے بزدلانہ حملے سے متاثر ہونے والی بلال مسجد کا دورہ کیا اور شہید ہونے والی مسجد سے متصل مکان میں نماز مغرب ادا کی اور نقصانات کا جائزہ لیا۔ وزیراعظم نے ممکنہ بھارتی آبی جارحیت کا جائزہ لینے کیلیے دریائے نیلم کا دورہ بھی کیا اور صورتحال خود مانیٹر کی۔ موسٹ سینئر وزیر وقار احمد نور، وزراء حکومت چوہدری اظہر صادق، عبدالماجد خان، اکبر ابراہیم اور محمد اکمل سرگالہ بھی اس موقع پر موجود تھے۔ وزیراعظم نے بلدیہ ہال میں بھارتی بزدلانہ حملے سے متاثرہ افراد سے بھی ملاقات کی اور ان کے جذبے کو سراہا۔ اس موقع پر وزیراعظم کو متاثرین کے لیے کیے گئے اقدامات سے متعلق بریفنگ دی گئی۔ بعد ازاں وزیراعظم شہر کے مختلف حصوں میں گئے جن میں اپر اڈہ، بلدیہ ہال اور لال چوک شامل تھے۔ انہوں نے اپر اڈا سے متصل شاہ عنایت کے مزار پر فاتحہ خوانی بھی کی۔ وزیراعظم شہریوں میں گھل مل گئے، شہریوں نے وزیراعظم کو اپنے درمیان پا کر مسرت کا اظہار کیا۔ اس موقع پر پاکستان ژندہ باد، پاک فوج زندہ باد، تحریک آزادی کشمیر زندہ باد کے فلک شگاف نعرے لگائے گئے۔وزیراعظم سپورٹس کمپلیکس بھی گئے اور سپورٹس کمپلیکس میں بیڈ منٹن کورٹس اور جم میں جدید مشینیں فراہم کرنے کے لیے ہدایات جاری کیں.
ذریعہ: Islam Times
کلیدی لفظ: دریائے نیلم کا جائزہ کیا اور کا دورہ
پڑھیں:
صدر زرداری کا کاشغر کی تاریخی عیدگاہ مسجد کا دورہ، نماز کی ادائیگی
—سوشل میڈیا ویڈیو گریبچین کے دورے پر گئے ہوئے صدرِ مملکت آصف علی زرداری نے کاشغر کی تاریخی عیدگاہ مسجد کا دورہ کیا ہے۔
اس موقع پر صدرِ پاکستان کا استقبال کاشغر کی کمیونسٹ پارٹی کے سیکریٹری یاوننگ اور امام میماتی جوبن نے کیا۔
صدرِ مملکت آصف علی زرداری نے عصر کی نماز ادا کی اور مسجد کے شاندار فنِ تعمیر کو سراہا۔
اعلامیے کے مطابق اس موقع پر صدر آصف زرداری کو مسجد کی تاریخی اہمیت اور ورثے پر بریفنگ دی گئی۔
سینیٹر سلیم مانڈوی والا اور دونوں ممالک کے سفراء بھی صدرِ مملکت آصف علی زرداری کے ہمراہ تھے۔
سپریم کورٹ نے ریٹائرڈ ججز کی بیواؤں کو سیکیورٹی دینے کا اپنا فیصلہ واپس لے لیا