چین امریکہ مذاکرات میں عملی پیشرفت اور اہم اتفاق رائے طے پا گیا
اشاعت کی تاریخ: 12th, May 2025 GMT
بیجنگ :چین اور امریکہ کے درمیان اعلی سطحی اقتصادی اور تجارتی مذاکرات سوئٹزرلینڈ کے شہر جنیوا میں منعقد ہوئے۔ اقتصادی اور تجارتی مذاکرات کے چینی سربراہ اور چین کے نائب وزیر اعظم حہ لی فنگ نے چینی وفد کی جانب سے منعقدہ پریس کانفرنس میں شرکت کرتے ہوئے کہا کہ موجودہ چین- امریکہ اقتصادی اور تجارتی اعلی سطحی مذاکرات کھلے، گہرے اور تعمیری تھے، جن میں اہم اتفاق رائے اور عملی پیشرفت حاصل ہوئی۔ فریقین نے چین- امریکہ اقتصادی اور تجارتی مشاورت کا میکانزم قائم کرنے پر اتفاق کیا ہے۔حہ لی فنگ نے کہا کہ چین اور امریکہ کی مشترکہ کوششوں کے بعد، مذاکرات ثمر آور رہے ہیں اور مساوات پر مبنی مکالمے اور مشاورت کے ذریعے اختلافات کو حل کرنے کی جانب ایک اہم قدم اٹھایا گیا ہے، جو اختلافات کو مزید کم کرنے اور تعاون کو گہرا کرنے کی بنیاد رکھتا ہے۔حہ لی فنگ نے کہا کہ چین اور امریکہ کے اقتصادی اور تجارتی تعلقات نہ صرف دونوں ممالک کے لیے اہم ہیں بلکہ عالمی معیشت کے استحکام اور ترقی پر بھی گہرا اثر رکھتے ہیں۔ چین امریکہ کے ساتھ مل کر رواں سال 17 جنوری کو دونوں ممالک کے رہنماؤں کے درمیان ٹیلی فونک گفتگو میں ہونے والے اہم اتفاق رائے کو فعال طور پر نافذ کرنے، مسائل کے حل کے لیے عملی رویے اپنانے ، کھلے دل سے مکالمہ اور مساوات پر مبنی مشاورت کرنے، اختلافات پر قابو پانے، تعاون کی صلاحیتوں کو اجاگر کرنے، تعاون کی فہرست کو طویل کرنے، تعاون کے کیک کو بڑا کرنے، چین-امریکہ اقتصادی اور تجارتی تعلقات کو نئی ترقی دلانے اور عالمی معیشت کو زیادہ یقین اور استحکام فراہم کرنے کا خواہاں ہے۔
Post Views: 3.ذریعہ: Daily Mumtaz
کلیدی لفظ: اقتصادی اور تجارتی
پڑھیں:
سندھ حکومت سے مذاکرات کامیاب، ٹرانسپورٹرز کا احتجاج ختم کرنے کا فیصلہ
سٹی 42 : حکومت سندھ اور ٹرانسپورٹرز میں مذاکرات کامیاب ہوگئے، جس کے بعد ٹرانسپورٹرز کی جانب سے احتجاج ختم کرنے کا فیصلہ کیا گیا ہے۔
کمشنر ہاؤس کراچی میں ٹرانسپورٹرز کے وفد نے حاجی یوسف اور جام عالم کی قیادت میں سینئر وزیر شرجیل انعام میمن سے ملاقات کی، ملاقات میں کمشنر کراچی سید حسن نقوی، سیکریٹری ٹرانسپورٹ اسد ضامن، کراچی پولیس چیف جاوید عالم اوڈھو اور دیگر بھی موجود تھے۔
فیلڈ مارشل عاصم منیر کادورہ امریکا،اعلیٰ سیاسی و عسکری قیادت سے ملاقاتیں
شرجیل انعام میمن نے حادثے میں ہونے والے جانی نقصان پر گہرے رنج و غم کا اظہار کیا، واقعے کے بعد ہونے والے پرتشدد واقعات کی بھی شدید مذمت کی۔
صوبائی وزیر شرجیل انعام میمن نے کہا کہ سندھ حکومت ان کے جائز مسائل کو ترجیحی بنیادوں پر حل کرے گی، انسانی جان کا ضیاع ناقابلِ تلافی ہے اور یہ ہمارے لیے انتہائی افسوسناک ہے۔ انہوں نے کہا کہ تشدد اور توڑ پھوڑ مسائل کا حل نہیں، ہم تمام فریقین کے ساتھ مل کر ٹرانسپورٹ سیکٹر کے مسائل حل کریں گے، اس بات کو یقینی بنایا جائے کہ آئندہ ایسے واقعات رونما نہ ہوں۔
صبح سویرے شہر میں بارش سے موسم خوشگوار،رواں ہفتے مزید بارشوں کی پیشگوئی
صوبائی وزیر نے کہا کہ جنہوں نے قانون ہاتھ میں لیا اور فسادات کو ہوا دی ان پر انسداد دہشتگردی کے تحت مقدمات درج ہونگے، ڈمپر مالکان ڈمپرز میں کیمرا، ٹریکر کے ساتھ انشورنس اور ڈرائیورز کا لائسنس یقینی بنائیں گے، ٹرانسپورٹرز کے نقصان کے تعین کے لئے کمیٹی تشکیل دے رہے ہیں۔
کراچی، ڈیفنس لائبریری کے پاس بےقابو ٹریلر بنگلے کی دیوار سے ٹکرا گیا