دہشت گرد تنظیموں سے بھی بھارت کی طرح نمٹنے کا اعلان
اشاعت کی تاریخ: 12th, May 2025 GMT
لاہور(ڈیلی پاکستان آن لائن)وفاقی وزیرداخلہ محسن نقوی کا کہنا ہے کہ پاکستان نے تمام محاذوں پر بھارت کو شکست دی۔ کالعدم بی ایل اے سمیت تمام دہشتگرد تنظیموں سے بھی اسی طرح نمٹیں گے۔
نجی ٹی وی سما نیوز کے مطابق لاہور میں بھارتی ڈرون حملے میں شہید نوجوان کے گھر آمد کے موقع پر وزیرداخلہ محسن نقوی نے کہا کہ اب انڈیا کوئی بھی ایڈونچر کرنے سے پہلے100 بار سوچے گا، ہمارا کسی دہشتگردی سے کوئی تعلق نہیں، بھارت نے دہشتگردی کا ڈرامہ رچایا، ڈرامے بنانے میں ان کی انڈسٹری کوسب جانتے ہیں۔
محسن نقوی نے کہا کہ جنگیں اب 3حصوں میں نہیں، 5حصوں میں ہو چکی، بری، بحری اور فضائی محاذ کے ساتھ سفارتی محاذ بھی اہم ہے، پانچواں محاذ میڈیا کا ہے، پاکستان نے تمام محاذوں پر بھارت کو شکست دی، کالعدم تنظیموں سے بھی اسی طرح نمٹیں گے۔
ایک شخص نے 20 برس کے دوران خود کو 200 سانپوں سے کیوں ڈسوایا؟
وزیرداخلہ محسن نقوی نے اس موقع پر بھارتی ڈرون حملے میں شہید نوجوان علی حیدرکی والدہ شمیم بی بی سے اظہار تعزیت کی، کچا جیل روڈ کا رہائشی علی حیدرر اولپنڈی میں برگر کا سٹال لگانے گیا تھا، 20 سال کا شہیدعلی حیدر 8 بہنوں کا اکلوتا بھائی تھا۔
وزیرداخلہ محسن نقوی نے کہا کہ اللہ تعالیٰ شہید کے اہل خانہ کوصبردے، 20 سال کا شہید نوجوان اہلخانہ کا واحد سہارا تھا، شہید کے اہلخانہ کے ساتھ ہیں،ہر ممکن مدد کریں گے، بھارت سے جنگ میں ان شہداکی وجہ سے کامیابیاں ملیں۔
ذریعہ: Daily Pakistan
کلیدی لفظ: وزیرداخلہ محسن نقوی محسن نقوی نے
پڑھیں:
ن لیگ کی اعلیٰ قیادت کی مشاورت، معیشت اور کرپشن سے نمٹنے پر غور
مسلم لیگ (ن) کی اعلیٰ قیادت نے ملکی معیشت کی موجودہ صورتحال اور کرپشن کے خلاف اقدامات پر تفصیلی مشاورت کا آغاز کر دیا ۔
نجی ٹی وی کے مطابق مری میں ہونے والی اس اہم ملاقات میں سابق وزیراعظم نواز شریف، وزیراعظم شہباز شریف اور وزیراعلیٰ پنجاب مریم نواز شریک ہوئیں، جبکہ وزیر دفاع خواجہ آصف سمیت دیگر سینئر پارٹی رہنما بھی موجود تھے۔
اہم امور زیر بحث
اس اعلیٰ سطح مشاورتی اجلاس میں نہ صرف ملکی سیاسی حالات بلکہ وفاق اور پنجاب حکومت کے ترقیاتی منصوبوں پر بھی تبادلہ خیال کیا گیا۔ قیادت نے اس بات پر بھی غور کیا کہ کرپشن کی روک تھام کے لیے کن مؤثر حکمت عملی کو اپنایا جا سکتا ہے، تاکہ حکومتی شفافیت اور کارکردگی کو بہتر بنایا جا سکے۔
اپوزیشن کی تحریک پر بھی بات چیت
اجلاس میں ملک میں جاری سیاسی درجہ حرارت اور اپوزیشن کی ممکنہ احتجاجی تحریک پر بھی مشاورت ہوئی۔ پارٹی قیادت نے اس حوالے سے مختلف ممکنہ چیلنجز اور ان سے نمٹنے کی حکمت عملی پر تبادلہ خیال کیا۔
ترقیاتی ایجنڈا اور گورننس پر توجہ
قیادت نے اس بات پر زور دیا کہ عوامی فلاح کے منصوبوں کو تیز رفتاری سے مکمل کیا جائے، اور دونوں سطح پر (وفاق اور پنجاب) گورننس کے معیار کو بہتر بنانے کے لیے ٹھوس اقدامات کیے جائیں۔
بانی پی ٹی آئی نے ہمیشہ کہا پاکستان سے باہر نہیں جاؤں گا: علی امین گنڈاپور