جنگ بندی اعلان کے بعد گلگت شہر میں بلیک آؤٹ کی مشق منسوخ
اشاعت کی تاریخ: 10th, May 2025 GMT
اس سے پہلے مقامی انتظامیہ نے ایک بیان میں کہا تھا کہ بھارتی جارحیت اور سکیورٹی کے پیش نظر ضلع گلگت میں آج رات کو بلیک آوٹ کی مشق کی جائے گی۔ اسلام ٹائمز۔ پاکستان اور بھارت کے درمیان جنگ بندی کے بعد گلگت شہر میں آج رات کو ہونے والی بلیک آؤٹ کی مشق منسوخ کر دی گئی۔ اس سے پہلے مقامی انتظامیہ نے ایک بیان میں کہا تھا کہ بھارتی جارحیت اور سکیورٹی کے پیش نظر ضلع گلگت میں آج رات کو بلیک آوٹ کی مشق کی جائے گی، تمام عوام الناس سے تعاون کرنے کی اپیل ہے کہ رات 8 بجے سے رات 8 بج کر 30 منٹ تک مکمل بلیک آؤٹ رہے گا۔ مزید یہ کہ تمام اسٹریٹ لائٹس، سولر اور جنریٹر کی بجلی کو استعمال کرنے سے اجتناب کریں اور اس کے علاوہ رہائشی گھروں کی غیر ضروری لائٹس اور پورچ وغیرہ کی لائٹس بند رکھنے کے پابند ہونگے۔ شہروں کے بلیک آؤٹ کے دوران غیر ضروری سفر سے بھی اجتناب کی ہدایت کی گئی تھی۔ بعد ازاں پاک بھارت جنگ بندی کے بعد یہ مشق منسوخ کر دی گئی ہے۔
.ذریعہ: Islam Times
پڑھیں:
گلگت بلتستان کے نگران وزیر اعلیٰ کا معاملہ، متحدہ اپوزیشن کا اہم اجلاس کل طلب
صوبائی حکومت کی مدت اختتام کے قریب پہنچتے ہی نگران وزیر اعلیٰ کی تقرری کیلئے مشاورت کا عمل تیزی سے جاری ہے، اس سلسلے میں اپوزیشن لیڈر نے متحدہ اپوزیشن کا اجلاس بھی طلب کر لیا ہے۔ اپوزیشن رکن اسمبلی سید سہیل عباس کو کنوینئر مقرر کر دیا ہے۔ اسلام ٹائمز۔ گلگت بلتستان کے نگران وزیر اعلیٰ کی تقرری کیلئے اپوزیشن لیڈر کاظم میثم نے پارٹی سے مشاورت ملک کر لی جس نے بعد انہوں نے متحدہ اپوزیشن کا اجلاس کل طلب کر لیا ہے۔ تفصیلات کے مطابق موجودہ صوبائی حکومت کی مدت اختتام کے قریب پہنچتے ہی نگران وزیر اعلیٰ کی تقرری کیلئے مشاورت کا عمل تیزی سے جاری ہے، اس سلسلے میں اپوزیشن لیڈر نے متحدہ اپوزیشن کا اجلاس بھی طلب کر لیا ہے۔ اپوزیشن رکن اسمبلی سید سہیل عباس کو کنوینئر مقرر کر دیا ہے۔ سید سہیل عباس اور جاوید علی منوا اسلام آباد پہنچ گئے ہیں۔ دوسری جانب وزیر امور کشمیر نے نگران وزیر اعلیٰ کی تقرری کیلئے اہم اجلاس کل اسلام آباد میں طلب کر لیا ہے۔ متحدہ اپوزیشن لیڈر کے ترجمان جاوید علی منوا کا کہنا ہے کہ اپوزیشن جمہوری اندا میں اس عمل میں شریک ہو گی۔ شفاف الیکشن ہی آئندہ پانچ سال کے استحکام اور ترقی کی ضمانت ہے۔ خیال رہے کہ گزشتہ روز کاظم میثم نے نگران وزیر اعلیٰ کی تقرری کے سلسلے میں پارٹی کا باضابطہ اجلاس آج طلب کر لیا تھا۔ اجلاس کا مقصد ایم ڈبلیو ایم کے صوبائی صدر سید علی رضوی سے مشاورت اور وزیر امور کشمیر کی جانب سے طلب کردہ اجلاس کے حوالے سے لائحہ عمل طے کرنا تھا۔ اس سلسلے میں پارٹی سے مشاورت مکمل ہونے کے بعد کاظم میثم نے متحدہ اپوزیشن کا اجلاس طلب کر لیا ہے۔ متحدہ اپوزیشن نگران وزیر اعلیٰ کے معاملے پر مشترکہ موقف اختیار کرے گی۔
وزیراعظم سے ترک وزیر داخلہ کی ملاقات، مضبوط اور برادرانہ تعلقات کا اعادہ