دہلی کی زہریلی فضا پر جونٹی رہوڈز کا ردعمل سامنے آ گیا، سوشل میڈیا پر پوسٹ وائرل
اشاعت کی تاریخ: 11th, November 2025 GMT
data-id="863a0a8" data-element_type="widget" data-widget_type="theme-post-content.default">
بھارتی دارالحکومت نئی دہلی کی فضا ایک بار پھر زہر آلود ہو چکی ہے اور اس بار اس پر جنوبی افریقا کے سابق مایہ ناز کرکٹر جونٹی رہوڈز نے آواز بلند کی ہے۔
نئی دہلی کی بڑھتی ہوئی آلودگی نے جہاں عام شہریوں کو زندگی عذاب بنا دی ہے، وہیں غیر ملکی شخصیات بھی اس کے خلاف بولنے پر مجبور ہو چکی ہیں۔ جونٹی رہوڈز، جو اپنی فٹنس اور کھیل کے دوران توانائی کے لیے مشہور تھے، نے سماجی رابطوں کی ویب سائٹ ایکس (سابق ٹوئٹر) پر ایک پوسٹ شیئر کی، جس نے بھارتی میڈیا اور سوشل پلیٹ فارمز پر ہلچل مچا دی ہے۔
اپنی پوسٹ میں انہوں نے دہلی اور ساؤتھ گوا کی دو تصاویر ساتھ رکھی ہیں ۔ ایک طرف دہلی کی دھند آلود، مٹی اور دھوئیں میں لپٹی فضا جب کہ دوسری جانب نیلے آسمان اور کھلے میدانوں والا گوا دکھایا گیا ہے۔
انہوں نے تصویروں کے ساتھ لکھا کہ شکر ہے کہ ہم ساؤتھ گوا میں رہتے ہیں، جہاں میرے بچے باہر فٹبال کھیل سکتے ہیں، جبکہ دہلی میں والدین اپنے بچوں سے کہتے ہیں کہ گھر کے اندر رہیں۔
جونٹی رہوڈز کے اس سادہ مگر معنی خیز جملے نے دہلی کے ماحولیاتی بحران پر ایک بار پھر عالمی توجہ دلا دی ہے۔ بھارتی شہریوں نے بھی ان کی پوسٹ پر ملے جلے ردعمل کا اظہار کیا۔ کچھ نے ان سے اتفاق کرتے ہوئے دہلی حکومت کو آلودگی کے کنٹرول میں ناکامی کا ذمے دار ٹھہرایا، جبکہ کچھ نے اسے غیر ملکی مداخلت قرار دے کر دفاعی رویہ اپنایا۔
واضح رہے کہ ہر سال سردیوں کے آغاز سے قبل دہلی کی فضا میں دھند اور زہریلے دھوئیں کی مقدار خطرناک حد تک بڑھ جاتی ہے۔ ماہرین کے مطابق دہلی کا ایئر کوالٹی انڈیکس (AQI) اکثر 400 سے تجاوز کر جاتا ہے، جو انسانی صحت کے لیے انتہائی مضر درجے میں آتا ہے۔
ماحولیاتی تنظیموں کا بھی کہنا ہے کہ آلودگی کی سب سے بڑی وجوہات فصلوں کی باقیات جلانا، صنعتی دھواں، گاڑیوں کا اخراج اور بے قابو تعمیرات ہیں۔ اس کے نتیجے میں نہ صرف سانس کی بیماریاں بلکہ آنکھوں اور جلد کے امراض میں بھی اضافہ ہو رہا ہے۔
دلچسپ بات یہ ہے کہ دہلی میں اسکول بند ہونے، فضائی ٹریفک متاثر ہونے اور شہریوں کو ماسک پہننے کی ہدایات کے باوجود حکومت کی جانب سے کوئی پائیدار حل سامنے نہیں آ سکا۔
.ذریعہ: Jasarat News
کلیدی لفظ: دہلی کی
پڑھیں:
وزیر اعلیٰ خیبر پختونخوا کا بے بنیاد اور نفرت انگیز بیان، عوام کا شدید ردعمل
پشاور(نیوذڈیسک)وزیر اعلیٰ خیبر پختونخوا سہیل آفریدی کے بے بنیاد اور نفرت انگیز بیان پر صوبے کے عوام نے شدید ردعمل دیا ہے۔
شدید ردعمل میں شہریوں کا کہنا تھا کہ افواج پاکستان نے سرحدوں اور قبائلی علاقوں میں امن و امان کے لیے بہت قربانیاں دی ہیں۔ وزیر اعلیٰ نے مساجد کے حوالے سے نہایت غلط بیان دیا ہے اور انکے بیان کی بھر پور مذمت کرتے ہیں۔
شہریوں کا کہنا تھا کہ وزیراعلیٰ خیبر پختونخوا کے بیان سے ملک پر برے اثرات پڑیں گے، پاک فوج کی جانب سے تمام امور پر نہایت اچھے اقدامات کیے جا رہے ہیں لیکن خیبر پختونخوا کے وزیراعلیٰ نے اپنی سیاست کے لیے آخری حد پار کر دی ہے۔
انہوں نے کہا کہ پاک فوج ہمارا مقدس ادارہ ہے جس نے بہت قربانیاں دی ہیں اس کو بدنام کرنا غلط ہے۔ پاک فوج ہماری سرحدوں کی محافظ ہے لہٰذا وزیراعلیٰ خیبر پختونخوا ایسی حرکتوں سے باز رہیں، وزیراعلیٰ خیبر پختونخوا کے بیانات کا مقصد دشمن بھارت کو خوش کرنا ہے۔ پاک فوج نے ہمیشہ اپنی عوام کا ساتھ دیا ہے اور بہترین کردار ادا کیا ہے۔
شہریوں نے کہا کہ وزیر اعلیٰ خیبر پختونخوا کو چاہیے کہ اپنے صوبہ پر توجہ دے اور ترقی کیلئے اقدامات کرے۔ اداروں کو نشانہ بنانا مناسب نہیں، پاک فوج نے پورے ملک بالخصوص خیبر پختونخوا کے لیے قربانیاں دی ہیں۔
انہوں نے کہا کہ وزیر اعلیٰ خیبر پختونخوا کے بیان کا مقصد پاک فوج کے خلاف نفرت اور انتشار پھیلانا ہے جو کسی بھی محب وطن کو قبول نہیں، وزیر اعلیٰ اہم عہدے کے باوجود چور اور بدعنوان شخص ہے جس کے پاس عزت کیے ساتھ بیان کرنے کو الفاظ نہیں ہیں۔
شہریوں کا کہنا تھا کہ وزیر اعلیٰ خیبر پختونخوا ہمیشہ پاک فوج کے خلاف سخت اور بے بنیاد باتیں کرتے رہتے ہیں، افواج پاکستان اس ملک کی اصل محافظ ہیں جن کے جوان جانوں کا نذرانہ پیش کر رہے ہیں۔
سوشل میڈیا کیس: ایمان مزاری و شوہر کے ناقابل ضمانت وارنٹ گرفتاری جاری