دنیا کی امیر ترین لیگ آئی پی ایل کو پی ایس ایل کے باعث تاریخی ہزیمت
اشاعت کی تاریخ: 9th, May 2025 GMT
دنیا کے سب سے امیر ترین کرکٹ بورڈ کو ایک مرتبہ پھر پاکستان سپر لیگ (پی ایس ایل) کی وجہ سے ہزیمت کا سامنا کرنا پڑگیا۔
میڈیا رپورٹس کے مطابق بھارتی کرکٹ بورڈ (بی سی سی آئی) نے آئی پی ایل منسوخ کرنے سے قبل دبئی میں میچز کروانے کیلئے اعلیٰ حکام سے رابطے کیے تاہم ہندوستان یہاں بھی سبکی کا سامنا کرنا پڑا۔
رپورٹس میں دعویٰ کیا گیا ہے کہ دبئی کے اعلیٰ حکام نے آئی پی ایل منتظمین کو دوٹوک جواب دیا کہ پاکستان کرکٹ بورڈ (پی سی بی) کے چیئرمین محسن نقوی نے پی ایس ایل کیلئے پہلے ہی گراؤنڈ بُک کروالیا ہے۔
مزید پڑھیں: جارحیت گلے پڑ گئی؛ بھارت پاکستان کا ردعمل برداشت نہیں کر سکا، آئی پی ایل معطل
قبل ازیں پاکستان کرکٹ بورڈ (پی سی بی) نے پی ایس ایل کے بقیہ میچز دبئی میں کروانے کا اعلان کردیا تھا۔
تاہم بھارتی بورڈ کے رابطہ کرنے پر ایمریٹس کرکٹ بورڈ نے (آئی پی ایل) منتظمین سے معذرت کرلی۔
مزید پڑھیں: پی ایس ایل10؛ غیرملکی پلئیرز دبئی کب روانہ ہوں گے؟
واضح رہے کہ بھارت کو دبئی کا وینیو نہ ملنے اور غیر ملکی کھلاڑیوں کی جانب سے سیکیورٹی خدشات کے سبب غیر معینہ مدت کیلئے آئی پی ایل ملتوی کرنا پڑا ہے۔
مزید پڑھیں: پاک بھارت کشیدہ صورتحال؛ پی ایس ایل میچز "دبئی" منتقل کرنے کا فیصلہ
بھارتی میڈیا کے مطابق اب بھارتی بورڈ ستمبر میں آئی پی ایل کی ونڈو دیکھ رہا ہے اور ستمبر میں آئی پی ایل کرانے کی صورت میں ایشیا کپ کا انعقاد ناممکن ہوجائے گا۔
ذریعہ: Express News
کلیدی لفظ: ا ئی پی ایل پی ایس ایل کرکٹ بورڈ
پڑھیں:
پاک بھارت کشیدگی؛ ایمریٹس نے پاکستان کیلئے پروازیں معطل کردیں
دبئی ( اُردو پوائنٹ اخبارتازہ ترین۔ 08 مئی 2025ء ) پاکستان اور بھارت کی جاری کشیدگی کے باعث ایمریٹس ایئرلائن نے پاکستان کیلئے پروازیں معطل کردیں۔ خلیجی میڈیا کے مطابق ایمریٹس ایئرلائن انتظامیہ کا کہنا ہے کہ پاکستان کی فضائی حدود اور ہوائی اڈوں تک رسائی کی جاری غیر یقینی صورتحال کے باعث پاکستان اور متحدہ عرب امارات کے درمیان پروازیں ہفتہ 10 مئی تک معطل رہیں گی، اس فیصلے کے نتیجے میں کئی پروازیں بھی منسوخ کردی گئی ہیں، جن میں دبئی اور لاہورکے درمیان چلنے والی پروازیں 8 مئی کو EK623 لاہور دبئی، EK622 مئی 8 دبئی لاہور، EK623 مئی 9 لاہور دبئی، EK624/625 مئی 9، دبئی لاہور دبئی اور 10 مئی کی دبئی لاہور دبئی پروازیں EK624/625 منسوخ کردی گئیں۔ بتایا گیا ہے کہ ایمریٹس کی پروازیں معطل ہونے کی وجہ سے 8 مئی کی دبئی اسلام آباد دبئی کی پروازیں EK612/613 بھی منسوخ ہوچکی ہیں، 9 مئی کو دبئی اسلام آباد دبئی EK612/613 منسوخ، 9 مئی کو دبئی اسلام آباد کی پرواز EK614 کے علاوہ 10 مئی کی اسلام آباد دبئی EK615 اور 10 مئی کی دبئی اسلام آباد دبئی EK612/613 بھی منسوخ ہوچکی ہیں، اسی طرح دبئی سیالکوٹ دبئی کے لیے EK620/621 جو 8 مئی کو آپریٹ ہونی تھیں وہ فلائٹس بھی اب اڑان نہیں بھریں گی، 8 مئی کی دبئی سیالکوٹ کی پرواز EK618 کے ساتھ ساتھ 9 مئی کی EK619 سیالکوٹ دبئی، 10 مئی کی EK620/621 دبئی سیالکوٹ دبئی کی پروازیں بھی منسوخ کردی گئی ہیں۔(جاری ہے)
معلوم ہوا ہے کہ 8 مئی کی EK636/637 دبئی پشاور دبئی، 9 مئی کی EK636/637 دبئی پشاوردبئی، 10 مئی کی EK636/637 دبئی پشاور دبئی بھی منسوخ، اس کے علاوہ 8 مئی کی EK600/601 دبئی کراچی دبئی، 8 مئی کی EK602/603 دبئی کراچی دبئی، 8 مئی کی EK606 دبئی کراچی، 9 مئی کی EK607 کراچی دبئی، 9 مئی کی EK600/601 دبئی کراچی دبئی، 9 مئی کی EK602/603 دبئی کراچی دبئی، 9 مئی کی EK606 دبئی کراچی، 10 مئی کی EK607 کراچی دبئی اور 10 مئی کی دبئی کراچی دبئی کی پروازیں EK600/601 بھی منسوخ ہوچکی ہیں۔
بھارتی مداحوں کو ہانیہ عامر کی یاد ستانے لگی، سوشل میڈیا اکاؤنٹ بلاک ہونے کے باوجود رسائی حاصل کرلی