پوری دنیا میں پاک فوج کا نام بلند ہوا ہے ہم اپنی فوج کے ساتھ کھڑے ہیں، بشارت عباس قریشی
اشاعت کی تاریخ: 11th, May 2025 GMT
ایس یو سی جنوبی پنجاب کے صوبائی رہنما کا کہنا تھا کہ پاکستان نے بھرپور جواب دے کر اپنی طاقت کو منوا لیا ہے ہم اپنی فوج کی وطن دوستی اور وطن سے محبت پر خراج تحسین پیش کرتے ہیں پاک فوج نے جس جرات اور بہادری کا مظاہرہ کرتے ہوئے دشمن کے طیارے مار گرائے ہیں اس سے بھی پوری دنیا میں پاک فوج کا نام بلند ہوا ہے۔ اسلام ٹائمز۔ شیعہ علماء کونسل جنوبی پنجاب کے صوبائی رہنما و ممبر ضلعی امن کمیٹی ملتان بشارت عباس قریشی نے کہا ہے کہ بھارت کی بزدلی اور بار بار ڈرون حملوں پر پاک فوج نے بھارت کو منہ توڑ جواب دینے کے لیے ہندوستان پرحملہ کر کے پاکستانیوں کے دل جیت لیے ہیں، اس وقت پاکستان میں خوشی کا سماں ہے جس سے پاک آرمی کے حوصلے مزید بلند ہو گئے ہیں اور پاک آرمی نے پوری قوم کے سر فخر سے بلند کر دیے ہیں، اس وقت پوری دنیا میں موجود پاکستانی اپنی فوج کے لیے دعائیہ تقریبات کر رہے ہیں، علاقہ کے امن و امان کے لیے ضروری تھا کہ بھارت کی شرنگیزی کو زبان اور ہاتھ سے روکا جاتا، اس کے لیے پاکستان نے بھرپور جواب دے کر اپنی طاقت کو منوا لیا ہے، ہم اپنی فوج کی وطن دوستی اور وطن سے محبت پر خراج تحسین پیش کرتے ہیں، پاک فوج نے جس جرات اور بہادری کا مظاہرہ کرتے ہوئے دشمن کے طیارے مار گرائے ہیں اس سے بھی پوری دنیا میں پاک فوج کا نام بلند ہوا ہے، ہم اپنی فوج کے ساتھ کھڑے ہیں اور ہمیں فخر ہے کہ جس جرات اور بہادری سے ہماری فوج نے ہمارے ملک کو محفوظ رکھا ہے، ہمیں اپنی فوج پر ناز اور فخر ہے اور انشااللہ یہ فخر ہمیشہ قائم و دائم رہے گا۔
.ذریعہ: Islam Times
کلیدی لفظ: پوری دنیا میں ہم اپنی فوج پاک فوج فوج نے کے لیے
پڑھیں:
ایشین شاٹ گن گرینڈ پریکس 2025: عثمان چاند اور امام ہارون نے پاکستان کا سر فخر سے بلند کیا
پاکستان کے شوٹرز عثمان چاند اور امام ہارون نے 2025 کے ایشین شاٹ گن گرینڈ پریکس میں شاندار کارکردگی کا مظاہرہ کرتے ہوئے سلور اور برونز میڈلز جیت کر ملک کا نام روشن کیا۔
نیشنل رائفل ایسوسی ایشن آف پاکستان کے سیکریٹری جنرل رضی احمد خان کے مطابق، کویت میں ہونے والے ایشیائی شوٹنگ مقابلوں میں عثمان چاند نے اسکیٹ ایونٹ میں دوسری پوزیشن حاصل کی اور سلور میڈل جیتا۔ عثمان چاند عالمی سطح پر پاکستان کی نمائندگی کرنے والے تجربہ کار شوٹر ہیں اور وہ چار بار عالمی چیمپئن شپ میں پاکستان کا حصہ رہ چکے ہیں۔
دوسری طرف، 21 سالہ امام ہارون نے اولمپک ٹریپ ایونٹ میں تیسری پوزیشن حاصل کی اور برونز میڈل جیتا۔ امام ہارون نے عالمی چیمپئن شپ 2023 میں بھی قومی ٹیم کی نمائندگی کی تھی اور اب وہ 2025 ایشین چیمپئن شپ کے لیے قومی اسکواڈ کا حصہ بنیں گے۔
پاکستان کے تیسرے شوٹر، فرخ ندیم، جنہوں نے پاکستان آرمی کی نمائندگی کی، مشترکہ طور پر چھٹی پوزیشن پر رہے۔ تاہم، وہ شوٹ آؤٹ مقابلے میں ناکام رہنے کے باعث فائنل میں جگہ نہ بنا سکے۔
اس شاندار کامیابی پر پاکستان بھر میں خوشی کی لہر دوڑ گئی ہے اور اس بات کا اعتراف کیا جا رہا ہے کہ قومی شوٹرز نے عالمی سطح پر اپنی صلاحیتوں کا لوہا منوایا ہے۔
شاہین آفریدی ون ڈے کرکٹ میں پاکستان کے 32 ویں کپتان