روس کا دورہ‘ خارجہ پالیسی سے پاکستان کے عالمی وقار میں اضافہ ہوا: یوسف رضا گیلانی
اشاعت کی تاریخ: 12th, May 2025 GMT
ماسکو،اسلام آباد (نوائے وقت رپورٹ+خبر نگار) چیئرمین سینٹ سید یوسف رضا گیلانی سرکاری دورے پر روس پہنچ گئے۔ انہیں دورے کی دعوت روس کی فیڈریشن کونسل کی چیئر پرسن نے دی تھی۔ روسی فیڈریشن کونسل میں روس پاکستان فرینڈ شپ گروپ کے سربراہ شیزو ولادمیر نے چیئرمین سینٹ یوسف رضا گیلانی کا استقبال کیا، دورے کے موقع پر چیئرمین سینٹ روس میں اعلیٰ حکام سے ملاقاتیں بھی کریں گے۔ دورے پر روانگی سے قبل چیئرمین سینٹ نے سرکاری ٹی وی کو روس کے دورے سے متعلق انٹرویو بھی دیا، جس میں انہوں نے کہا کہ ہمارے روس کے ساتھ پارلیمانی تعلقات بہت مضبوط ہیں، حکومت کی خارجہ پالیسی سے پاکستان کے عالمی وقار میں اضافہ ہوا ہے۔ سپیکر فیڈریشن کونسل رشیا ولنٹینا میٹوینکو کی دعوت پر روس آیا ہوں۔ سید یوسف رضا گیلانی نے مزید کہا کہ سپیکر فیڈریشن کونسل رشیا ولنٹینا میٹوینکو پاکستان کا دورہ کر کے پارلیمنٹ میں خطاب بھی کر چکی ہیں۔
.ذریعہ: Nawaiwaqt
کلیدی لفظ: یوسف رضا گیلانی فیڈریشن کونسل چیئرمین سینٹ
پڑھیں:
چیئرمین گلبرگ ٹاؤن کا امام بارگاہوں کا دورہ‘ترقیاتی کاموں کا جائزہ
data-id="863a0a8" data-element_type="widget" data-widget_type="theme-post-content.default">
کراچی (اسٹا ف رپورٹر)محرم الحرام کی آمد کے پیش نظر چیئرمین گلبرگ ٹاؤن نصرت اللہ نے وائس چیئرمین محمد الیاس، چیئرمین ورک کمیٹی مرزا آفاق بیگ اور X.E.N بی اینڈ آر کے ہمراہ مختلف امام بارگاہوں کا دورہ کیا۔ اس موقع پر امام بارگاہ خیر العمل (انچولی) اور امام بارگاہ آئی آر سی (عائشہ منزل) کے اطراف پیور بلاک سمیت دیگر ترقیاتی کاموں کا تفصیلی جائزہ لیا گیا-دورے کے دوران چیئرمین گلبرگ ٹاؤن نے امام بارگاہوں کے منتظمین سے ملاقات کی اور ان سے محرم الحرام کے سلسلے میں درکار سہولیات اور انتظامات پر تبادلہ خیال کیا۔ انہوں نے یقین دہانی کرائی کہ ہر سال کی طرح اس سال بھی محرم الحرام سے قبل تمام تر ضروری انتظامات مکمل کر لیے جائیں گے۔چیئرمین گلبرگ ٹاؤن نصرت اللہ نے کہا کہ روشنی، صفائی ستھرائی، نکاسی آب اور دیگر سہولیات کے حوالے سے ٹاؤن انتظامیہ پوری طرح متحرک ہے اور متعلقہ محکموں کو ہدایات جاری کر دی گئی ہیں تاکہ عزاداران کو کسی قسم کی تکلیف کا سامنا نہ ہو۔انہوں نے کہا کہ محرم الحرام کے دوران امن و امان اور بلاتعطل سہولیات کی فراہمی ہماری اولین ترجیح ہے، اور انشائاللہ گلبرگ ٹاؤن کی عوام کو بہتر اور صاف ستھرا ماحول فراہم کیا جائیگا اس موقع پر یو سی 1 کے چیئرمین عاصم مخدومی اور یو سی 8 کے وائس چیئرمین سلال قریشی بھی ان کے ہمراہ تھے۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی