کراچی: خودکشی کے مختلف واقعات میں لڑکے اور لڑکی لاشیں برآمد
اشاعت کی تاریخ: 13th, May 2025 GMT
نارتھ کراچی میں گھرسے نوجوان کی گلے میں رسی کا پھندا لگی لاش ملی ہے۔پولیس نےواقعے کو خودکشی قرار دیگر واقعے کی تفتیش شروع کردی ہے۔
تفصیلات کے مطابق بلال کالونی تھانے کےعلاقے نارتھ کراچی سیکٹرفائیوایم میں واقع گھرکی بالائی منزل سے نوجوان کی گلے میں رسی کا پھندا لگی لاش ملی ہے اطلاع ملنے پرپولیس موقع پرپہنچ گئی اورلاش کوقانونی کارروائی کیلیے عباسی شہید اسپتال منتقل کردیا گیا جہاں متوفی نوجوان کی شناخت 22 سالہ مدثر ولد عبدالحمید کے نام سے کی گئی۔متوفی نوجوان نجی مطب میں ملازمت کرتا تھا۔
ایس ایچ او بلال کالونی محمد ناصرخان نے بتایا کہ متوفی نوجوان صبح 10 بجے سوکراٹھا کراٹھا اورگھرکی بالائی منزل پرجا کر اس نے رسی کا پھندا لگا کرپنکھے سے لٹکرکرخود کشی کرلی۔متوفی نوجوان کے اہلخانہ کو دوپہر 2 بجے کے قریب واقعے کی اطلاع ملی، فوری طورپرخود کشی کی وجہ سے سامنے نہیں آسکی ہے۔
اس حوالے سے پولیس مزید تفتیش کررہی ہے۔
دوسری جانب کورنگی ضیا کالونی گلی نمبر 12 میں گھر سے خاتون کی گلے میں پھندا لگی لاش ملی جسے ضابطے کی کارروائی کے لیے جناح اسپتال لیجایا گیا۔
کورنگی پولیس کے مطابق متوفیہ کی شناخت 22 سالہ مسکان زوجہ رومان کے نام سے کی گئی۔ ابتدائی تحقیقات میں واقعہ گھریلو چپقلش کے باعث گلے میں پھندا لگا کر خودکشی کا بتایا جا رہا۔
تاہم، اس حوالے سے پولیس اہلخانہ سے مزید معلومات حاصل کرتے ہوئے چھان بین کر رہی ہے۔
.ذریعہ: Express News
کلیدی لفظ: متوفی نوجوان گلے میں
پڑھیں:
کراچی: جھگڑے کے دوران دوست نے دوست کو قتل کردیا
کراچی:موسیٰ کالونی میں آپسی جھگڑے میں دوست نے چھری مارکر اپنے ہی دوست کو قتل کردیا۔
چھیپا حکام کے مطابق گلبرگ موسیٰ کالونی یو سی پارک کے قریب آپسی جھگڑے میں چھری کے وار سے ایک شخص جاں بحق ہوگیا۔
جاں بحق شخص کی لاش چھیپا ایمبولینس سے عباسی اسپتال منتقل کی گئی۔ چھیپا حکام کے مطابق جاں بحق ہونے والے شخص کی شناخت 20 سالہ وسیم ولد ابراہیم کے نام سے ہوئی۔
گلبرگ تھانے کے ہیڈ محرر اے آیس آئی یاسرنے بتایا کہ ابتدائی اطلاعات کے مطابق یہ واقعہ ذاتی جھگڑے کے باعث پیش آیا۔ وسیم اور کامران آپس میں دوست اور موسیٰ کالونی کے رہائشی ہیں۔
ابتدائی معلومات کے مطابق کامران نے نامعلوم وجہ کے سبب اپنے دوست کو چھری مارکر قتل کردیا۔پولیس نے ملزم کامران کو حراست میں لے لیا ہے، پولیس واقعہ کی مزید تفتیش کررہی ہے۔
پاکستان اور آئی ایم ایف میں کلائمٹ فنانسنگ پروگرام کے تحت مذاکرات جاری