ٹریننگ کا مقصد عوام کو ہنگامی حالت سے نمٹنے کے قابل بنانا ہے:مریم نواز
اشاعت کی تاریخ: 10th, May 2025 GMT
راؤ دلشاد: وزیراعلیٰ پنجاب مریم نواز شریف کا اہم اقدام، مریم نواز کا کہنا تھا کہ ٹریننگ کا مقصد عوام کو ہنگامی حالت سے نمٹنے کے قابل بنانا ہے۔
تفصیلات کے مطابق صوبہ بھر میں48گھنٹے میں رضا کاروں نے ٹریننگ مکمل کی، وزیر اعلیٰ کی ہدایت پرریسکیو ،سول ڈیفنس کی فرضی مشقیں جاری ہیں۔ 50ہزارسےزائد رضا کاروں نے شہری دفاع ٹریننگ مکمل کرلی۔
ہنگامی حالات کے پیش نظر ایمرجنسی سروس ریسکیو1122 کا ٹریننگ پروگرام کا آغاز کردیا،سیکرٹری ایمرجنسی سروسز ڈکٹر رضوان نصیرنے ٹریننگ کی نگرانی کی۔
مری میں ’’پاک فوج زندہ باد ‘‘ ریلی
کمیونٹی ایمرجنسی تیاری اوررسپانس ٹریننگ کا دورانیہ چارگھنٹے مقرر کیا گیا،ہنگامی صورتحال میں بچاؤ اورمیڈیکل کٹ کے استعمال بارے آگاہی دی گئی،ہنگامی حالات میں خون کے بہاؤکو کنٹرول کرنے کے طریقہ کار سے آگاہ کیا گیا،رضاکارو ں کو فریکچر مینجمنٹ اور سی پی آر کی ٹریننگ بھی دی گئی۔
کمیونٹی ایمرجنسی تیاری اوررسپانس ٹریننگ میں ٹرائی ایج ڈریل بھی جاری ہے،کمیونٹی ایریا میں ”کمیونٹی ایمرجنسی تیاری اوررسپانس ٹریننگ“ دی جائے گی۔
سعودی وزیر خارجہ عادل الجبیر اسلام آباد پہنچ گئے
مریم نواز کا کہنا تھا کہ ٹریننگ کا مقصد عوام کو ہنگامی حالت سے نمٹنے کے قابل بنانا ہے،صوبہ بھر میں طلبہ اورمختلف مکاتب فکر کے لوگوں کو ٹریننگ بھی دی جارہی ہے،قوم ہر قسم کے حالات سے نمٹنے کیلئے ہمہ وقت تیار ہے۔
ذریعہ: City 42
پڑھیں:
مقبوضہ جموں و کشمیر کی آزادی لوح تقدیر پر ثبت ہو چکی ہے‘ مریم نواز
لاہور(اُردو پوائنٹ اخبارتازہ ترین - این این آئی۔ 05 اگست2025ء) وزیراعلیٰ پنجاب مریم نواز شریف نے کہا ہے کہ مقبوضہ جموں و کشمیر کی آزادی لوح تقدیر پر ثبت ہو چکی ہے۔یومِ استحصالِ کشمیر پر اپنے خصوصی پیغام میں وزیراعلیٰ پنجاب مریم نواز شریف کا کہنا تھا کہ حق خودارادیت کی جدوجہد میں کشمیری بہن بھائیوں کی قربانیوں کو زبردست خراج عقیدت پیش کیا ہے۔انہوں نے کہا کہ بھارتی مقبوضہ جموں وکشمیر کے غیور بہن بھائیوں کی قربانیوں کو سلام پیش کرتی ہوں، پانچ اگست 2019 سے بھارتی مظالم میں اضافے کے باوجود کشمیریوں کا حوصلہ اور ہمت قابل تحسین ہے، کشمیر فیصلہ کرے گا ہم ساتھ کھڑے تھے، ہیں اور رہیں گے۔ان کا کہنا تھا کہ بھارتی مقبوضہ کشمیر کا مسئلہ عالمی ضمیر پر سوال ہے، مقبوضہ جموں و کشمیر میں بھارتی مظالم پر عالمی برادری کی بے حسی اور مجرمانہ خاموشی تاریخ کا سیاہ باب ہے، کشمیری بہن بھائیوں پرآزادی کا سورج طلوع جلد ہوگا۔(جاری ہے)
مریم نواز نے کہا کہ برصغیر میں مستقل امن کیلئے مسئلہ کشمیر کا حل ناگزیر ہے، ہزاروں کشمیری شہداء کی قربانیاں رائیگاں نہیں جائیں گی، بھارت ظلم کر کے کشمیریوں کے حق خودارادیت کو دبانے کی ناکام کوشش کر رہا ہے۔وزیراعلیٰ پنجاب کا کہنا تھا کہ کشمیر ہر پاکستانی کے دل میں دھڑک رہا ہے، بھارت کے ظلم و ستم کی وجہ سے کشمیری ایک دہائی سے لاک ڈاؤن کی زندگی گزار رہے ہیں، کشمیریوں پر انسانیت سوز مظالم پر مستقل بے حسی عالمی ضمیر کے خلاف چارج شیٹ ہے۔انہوں نے کہا کہ بھارت کا ظلم وقتی ہے لیکن کشمیر کی آزادی مقدر ہے، مقبوضہ کشمیر میں انسانی حقوق کی پامالی ناقابل قبول ہے، دنیا کو کشمیر میں ہونے والی انسانی حقوق کی خلاف ورزی پر توجہ دینے کی سخت ضرورت ہے۔مریم نواز کا مزید کہنا تھا کہ بھارت کا قبضہ غیر قانونی، غیر اخلاقی اور غیر انسانی ہے، کشمیر کی سیاہ رات کا سورج ضرور طلوع ہوگا، دنیا پر کھل چکا ہے کہ مسئلہ کشمیر بھارت کا داخلی معاملہ نہیں بلکہ انسانی المیہ بن چکا ہے، خطے کے ڈیڑھ ارب سے زیادہ لوگ امن اور خوشحالی کی سحر دیکھنے کے مستحق ہیں۔
خیبرپختونخوا میں سینیٹ ضمنی الیکشن: پی ٹی آئی نے مشال یوسفزئی کو ٹکٹ جاری کردیا