چین نے 6 امریکی کمپنیوں کو بلیک لسٹ کردیا، تجارتی کشیدگی میں اضافہ
اشاعت کی تاریخ: 26th, September 2025 GMT
data-id="863a0a8" data-element_type="widget" data-widget_type="theme-post-content.default">
بیجنگ: چین نے 6 امریکی کمپنیوں کو بلیک لسٹ کرتے ہوئے انہیں ملک کی ناقابلِ اعتماد اداروں کی فہرست میں شامل کر دیا، جس سے دونوں ممالک کے درمیان جاری تجارتی کشیدگی مزید بڑھ گئی ہے۔
عالمی میڈیا رپورٹس کےمطابق چینی وزارتِ تجارت کے ترجمان نے کہاکہ اس فیصلے کے تحت مذکورہ امریکی اداروں پر چین کے ساتھ درآمد و برآمد اور نئی سرمایہ کاری کرنے پر مکمل پابندی عائد ہوگی۔
ان کمپنیوں میں امریکا کی معروف شپ بلڈنگ کمپنی ہنٹنگٹن انگلز انڈسٹریز کے علاوہ سیرونک ٹیکنالوجیز، ایروکوم انک، اور اوشینیئرنگ انٹرنیشنل بھی شامل ہیں۔
وزارتِ تجارت نے کہا کہ یہ قدم چین کی قومی سلامتی اور ترقیاتی مفادات کو لاحق خطرات کے پیش نظر اٹھایا گیا ہے، اس قسم کی پابندیاں چین کے اپنے دفاعی اور معاشی مفادات کے تحفظ کے لیے ضروری ہیں۔
چینی وزارتِ تجارت کے ترجمان ہے یادیونگ نے کہا کہ امریکا کی یکطرفہ پابندیاں دونوں ممالک کے درمیان معاشی تعاون میں سب سے بڑی رکاوٹ ہیں۔
انہوں نے امید ظاہر کی کہ امریکا بھی اسی سمت میں کام کرے گا تاکہ چین اور امریکا کے درمیان معاشی و تجارتی تعلقات مستحکم، صحت مند اور پائیدار ترقی کی راہ پر گامزن ہو سکیں۔
خیال رہےکہ حالیہ دنوں میں بیجنگ اور واشنگٹن کے درمیان مذاکرات کا سلسلہ جاری ہے، 14 اور 15 ستمبر کو دونوں ملکوں کے وفود نے میڈرڈ میں تجارتی امور پر بات چیت کی جس میں ٹک ٹاک سے متعلق خدشات بھی زیرِ غور آئے۔
اس کے علاوہ جمعہ کو چینی صدر شی جن پنگ اور امریکی صدر ڈونلڈ ٹرمپ کے درمیان ٹیلی فونک رابطہ ہوا جسے ٹرمپ نے “انتہائی مثبت اور نتیجہ خیز” قرار دیا۔
دوسری جانب چین نے امریکا پر زور دیا ہے کہ وہ غیر منصفانہ ٹیرف ختم کرے اور باہمی تجارت کو وسعت دینے کے لیے بہتر ماحول فراہم کرے۔
.
ذریعہ
ذریعہ: Jasarat News
کلیدی لفظ: کے درمیان
پڑھیں:
24 جولائی کیلئے بھی ڈیزل اور پیٹرول کی قیمت میں اضافہ کردیا گیا
علامتی فوٹوحکومت نے مسلسل تیسرے روز پیٹرول جبکہ چوتھے روز ڈیزل کی فی لیٹر قیمت میں اضافہ کردیا ہے۔
اس حوالے سے جاری نوٹیفکیشن کے مطابق پیٹرول کی قیمت میں 4 روپے 40 پیسے فی لیٹر جبکہ ڈیزل کی قیمت میں 3 روپے 62 پیسے فی لیٹر اضافہ کردیا گیا ہے۔
نوٹیفکیشن کے مطابق پیٹرول کی نئی قیمت 327 روپے 12 پیسے فی لیٹر مقرر کردی گئی ہے۔ اسی طرح ڈیزل کی نئی قیمت 378 روپے 66 پیسے فی لیٹر مقرر کی گئی ہے۔
اس میں کہا گیا ہے کہ پیٹرول اور ڈیزل کی نئی قیمتیں 24 جولائی کے لیے ہوں گی۔
خیال رہے کہ حکومت کی جانب سے فیصلہ کیا گیا ہے کہ خطے کی بگڑتی صورتحال کے پیش نظر روزانہ کی بنیاد پر پیٹرولیم مصنوعات کی قیمتوں کا تعین کیا جائے گا۔
اوگرا وزیراعظم یا حکومت کی منظوری کے بغیر قیمتوں کا اعلان کرے گا، جبکہ ہفتہ اور اتوار کو گزشتہ اعلان کردہ قیمتیں برقرار رہیں گی۔
یومیہ اعلان کے تحت اب تک کی تبدیلیعلم میں رہے کہ 21 جولائی کےلیے حکومت نے پیٹرول کی فی لیٹر قیمت میں 35 پیسے کمی جبکہ ڈیزل کی قیمت میں 5 روپے 71 پیسے فی لیٹر اضافہ کیا تھا۔
22 جولائی کیلئے پیٹرول کی قیمت میں 4 روپے 93 پیسے فی لیٹر جبکہ ڈیزل کی قیمت میں 7 روپے 15 پیسے فی لیٹر کا اضافہ کیا گیا تھا۔
اسی طرح 23 جولائی کےلیے حکومت نے پیٹرول کی قیمت میں 6 روپے 39 پیسے فی لیٹر جبکہ ڈیزل کی قیمت میں 7 روپے 83 پیسے فی لیٹر اضافہ کیا تھا۔
بھارت سے جنگ اور افغانستان میں کارروائی خارج ازامکان نہیں، وزیردفاع